അടൂര്‍.അഗതിപരിപാലനകേന്ദ്രമായഅടൂര്‍മഹാത്മജനസേവനകേന്ദ്രവും ഏറത്ത് ഗ്രാമ പഞ്ചായത്തും സംയുക്തമായൊരുക്കിയ മിഴിവ് ഫെസ്റ്റ് ഓഫ് മഹാത്മയില്‍തിരക്കേറുന്നു. ഓണ വിപണന സറ്റാളുകളിലാണ് ഏറെ തിരക്ക്. മഹാത്മ ജനസേവന കേന്ദ്രം പച്ചക്കറി സ്റ്റാളില്‍ ഉത്പന്നങ്ങള്‍ക്ക് താരതമേന വന്‍വിലക്കുറവാണ്, ഏഷ്യന്‍ ഫുഡ്‌പ്രൊടക്‌സിന്റെ ഉപ്പേരി ,കളിയടയ്ക്കശര്‍ക്കരപുരട്ടി എന്നിവ എം.ആര്‍.പിയേക്കാള്‍ പത്ത് രൂപ കുറവില്‍ ഇവിടെ ലഭിക്കുന്നു തുണിത്തരങ്ങള്‍,ഫാന്‍സി , സ്റ്റേഷനറി ഐറ്റങ്ങള്‍, കുട്ട മുറം, ചവുട്ടി ഐറ്റങ്ങള്‍ക്ക്മികച്ച ഓഫറുകളും, വിലക്കുറവും ആകര്‍ഷകമാക്കുന്നു. കുമളി മണ്ണാറത്തറ ഗാര്‍ഡന്‍സിന്റെ മനോഹരമായ പുഷ്പമേള, പുരാവസ്തു മ്യൂസിയം, കലാപരിപാടികള്‍ എന്നിവ എന്‍ഡ്രി പാസ്സില്‍ ആസ്വദിക്കാം. എന്‍ഡ്രി പാസ്സ് 30 രൂപയും …

അടൂര്‍: ആനന്ദപ്പള്ളി മരമടി മത്സരത്തിന് അനുമതി തേടിയുള്ള ആനന്ദപ്പള്ളി കര്‍ഷക സമിതിയുടെ അപേക്ഷ ജില്ലാ കലക്ടര്‍ തള്ളി. തമിഴ്‌നാട്ടിലും കര്‍ണാടകയിലും ജെല്ലിക്കെട്ട് നടത്താനുള്ള അനുമതി അതാതു സര്‍ക്കാരുകള്‍ നല്‍കിയതിനെ തുടര്‍ന്നാണ് നാലു വര്‍ഷമായി മുടങ്ങി കിടക്കുന്ന ആനന്ദപ്പള്ളി മരമടി മത്സരവും പുനരാരംഭിക്കണമെന്നുള്ള ആവശ്യവുമായി ആനന്ദപ്പള്ളി കര്‍ഷക സമിതി കഴിഞ്ഞ 31നു ജില്ലാ കലക്ടര്‍ക്ക് അപേക്ഷ സമര്‍പ്പിച്ചത്. എന്നാല്‍, അപേക്ഷ പരിശോധിച്ചെങ്കിലും നിലവിലുള്ള നിയമ പ്രകാരം മരമടി മത്സരം നിരോധിക്കപ്പെട്ടിട്ടുള്ളതിനാല്‍ ഈ മത്സരം നടത്താന്‍ അനുമതി ഇല്ലെന്നു പറഞ്ഞാണ് കലക്ടര്‍ കര്‍ഷക സമിതിയുടെ അപേക്ഷ നിരസിച്ചത്. …

അടൂര്‍:നാലാം ദിവസത്തിലേക്കു കടക്കുന്ന മഹാത്മ മിഴിവ് ഫെസ്റ്റില്‍ ജനമൈത്രി പോലീസ് സ്റ്റാളും സജ്ജമാകുന്നു.പൊതു ജനങ്ങളുടെ സുരക്ഷയേകുറിച്ചും പോലീസും ജനങ്ങളും തമ്മിലുള്ള സഹകരണം,കുട്ടികളുടെ സുരക്ഷ എന്നിവയേ കുറിച്ചുള്ള ജനമൈത്രി പോലീസ് തയ്യാറാക്കിയ ലഘുലേഖകള്‍ ഈസ്റ്റാളില്‍ കൂടി വിതരണം ചെയ്യും.നന്മ നിറഞ്ഞ മഹാത്മജന സേവന കേന്ദ്രത്തിന്റെ മഹത്തായ ജീവകാരുണ്യ പ്രവര്‍ത്തനങ്ങളില്‍ പങ്കാളികളാകുവാന്‍ ലഭിക്കുന്ന അവസരം കൂടിയാണ് മിഴിവ് ഫെസ്റ്റ്.മിഴിവ് ഫെസ്റ്റ് സെപ്റ്റംബര്‍ 10 വരെയാണ്.വിവിധ രൂപത്തിലും ഭാവത്തിലും അരങ്ങേറുന്ന മിഴിവില്‍.30ന് രാത്രി 7 ന് കോമഡി ഷൊ സ്റ്റാന്‍ലി & ടീം (ബഡായി ബംഗ്ലാവ് ഫെയിം) അവതരിപ്പിക്കുന്നു. …

  പത്തനംതിട്ട: മാതൃഭൂമി സ്പെഷ്യല്‍ കറസ്പോണ്ടന്റായിരുന്ന സി ഹരികുമാറിന്റെ സ്മരണയ്ക്ക് പത്തനംതിട്ട പ്രസ് ക്ലബ് ഏര്‍പ്പെടുത്തിയ മാധ്യമ അവാര്‍ഡ് മലയാള മനോരമ ചീഫ് സബ് എഡിറ്റര്‍ വര്‍ഗീസ് സി. തോമസിന് ലഭിക്കും. ‘നിലയ്ക്കരുത് ഈ നീരൊഴുക്ക് ‘ എന്ന പരമ്പരയ്ക്കാണ് അവാര്‍ഡ്. 25,000 രൂപയും പ്രശസ്തി പത്രവും മെമന്റോയും അടങ്ങുന്ന പുരസ്‌കാരം സെപ്തംബര്‍ രണ്ടിന് പത്തനംതിട്ട പ്രസ്‌ക്ലബ് ഹാളില്‍ ചേരുന്ന സമ്മേളനത്തില്‍ മാധ്യമപ്രവര്‍ത്തകനും കവിയുമായ പ്രഭാവര്‍മ സമ്മാനിക്കും. പാരിസ്ഥിതിക ആഘാതങ്ങള്‍ ജനങ്ങളുടെ നിത്യജീവിതത്തെ ഏങ്ങനെയെല്ലാം ബാധിക്കുന്നുവെന്ന് വ്യക്തമാക്കുന്ന പരമ്പര സാധാരണക്കാരുടെ അങ്കലാപ്പും നഷ്ടബോധവും ചിത്രീകരിക്കുന്നു. …

സമ്പത്ത് കൈകാര്യം ചെയ്യുന്നതിലല്ല ജീവിതകാലത്ത് എത്ര നന്മകള്‍ ചെയ്യുന്നു എന്നതാണ് മഹത്തരമെന്ന് മന്ത്രി മാത്യു ടി. തോമസ്   അടൂര്‍: സമ്പത്ത് കൈകാര്യം ചെയ്യുന്നതിലല്ല ജീവിതകാലത്ത് എത്ര നന്മകള്‍ ചെയ്യുന്നു എന്നതാണ് മഹത്തരമെന്ന് മന്ത്രി മാത്യു ടി. തോമസ് പറഞ്ഞു.അടൂര്‍ മഹാത്മ ജന സേവന കേന്ദ്രത്തിന്റെ മിഴിവ് ഫെസ്റ്റ് വടക്കടത്തുകാവില്‍ ഉദ്ഘാടനം ചെയ്യുകയായിരുന്നു അദ്ദേഹം.ഏറത്ത് ഗ്രാമപഞ്ചായത്ത് പ്രസിഡന്റ് പ്രസന്ന വിജയകുമാര്‍ അധ്യക്ഷത വഹിച്ചു. ഏ.പി.ജയന്‍, ടി.ഡി സജി, നിഖില ജിജു തരകന്‍ ,അടൂര്‍ ജയന്‍, വര്‍ഗീസ് പേരയില്‍, ഡി.സജി, രാജേഷ് തിരുവല്ല ,കെ പ്രസന്നന്‍, …

അടൂര്‍: ‘അഗതികുടുംബത്തിന് തലചായ്ക്കാനിടം’ പദ്ധതിക്കായി അടൂര്‍ മഹാത്മാ ജനസേവനകേന്ദ്രത്തിന്റെ മിഴിവ് ഫെസ്റ്റ് 27 മുതല്‍ സെപ്റ്റംബര്‍ പത്തുവരെ വടക്കടത്തുകാവില്‍ നടക്കും. 27നു വൈകീട്ട് അഞ്ചിന് മന്ത്രി മാത്യു ടി.തോമസ് ഉദ്ഘാടനംചെയ്യും. ചിറ്റയം ഗോപകുമാര്‍ എം.എല്‍.എ. അധ്യക്ഷത വഹിക്കും. ഫെസ്റ്റിന്റെ ഭാഗമായി പുഷ്പോത്സവം, എക്സിബിഷന്‍, ഭക്ഷ്യമേള, പുരാവസ്തു പ്രദര്‍ശനം, ഗോസ്റ്റ് ഹൗസ്, മാജിക് പാര്‍ലര്‍, അമ്യൂസ്മെന്റ് പാര്‍ക്ക് എന്നിവയും ഉണ്ടാകും. ദിവസവും രാത്രിയില്‍ കലാപരിപാടികളും ഉണ്ടാകും. 27ന് സുമേഷ് കൂട്ടിക്കലും സംഘവും അവതരിപ്പിക്കുന്ന മ്യൂസിക്കല്‍ നൈറ്റ്, 28ന് അജയ് മാടക്കലും സംഘവും അവതരിപ്പിക്കുന്ന കോമഡി ഉത്സവ്, …

അടൂര്‍: ആനന്ദപ്പള്ളി മരമടി മല്‍സരം പുനരാരംഭിക്കുന്നതു സംബന്ധിച്ച വിഷയം നിയമസഭയിലും എത്തിയതോടെ പ്രതീക്ഷയിലാണ് ജില്ലയിലെ കര്‍ഷകര്‍. ചിറ്റയം ഗോപകുമാര്‍ എംഎല്‍എ സബ്മിഷനിലൂടെയാണ് ഈ വിഷയം നിയമസഭയില്‍ അവതരിപ്പിച്ചത്. ചില നിയമ സാങ്കേതികതയുടെ അവ്യക്തതമൂലം മുടങ്ങിയ ആനന്ദപ്പള്ളി മരമടി മല്‍സരം പുനരാരംഭിക്കണമെന്നാണ് എംഎല്‍എ ഇന്നലെ നിയമസഭയില്‍ സബ്മിഷനിലൂടെ ഉന്നയിച്ചത്. ജില്ലയിലെ ശ്രദ്ധേയമായ കാര്‍ഷിക വിനോദമായ മരമടി മല്‍സരം കര്‍ഷകരും ഉരുക്കളും സമ്മേളിക്കുന്ന കാര്‍ഷികാധ്വാനത്തിന്റെ പ്രതീകാത്മകമായ ആഘോഷമാണെന്നും വിവിധ പ്രദേശങ്ങളിലെ കര്‍ഷകരുടെ കൂട്ടായ്മ നിലനിര്‍ത്തുന്നതിനും യുവാക്കളെ കാര്‍ഷികവൃത്തിയിലേക്ക് ആകര്‍ഷിക്കുന്നതിനും മറ്റും ലക്ഷ്യംവച്ചതുമാണ് മരമടി മല്‍സരമെന്നും ചിറ്റയം ചൂണ്ടിക്കാട്ടി. …

  അടൂര്‍: പച്ചക്കറി വ്യാപാരി മകളുടേതിനൊപ്പം നിര്‍ധന കുടുംബത്തിലെ പെണ്‍കുട്ടിയുടെയും വിവാഹം നടത്തിക്കൊടുത്ത് നന്മയുടെ പുതുവഴി തുറന്നു. പൊങ്ങലടി മാന്ത്രയില്‍ അനില്‍കുമാറിന്റെ മകള്‍ രേഷ്മയുടെയും പൊങ്ങലടി കാവിന്റെ പടിഞ്ഞാറ്റേതില്‍ ഗീതയുടെയും വിവാഹങ്ങളാണു നടന്നത്. ഗീതയുടെ മാതാപിതാക്കള്‍ മരിച്ചുപോയതാണ്. ഇന്നലെ രാവിലെ അടൂര്‍ ഗീതം ഓഡിറ്റോറിയത്തില്‍ ആദ്യം ഗീതയുടെ വിവാഹമായിരുന്നു. അനില്‍കുമാറും ഭാര്യ സിന്ധുവും കൂടിയാണ് ഗീതയെ കതിര്‍മണ്ഡപത്തിലേക്ക് കൈപിടിച്ചുകയറ്റിത്. പാവുമ്പ സ്വദേശി ശംഭു ഗീതയ്ക്കു വരനായി. ഇതിനു ശേഷമാണ് അനിലിന്റെ മകള്‍ രേഷ്മയുടെ കഴുത്തില്‍ കൊട്ടിയം സ്വദേശി വിഷ്ണു താലി കെട്ടിയത്. ഗീതയുടെ വിവാഹത്തിന് …

  അടൂര്‍: അടൂര്‍ താലൂക്ക് ഓഫീസില്‍ സംഘടിപ്പിച്ച താലൂക്ക് തല അദാലത്തില്‍ വീണ്ടും ആത്മഹത്യാശ്രമം.പന്തളം തെക്കേക്കര പഞ്ചായത്തില്‍ പെരുമ്പുളിക്കല്‍ കൃഷ്ണനിലയത്തില്‍ സതീഷ്‌കുമാറാണ് കൈയില്‍ കരുതിയിരുന്ന കുപ്പിയില്‍ കൊണ്ടു വന്ന പെട്രോള്‍ തഹസില്‍ദാര്‍ക്ക് മുന്നില്‍ വന്ന് തലയിലൂടെ ഒഴിച്ച ശേഷം കത്തിക്കാനായി ലൈറ്റര്‍ തെളിച്ചത്. കണ്ടു നിന്ന ഒരാള്‍ സമയയോചിതമായി ഇടപെട്ടതിനാല്‍ വന്‍ദുരന്തം ഒഴിവായി. പഞ്ചായത്തിന്റെ ഉടമസ്ഥതയിലുള്ള വഴി വ്യക്തികള്‍ കൈയേറിയതിന് എതിരേ സതീഷ്‌കുമാര്‍ നിരന്തരം പരാതി നല്‍കിയിരുന്നു. എല്ലാ തലങ്ങളിലും പരാതിയുമായി കയറിയിറങ്ങി മടുത്ത സതീഷ് അവസാനം ജില്ലാ കലക്ടര്‍ സംഘടിപ്പിച്ച റവന്യൂ അദാലത്തിലേക്കും …