ചാവക്കാട് :കുവൈത്തിലെ മാംഗെഫിലുണ്ടായ തീപിടിത്തത്തില്‍ മരിച്ച ചാവക്കാട് തെക്കന്‍ പാലയൂര്‍ സ്വദേശി തോപ്പില്‍ വീട്ടില്‍ ബിനോയ് തോമസിന്റെ (44) കുടുംബത്തിന് വീടുവച്ചു നല്‍കുമെന്ന് കേന്ദ്രമന്ത്രി സുരേഷ് ഗോപി. ബിനോയിയുടെ മൃതദേഹം ഏറ്റുവാങ്ങാന്‍ നെടുമ്പാശേരി വിമാനത്താവളത്തിലെത്തിയ ബന്ധുക്കളോടാണ് മന്ത്രി ഇക്കാര്യം പറഞ്ഞത്. ബിനോയിയുടെ കുടുംബത്തിന് വീടില്ലെന്നും താല്‍ക്കാലിക ഷെഡിലാണ് ഭാര്യയും രണ്ടു മക്കളുമടങ്ങുന്ന കുടുംബം കഴിയുന്നതെന്നും അറിഞ്ഞതിനു പിന്നാലെയാണ് വീടുവച്ചു നല്‍കാമെന്ന് സുരേഷ് ഗോപി ഉറപ്പ് നല്‍കിയത്. സ്വന്തമായി വീടെന്ന ആഗ്രഹം പൂര്‍ത്തിയാക്കാനാണ് ഒരാഴ്ച മുന്‍പ് ബിനോയ് കുവൈത്തിലേക്കു പോയത്. ഏറെക്കാലമായി വാടകവീട്ടില്‍ കഴിഞ്ഞിരുന്ന ബിനോയും …

കുവൈത്ത് സിറ്റി: തൊഴിലാളികള്‍ താമസിച്ചിരുന്ന ആറുനിലക്കെട്ടിടത്തിലുണ്ടായ തീപിടിത്തത്തില്‍ 49 പേര്‍ മരിച്ചു. മരിച്ചവരില്‍ നിരവധി മലയാളികളും ഉള്‍പ്പെട്ടിട്ടുണ്ട്. മൃതദേഹങ്ങള്‍ ഉടന്‍ നാട്ടിലെത്തിക്കാനുള്ള ശ്രമങ്ങള്‍ ആരംഭിച്ചതായി വിദേശകാര്യമന്ത്രാലയം അറിയിച്ചു. മൃതദേഹങ്ങള്‍ തിരിച്ചറിയാന്‍ ഡിഎന്‍എ ടെസ്റ്റ് നടത്തും. ചികില്‍സയിയിലുള്ളവരില്‍ ഏഴുപേരുടെ നില ഗുരുതരമാണ്. തെക്കന്‍ കുവൈത്തില്‍ അഹ്മദി ഗവര്‍ണറേറ്റിലെ മംഗഫില്‍ വിദേശ തൊഴിലാളികള്‍ താമസിക്കുന്ന മേഖലയിലാണ് അപകടമുണ്ടായത്. മലയാളി വ്യവസായിയുടെ ഉടമസ്ഥതയിലുള്ള എന്‍ബിടിസി കമ്പനി ജീവനക്കാരുടെ ഫ്‌ലാറ്റിലാണ് ഇന്നലെ പുലര്‍ച്ചെ തീപിടിത്തമുണ്ടായത്. സ്വദേശി പൗരന്റെ ഉടമസ്ഥതയിലുള്ളതാണ് കെട്ടിടം. കെട്ടിട ഉടമയെയും സുരക്ഷാ ജീവനക്കാരനെയും അറസ്റ്റു ചെയ്തു. കെട്ടിട …

കുവൈത്ത് സിറ്റി: കുവൈത്തില്‍ 2023-ല്‍ ഏകദേശം 90 ലക്ഷം ട്രാഫിക് നിയമലംഘനങ്ങള്‍ നടന്നതായും വാഹനാപകടങ്ങളില്‍ 296 പേര്‍ മരിച്ചതായും ആഭ്യന്തര മന്ത്രാലയം അറിയിച്ചു. 2024 -ലെ ഏകീകൃത ഗള്‍ഫ് ട്രാഫിക് വീക്കുമായി ബന്ധപ്പെട്ട് നടത്തിയ വാര്‍ത്താ സമ്മേളനത്തില്‍ ഡയറക്ടര്‍ ബ്രിഗേഡിയര്‍ നവാഫ് അല്‍-ഹയാന്‍ ആണ് ഈ കാര്യങ്ങള്‍ അറിയിച്ചത് സ്ഥിതിവിവരക്കണക്കുകള്‍ പ്രകാരം വേഗത പരിധി കവിഞ്ഞതില്‍ ആണ് ഏറ്റവും കൂടുതല്‍ നിയമലംഘനം നടന്നത് 40 ലക്ഷത്തിലധികം വരുമിത്. ചുവന്ന ലൈറ്റ് കടന്ന കേസുകള്‍ 8.5 ലക്ഷത്തില്‍ അധികമാണ്, സീറ്റ് ബെല്‍റ്റ് ധരിക്കാത്തത് 3 ലക്ഷം. …

കുവൈത്ത് സിറ്റി: തിരുവല്ല സ്വദേശിയും നഴ്‌സുമായ ഷീബയെ (42) കെട്ടിടത്തില്‍നിന്നു വീണു മരിച്ച നിലയില്‍ കണ്ടെത്തി. അബ്ബാസിയയിലെ അപ്‌സര ബസാറിനു സമീപത്തുള്ള കെട്ടിടത്തിലാണ് ഇവര്‍ കുടുംബസമേതം താമസിച്ചിരുന്നത്. സ്വകാര്യ ക്ലിനിക്കില്‍ നഴ്‌സായിരുന്നു. 3 മാസമായി ജോലി ഇല്ലാത്തതിന്റെ വിഷമം ഉണ്ടെന്നും സൂചനയുണ്ട്. തിരുവല്ല പുളിക്കീഴ് പരേതനായ കിഴക്കയില്‍ വര്‍ഗീസിന്റെ മകളാണ്. ഭര്‍ത്താവ് മല്ലപ്പള്ളി പായിപ്പാട് സ്വദേശി റെജി കുരുവിള. മകന്‍ റോഷന്‍ നാട്ടില്‍ എന്‍ജിനീയറിങ് വിദ്യാര്‍ഥി. മകള്‍ റോസിറ്റ യുണൈറ്റഡ് ഇന്ത്യന്‍ സ്‌കൂളില്‍ 9-ാം ക്ലാസ് വിദ്യാര്‍ഥിനി. സംസ്‌കാരം പിന്നീട് നാട്ടില്‍.  

കുവൈത്ത് സിറ്റി: കുവൈത്തില്‍ വിസാ നിയമലംഘകരായ 66 പേര്‍ കൂടി അറസ്റ്റില്‍. ജനറല്‍ അഡ്മിനിസ്ട്രഷന്‍ ഓഫ് റെസിഡന്‍സ് അഫയേഴ്സ് ഇന്‍വെസ്റ്റിഗേഷന്‍ മറ്റ് മന്ത്രാലയങ്ങളുമായി സഹകരിച്ച് നടത്തിയ പരിശോധനകളിലാണ് താമസ, തൊഴില്‍ നിയമലംഘകരായ ഇവര്‍ പിടിയിലായത്.ഫര്‍വാനിയ, അല്‍ ഖുറൈന്‍, ജബ്രിയ എന്നിവിടങ്ങളില്‍ നടത്തിയ പരിശോധനകളിലാണ് ഇവരെ പിടികൂടിയത്. തുടര്‍ നിയമ നടപടികള്‍ക്കായി പിടിയിലായവരെ ബന്ധപ്പെട്ട വകുപ്പുകള്‍ക്ക് കൈമാറി. കഴിഞ്ഞ ദിവസം നടത്തിയ പരിശോധനകളില്‍ നിയമലംഘകരായ 85 പ്രവാസികളെ അറസ്റ്റ് ചെയ്തിരുന്നു. താമസ, തൊഴില്‍ നിയമങ്ങള്‍ ലംഘിച്ചവരാണ് പിടിയിലായത്. ഫര്‍വാനിയ ഗവര്‍ണറേറ്റില്‍ നടത്തിയ പരിശോധനകളിലാണ് ഇവര്‍ പിടിയിലായത്. …

കുവൈത്ത് സിറ്റി: നബിദിനം പ്രമാണിച്ച് ഒക്ടോബര്‍ 9ന് പൊതു അവധിയായിരിക്കുമെന്നു കുവൈത്ത് സിവില്‍ സര്‍വീസ് കമ്മിഷന്‍ അറിയിച്ചു. അവധി ദിവസം ജോലി ചെയ്യിക്കാന്‍ പാടില്ലെന്നും അറിയിച്ചു.  

കുവൈത്ത് സിറ്റി : അനധികൃത റിക്രൂട്‌മെന്റിലൂടെ കുവൈത്തില്‍ ഗാര്‍ഹിക ജോലിക്കെത്തി കുടുങ്ങി ഇന്ത്യന്‍ എംബസിയില്‍ അഭയം തേടിയത് നൂറോളം വനിതകള്‍. മലയാളികള്‍ ഉള്‍പ്പെടെയുള്ള യുവതികളെ എംബസിയുടെ അഭയകേന്ദ്രത്തില്‍ പാര്‍പ്പിച്ചിരിക്കുകയാണ്. ഇവരിലേറെയും കൊച്ചി വഴിയാണ് എത്തിയത്. മനുഷ്യക്കടത്ത് കേസ് പ്രതി കണ്ണൂര്‍ തളിപ്പറമ്പ് സ്വദേശി മജീദ് (എം.കെ.ഗാസലി) മുഖേന എത്തിയ 3 പേരും ഇക്കൂട്ടത്തിലുണ്ട്. മറ്റുള്ളവര്‍ വ്യത്യസ്ത ഏജന്റുമാര്‍ മുഖേന എത്തിയവരാണ്. കുടുംബത്തിലെ പട്ടിണിയകറ്റാന്‍ കയറിവന്നവരില്‍ സ്‌കൂള്‍ അധ്യാപകര്‍ വരെയുണ്ട്. രേഖകള്‍ ശരിപ്പെടുത്തി ഇവരെ നാട്ടിലെത്തിക്കാന്‍ ഒരു മാസമെങ്കിലും എടുക്കും. ഇതിനിടെ, മജീദ് വിദേശത്തേക്കു കടത്തിയ …

കൊച്ചി: കുവൈത്തിലേക്കു യുവതികളെ കടത്തിയ കേസിലെ രണ്ടാം പ്രതി പത്തനംതിട്ട സ്വദേശി അജുമോനെ (35) എറണാകുളം സൗത്ത് പൊലീസ് അറസ്റ്റ് ചെയ്തു. കണ്ണൂര്‍ തളിപ്പറമ്പ് സ്വദേശി മജീദാണു കേസിലെ ഒന്നാം പ്രതി. ഇയാള്‍ ഇപ്പോഴും വിദേശത്ത് ഒളിവിലാണ്. കേസില്‍ അജുമോന്‍ മുന്‍കൂര്‍ ജാമ്യത്തിനു ശ്രമിച്ചിരുന്നു. കോടതി അപേക്ഷ തള്ളിയതോടെ ഇന്നലെ പൊലീസ് സ്റ്റേഷനില്‍ കീഴടങ്ങുകയായിരുന്നു. കേസില്‍ പൊലീസ് മനുഷ്യക്കടത്തു (ഐപിസി-370) കുറ്റവും ചേര്‍ത്ത് എഫ്‌ഐആര്‍ പുതുക്കി കോടതിയില്‍ റിപ്പോര്‍ട്ട് സമര്‍പ്പിച്ചു. ഇതോടെ ദേശീയ അന്വേഷണ ഏജന്‍സിക്ക് കേസന്വേഷണം ഏറ്റെടുക്കാനുള്ള അവസരം ഒരുങ്ങി. കുട്ടികളെ പരിചരിക്കാന്‍ …

കണ്ണൂര്‍: സില്‍വര്‍ലൈന്‍ പദ്ധതിക്കെതിരെ വീണ്ടും സമരം ശ്കതമാക്കാനൊരുങ്ങി സില്‍വര്‍ലൈന്‍ വിരുദ്ധ സമരസമിതി. സര്‍ക്കാര്‍ ജനങ്ങളെ വിഡ്ഢികളാക്കുകയാണെന്നും പദ്ധതി ഉപേക്ഷിക്കാതെ പിന്നോട്ടില്ലെന്നുമാണു സമരസമിതിയുടെ നിലപാട്. ഡിപിആര്‍ കേന്ദ്ര സര്‍ക്കാരിനു സമര്‍പ്പിച്ച രണ്ടാം വാര്‍ഷിക ദിനത്തില്‍ ഡിപിആര്‍ കത്തിച്ചാണ് പുതിയ സമരപരിപാടികള്‍ക്കു തുടക്കമിട്ടത്. പദ്ധതിയില്‍നിന്ന് പിന്നോട്ടുപോകുകയാണെന്നു പറയുന്ന സര്‍ക്കാര്‍ മറുഭാഗത്ത് പദ്ധതി നടപ്പിലാക്കാനുള്ള ശ്രമം തുടരുകയാണെന്ന് ഇവര്‍ പറയുന്നു. ജനങ്ങളെ വിഡ്ഢികളാക്കുകയാണ്. ഈ സാഹചര്യത്തില്‍ കൂടിയാണ് വേറിട്ടൊരു പ്രതിഷേധത്തിന് സില്‍വര്‍ലൈന്‍ വിരുദ്ധ സമിതി തയാറായത്. പദ്ധതി ഉപേക്ഷിക്കുന്നതുവരെ സമരവുമായി മുന്നോട്ടുപോകും. കൂടുതല്‍ ജനങ്ങളെ സമരത്തില്‍ വരും ദിവസങ്ങളില്‍ …

തിരുവനന്തപുരം: എസ്.എസ്.എല്‍.സി. പരീക്ഷാഫലം ബുധനാഴ്ച മൂന്നിന് മന്ത്രി വി. ശിവന്‍കുട്ടി പ്രഖ്യാപിക്കും. ഇതൊടൊപ്പം ടി.എച്ച്.എസ്.എല്‍.സി., ടി.എച്ച്.എസ്.എല്‍.സി. (ഹിയറിങ് ഇംപേര്‍ഡ്), എസ്.എസ്.എല്‍.സി. (ഹിയറിങ് ഇംപേര്‍ഡ്), എ.എച്ച്.എസ്.എല്‍.സി. പരീക്ഷകളുടെ ഫലവും പ്രഖ്യാപിക്കും. വൈകീട്ട് നാലുമുതല്‍ ഫലം ലഭ്യമാകും. ഫലം അറിയാന്‍: www.pareekshabhavan.kerala.gov.in, www.sslcexam.kerala.gov.in, www.results.kite.kerala.gov.in, www.prd.kerala.gov.in എസ്.എസ്.എല്‍.സി. (എച്ച്.ഐ): www.sslchiexam.kerala.gov.in ടി.എച്ച്.എസ്.എല്‍.സി. (എച്ച്.ഐ.): www.thslchiexam.kerala.gov.in, ടി.എച്ച്.എസ്.എല്‍.സി.: www.thslcexam.kerala.gov.in, എ.എച്ച്.എസ്.എല്‍.സി.: www.ahslcexam.kerala.gov.in. ഗൂഗിള്‍ പ്ലേ സ്റ്റോറില്‍ നിന്നു Saphalam 2022, PRD Live എന്നീ മൊബൈല്‍ ആപ്പുകള്‍ ഡൗണ്‍ലോഡ് ചെയ്തും ഫലം അറിയാം.