തിരുവനന്തപുരം: നാലു ദിവസമായി സമരംചെയ്യുന്ന സംസ്ഥാനത്തെ സര്‍ക്കാര്‍ ഡോക്ടര്‍മാരോടുള്ള നിലപാട് കടുപ്പിച്ച് സര്‍ക്കാര്‍. ആരോഗ്യമന്ത്രിയുമായി ചര്‍ച്ച നടത്തി സമരം പിന്‍വലിക്കാനുള്ള നീക്കം ഡോക്ടര്‍മാര്‍ നടത്തിയെങ്കിലും മന്ത്രി വഴങ്ങിയില്ല. സമരം പിന്‍വലിച്ചശേഷം മാത്രം ചര്‍ച്ചയെന്ന് സര്‍ക്കാര്‍ വ്യക്തമാക്കി. ആരോഗ്യമന്ത്രി കെ.കെ ശൈലജയുടെ ഓഫീസിലെത്തിയാണ് കെ.ജി.എം.ഒ.എ പ്രതിനിധികള്‍ മന്ത്രിയുമായും മുഖ്യമന്ത്രിയുമായും ചര്‍ച്ചയ്ക്ക് ശ്രമിച്ചത്. എന്നാല്‍ സമരം പിന്‍വലിച്ചശേഷം മാത്രമെ ചര്‍ച്ച സാധ്യമാകൂവെന്ന് ആരോഗ്യമന്ത്രിയുടെ ഓഫീസും മുഖ്യമന്ത്രിയുടെ ഓഫീസും വ്യക്തമാക്കി. മന്ത്രിസഭാ തീരുമാനത്തിന്റെ അടിസ്ഥാനത്തിലാണ് ഈ നിലപാട് വ്യക്തമാക്കുന്നതെന്ന് ആരോഗ്യമന്ത്രിയുടെ ഓഫീസ് അറിയിച്ചു. അതിനിടെ സായാഹ്ന ഒ.പിയുമായും ആര്‍ദ്രം …

തിരുവനന്തപുരം: കേരളത്തില്‍ മെയ് പകുതിയോടെ കാലവര്‍ഷം എത്തുമെന്ന് കാലാവസ്ഥാ നിരീക്ഷണ കേന്ദ്രം. കേരളത്തില്‍ കാലവര്‍ഷം എത്തി 48 മണിക്കൂറിനുള്ളില്‍ മറ്റ് സ്ഥലങ്ങളിലേക്കും കാലവര്‍ഷം വ്യാപിക്കും. പതിവിന് വിപരീതമായി മണ്‍സൂണ്‍ ഇക്കുറി നേരത്തെയെത്തുമെന്നും അടുത്ത മാസം പകുതിയോടെ കേരളതീരത്തേക്ക് മണ്‍സൂണ്‍ മേഘങ്ങള്‍ എത്തുമെന്ന് പ്രതീക്ഷിക്കുന്നതായും കാലാവസ്ഥ നിരീക്ഷണ വകുപ്പ് പുറത്തു വിട്ട വാര്‍ത്താക്കുറിപ്പില്‍ പറയുന്നു. ഈ വര്‍ഷം രാജ്യത്ത് മികച്ച മഴ ലഭിക്കുമെന്ന് കേന്ദ്ര കാലാവസ്ഥ നിരീക്ഷണ വകുപ്പ് അറിയിച്ചു. സാധാരണ പെയ്യേണ്ട മഴയുടെ 97 ശതമാനം വരെ ഇക്കുറി പ്രതീക്ഷിക്കാം.

അടൂര്‍: മദര്‍ തെരേസ പെയിന്‍ ആന്‍ഡ് പാലിയേറ്റീവ് കെയര്‍ സൊസൈറ്റിയുടെ നേതൃത്വത്തില്‍ കിടപ്പുരോഗികള്‍ക്ക് സാന്ത്വനം നല്‍കുന്ന പദ്ധതിയുടെ ധനശേഖരണാര്‍ഥം നടത്തുന്ന സംസ്ഥാനതല വോളിബോള്‍ ഫെസ്റ്റിന് ഇന്ന് അടൂരില്‍ തുടക്കമാകും. വൈകിട്ട് അഞ്ചിന് ബൈപാസ് റോഡരികില്‍ താല്‍ക്കാലികമായി നിര്‍മിച്ച കുളങ്ങര ഫ്‌ലഡ്ലിറ്റ് സ്റ്റേഡിയത്തില്‍ മുന്‍ കായിക മന്ത്രി ഇ.പി.ജയന്‍ രാജന്‍ ഉദ്ഘാടനം ചെയ്യും. തുടര്‍ന്ന് വനിതാ ടീമായ ചങ്ങനാശേരി അസംപ്ഷന്‍ കോളജും പാല അല്‍ഫോണ്‍സാ കോളജും ആദ്യ മല്‍സരത്തില്‍ ഏറ്റുമുട്ടും. ഇതിനു ശേഷം കേരള പൊലീസ് ടീം കൊച്ചിന്‍ കംസ്റ്റംസ് ടീമുമായി മല്‍സരിക്കും. നാളെ വൈകിട്ട് …

അടൂര്‍ : ഏനാത്ത് പോലീസ് സ്‌റ്റേഷന്‍ പരിധിയില്‍ നാളെ നടക്കാനിരുന്ന ഹിന്ദു ശൈശവ വിവാഹം തടഞ്ഞ് ഏനാത്ത് എസ്. ഐ. ഗോപകുമാറും സംഘവും. പ്ലസ് ടു വിദ്യാര്‍ത്ഥിനിയുടെ വിവാഹം നടത്താനുള്ള മാതാപിതാക്കളുടെ നീക്കമാണ് പൊലീസ് തടഞ്ഞത്. കുട്ടിയുടെ മാതാവ്, രണ്ടാനച്ഛന്‍, വരന്‍ എന്നിവര്‍ക്കെതിരെ ശൈശവവിവാഹ നിരോധനനിയമം അനുസരിച്ച് കേസെടുത്തിട്ടുണ്ടെന്നും എഫ്. ഐ.ആര്‍. തയ്യാറായി വരികയാണെന്നും ഏനാത്ത് പൊലീസ് പറഞ്ഞു. പതിനേഴു വയസ്സ് മാത്രമാണ് പെണ്‍ കുട്ടിയുടെ പ്രായം. ഒരുമാസം മുമ്പ് മണ്ണടി എന്‍. എസ്. എസ്. ആഡിറ്റോറിയത്തില്‍ വച്ചായിരുന്നു വിവാഹനിശ്ചയം. ഈ സമയം മുപ്പത് …

അടൂര്‍: രാജ്യാന്തര ചലച്ചിത്രമേള ഏപ്രില്‍ ആറു മുതല്‍ എട്ടു വരെ അടൂര്‍ മാര്‍ത്തോമ്മാ യൂത്ത് സെന്ററില്‍ നടക്കും. ആറിന് വൈകിട്ട് അഞ്ചിനു നടന്‍ ഇന്ദ്രന്‍സ് ഉദ്ഘാടനം ചെയ്യും. ഫെസ്റ്റിവല്‍ ചെയര്‍മാന്‍ ചിറ്റയം ഗോപകുമാര്‍ എംഎല്‍എ അധ്യക്ഷത വഹിക്കും. രാവിലെ ഒന്‍പതു മുതല്‍ സിനിമകളുടെ പ്രദര്‍ശനം. 6.30ന് കൊറിയന്‍ സംവിധായകന്‍ കിം കി ഡൂക്കിന്റെ ‘ദി നെറ്റ്’ പ്രദര്‍ശിപ്പിക്കും. പശസ്ത സിനിമകളായ ‘ക്ലാഷ്’, ‘യങ് കാള്‍ മാര്‍ക്‌സ്’, ‘ഇന്നസെന്റ്‌സ്’, ‘ഇന്‍ സിറിയ’, ‘ക്യൂന്‍ ഓഫ് ഡസര്‍ട്ട്’, ‘സാന്‍ഡ് സ്റ്റോം’ തുടങ്ങി ഒന്‍പതു സിനിമകള്‍ പ്രദര്‍ശിപ്പിക്കും. മലയാള …

അടൂര്‍:കുറത്തികാട് പോലീസ് സ്‌റ്റേഷനതിര്‍ത്തിയില്‍ ഒറ്റപ്പെട്ട സാഹചര്യത്തില്‍ കണ്ടെത്തിയ അജ്ഞാത യുവതിയെ പോലീസ് അടൂര്‍ മഹാത്മ ജനസേവനകേന്ദ്രത്തിലെത്തിച്ചു. ഏകദേശം മുപ്പത് വയസ്സ് പ്രായം തോന്നിക്കുന്ന ഇവര്‍ ഷൈനിയെന്ന് പേരുപറയുന്നുണ്ട്. പക്ഷെ പിന്നെ പറയുന്ന കാര്യങ്ങള്‍ പരസ്പരവിരുദ്ധവും അവ്യക്തവുമാണ്. ഇവരെ തിരിച്ചറിയുവാന്‍ കഴിയുന്നവര്‍ അടൂര്‍ മഹാത്മ ജനസേവന കേന്ദ്രത്തിലോ കുറത്തികാട് പോലീസ് സ്‌റ്റേഷനിലോ വിവരം നല്കണമെന്ന് മഹാത്മ ജനസേവനകേന്ദ്രം ചെയര്‍മാന്‍ രാജേഷ് തിരുവല്ല അറിയിച്ചു- 04734220163

പത്തനംതിട്ട: തിലകന്‍ സ്മാരക കലാസാംസ്‌കാരിക വേദിയുടെ സംസ്ഥാന പുരസ്‌കാരങ്ങള്‍ പ്രഖ്യാപിച്ചു. മാധ്യമപുരസ്‌കാരം മംഗളം ദിനപത്രം സീനിയര്‍ റിപ്പോര്‍ട്ടര്‍ ജി. വിശാഖന് ലഭിച്ചു. മഞ്ജുവാര്യന്‍ (സിനിമ), കാനം രാജേന്ദ്രന്‍ (സാമൂഹിക-രാഷ്ട്രീയം), മധുകൊട്ടാരത്തില്‍ (നാടകം), വി.കെ. രവിവര്‍മത്തമ്പുരാന്‍ (കഥ-നോവല്‍), ആര്യാ ഗോപി (കവിത), പി. വിദ്യ (മാതൃഭൂമി ന്യൂസ്-ദൃശ്യമാധ്യമം), പി.ജി. സുരേഷ്‌കുമാര്‍ (ഏഷ്യാനെറ്റ്-ദൃശ്യമാധ്യമം) എന്നിവര്‍ക്കാണ് മറ്റു പുരസ്‌കാരങ്ങള്‍. തിലകന്റെ മകന്‍ ഷോബി തിലകനാണ് പുരസ്‌കാരങ്ങള്‍ ഏര്‍പ്പെടുത്തിയിരിക്കുന്നത്. അടുത്ത മാസം അവസാന വാരം ചിറ്റാറില്‍ നടക്കുന്ന സമ്മേളനത്തില്‍ വച്ച് 25,000 രൂപയും പ്രശംസാ പത്രവും അടങ്ങുന്ന പുരസ്‌കാരം വിതരണം …

കൊട്ടാരക്കരയില്‍ മുഖ്യന്ത്രിക്ക് പൈലറ്റ് പോയ ഹൈവേ പൊലീസിന്റെ വാഹനത്തില്‍ കെഎസ്ആര്‍ടിസി ബസ് ഇടിച്ചു നാല് പൊലീസുകാര്‍ക്ക് പരിക്ക്. അപകടത്തെ തുടര്‍ന്ന് മുഖ്യമന്ത്രി പിണറായി വിജയന്റെ വാഹനവ്യൂഹം ഗതാഗത കുരുക്കില്‍പ്പെട്ടു. അപകടത്തില്‍പെട്ടവരെ പൊലീസ് കൊട്ടാരക്കര വിജയ ആശുപത്രിയില്‍ എത്തിച്ചു. വൈകിട്ട് 4 മണിയോടെ എം.സി റോഡില്‍ വാളകത്തിന് സമീപമാണ് അപകടം. പെരിന്തല്‍മണ്ണയില്‍ നിന്നും തിരുവനന്തപുരത്തേക്ക് വന്ന കെഎസ്ആര്‍ടിസി ബസ്സാണ് ഇടിച്ചത്. പരിക്കേറ്റ കൊല്ലം എ.ആര്‍ ക്യാമ്പിലെ പ്രമോദ്, എസ്.ഐ റഷീദ് (ശാസ്താംകോട്ട ), എ.എസ്.ഐ അനില്‍ (ഏഴുകോണ്‍), വനിതാ സിവില്‍ പൊലീസ് ഓഫീസര്‍ വിദ്യാരാജ് എന്നിവരെയാണ് …

അടൂര്‍: പത്തനംതിട്ട വിജിലന്‍സ് & ആന്റി കറപ്ഷന്‍ ബ്യൂറോയുടെയും അടൂര്‍ പ്രസ്‌ക്ലബ്ബിന്റെയും സംയുക്താഭിമുഖ്യത്തില്‍ 2018 മാര്‍ച്ച് 26 -ാം തീയതി തിങ്കളാഴ്ച ഉച്ചയ്ക്ക് 2 ന് അടൂര്‍ ലാല്‍ റസിഡന്‍സിയില്‍ വച്ച് ‘അടൂര്‍ ജനറല്‍ ആശുപത്രി സദ്ഭരണത്തിലേക്ക്…’ എന്ന വിഷയത്തെ ആസ്പദമാക്കി വികസന സെമിനാര്‍ .സര്‍ക്കാര്‍ ഓഫീസുകളെ സദ്ഭരണത്തിലേക്ക് നയിക്കുക, ജനങ്ങളില്‍ അഴിമതി രഹിത കാഴ്ചപ്പാട് വളര്‍ത്തിയെടുക്കുക. എന്ന ലക്ഷ്യത്തോടെ സംഘടിപ്പിക്കുന്ന സെമിനാറില്‍ ചിറ്റയം ഗോപകുമാര്‍ എം. എല്‍. എ.ഉദ്ഘാടനം ചെയ്യും .അദ്ധ്യക്ഷന്‍ അടൂര്‍ പ്രദീപ് കുമാര്‍ (പ്രസിഡന്റ്, അടൂര്‍ പ്രസ്‌ക്ലബ്ബ്)വിഷയാവതരണം ഡോ. ഷാഹിര്‍ഷാ …

അടൂര്‍: ആദ്യ കുഞ്ഞിനായി നാല് വര്‍ഷം കാത്തിരുന്ന ദമ്പതിമാര്‍ക്ക് കിട്ടിയത് നാല് പെണ്‍കുട്ടികളെ. നൂറനാട് പണയില്‍ പള്ളിക്കല്‍ രതീഷ് ഭവനില്‍ രതീഷിന്റെ ഭാര്യ സൗമ്യയാണ് അടൂര്‍ ലൈഫ് ലൈന്‍ ആശുപത്രിയില്‍ നാല് പെണ്‍കുട്ടികള്‍ക്ക് ജന്മം നല്‍കിയത്. നാല് വര്‍ഷമായി ഇവര്‍ ലൈഫ് ലൈന്‍ ആശുപത്രിയിലെ ഡോക്ടര്‍മാരായ പ്രസന്നകുമാരി, ജെയിംസ് ജോര്‍ജ് എന്നിവരുടെ ചികിത്സയിലാണ്. നാല് കുട്ടികളും പൂര്‍ണ ആരോഗ്യമായിരിക്കുന്നുവെന്ന് ഡോക്ടര്‍മാര്‍ പറഞ്ഞു.