മസ്‌കത്ത്: പേമാരി നാശംവിതച്ച ഒമാനില്‍ സുരക്ഷാ നടപടികള്‍ തുടരുന്നതിനിടെ വിവിധ മേഖലകളില്‍ വീണ്ടും മഴ. ഹജ്ര്‍ മലനിരകളിലും പരിസര പ്രദേശങ്ങളിലും മഴ തുടരുമെന്നാണ് മുന്നറിയിപ്പ്. ദുരിതബാധിത മേഖലകളില്‍ സൈന്യത്തിന്റെയും തീരദേശ സുരക്ഷാ വിഭാഗത്തിന്റെയും നേതൃത്വത്തിലാണ് രക്ഷാപ്രവര്‍ത്തനങ്ങള്‍. പൊലീസും സിവില്‍ ഡിഫെന്‍സും രംഗത്തുണ്ട്.വാദിയില്‍ ഒഴുക്കില്‍പ്പെട്ട് കാണാതായ 2 പേര്‍ക്കായി തിരച്ചില്‍ തുടരുകയാണ്. കാണാതായ 4 പേരില്‍ 2 പേരുടെ മൃതദേഹങ്ങള്‍ ഞായറാഴ്ച കിട്ടിയിരുന്നു. ഇതോടെ മഴക്കെടുതിയില്‍ മരിച്ചവരുടെ എണ്ണം 5 ആയി. ഒട്ടേറെ പേരെ സുരക്ഷിതകേന്ദ്രങ്ങളിലേക്കു മാറ്റി. ജല വിതരണം തടസ്സപ്പെട്ടയിടങ്ങളില്‍ ടാങ്കറുകളില്‍ കുടിവെള്ളമെത്തിച്ചു.  

മസ്‌കത്ത്: മസ്‌കത്ത് ഗവര്‍ണറേറ്റില്‍ ഇന്നു മുതല്‍ 24 വരെ കോവിഡ് വാക്‌സിനേഷന്‍ ഉണ്ടാകില്ലെന്ന് ആരോഗ്യ വകുപ്പ് അധികൃതര്‍.25ന് പുനരാരംഭിക്കും. വാക്‌സിനേഷനുള്ള റജിസ്‌ട്രേഷന്‍ 22ന് പുനരാരംഭിക്കുമെന്നും അറിയിച്ചു.  

മസ്‌കത്ത്: ഒമാനില്‍ സമ്പൂര്‍ണ ലോക്ഡൗണ്‍ ജൂലൈ 24 വരെ നീട്ടി സുപ്രീം കമ്മിറ്റി ഉത്തരവ്. ബലി പെരുന്നാള്‍ ദിവസമായ ജൂലൈ 20 മുതല്‍ 22 വരെയാണ് നേരത്തെ സമ്പൂര്‍ണ അടച്ചിടല്‍ പ്രഖ്യാപിച്ചിരുന്നത്. സുപ്രീം കമ്മിറ്റിയുടെ പുതിയ ഉത്തരവ് പ്രകാരം സമ്പൂര്‍ണ ലോക്ക്ഡൗണ്‍ നിയന്ത്രണം 24 ശനായാഴ്ച പുലര്‍ച്ചെ നാല് വരെ തുടരും. തുടര്‍ച്ചയായ അഞ്ച് ദിവസം വാണിജ്യ സ്ഥാപനങ്ങള്‍ പൂര്‍ണമായും അടഞ്ഞുകിടക്കും. യാത്രകള്‍ക്കും വിലക്കുണ്ട്.  

മസ്‌കത്ത്: ഒമാനില്‍ കോവിഡ് വാക്‌സീന്റെ ആദ്യ ഡോസ് സ്വീകരിച്ചവര്‍ക്ക് സലാല, കസബ് വിമാനത്താവളങ്ങളിലേക്കുള്ള ആഭ്യന്തര സര്‍വീസുകളില്‍ യാത്ര ചെയ്യാന്‍ അനുമതി. ദോഫാര്‍, മുസണ്ടം ഗവര്‍ണറേറ്റുകളിലെ താമസക്കാര്‍ക്ക് ഇതു ബാധകമല്ല. ഒമാന്‍ അംഗീകരിച്ച വാക്‌സീന്റെ 2 ഡോസും സ്വീകരിച്ച ജിസിസി പൗരന്മാര്‍ക്കും ആഭ്യന്തര സര്‍വീസുകളില്‍ യാത്ര ചെയ്യാം.  

മസ്‌കത്ത്: കോവിഡ് വ്യാപനത്തിന്റെ പശ്ചാത്തലത്തില്‍ ഒമാനില്‍ നിയന്ത്രണങ്ങള്‍ വീണ്ടും ശക്തമാക്കുന്നു. ബലി പെരുന്നാള്‍ അവധി ദിനങ്ങളില്‍ (ദുല്‍ഹിജ്ജ 10 മുതല്‍ 12 വരെ) സമ്പൂര്‍ണ ലോക്ഡൗണ്‍ ഏര്‍പ്പെടുത്തുമെന്നു സുപ്രീം കമ്മിറ്റി അറിയിച്ചു. ഈ ദിവസങ്ങളില്‍ വാണിജ്യ സ്ഥാപനങ്ങള്‍ പൂര്‍ണമായും അടഞ്ഞുകിടക്കും. യാത്രാ വിലക്കുകള്‍ നിലനില്‍ക്കും. നിലവില്‍ ഏര്‍പ്പെടുത്തിയ രാത്രികാല ലോക്ഡൗണ്‍ സമയം ദീര്‍ഘിപ്പിക്കാനും സുപ്രീം കമ്മിറ്റി തീരുമാനിച്ചു. ജൂലൈ 16 മുതല്‍ 31 വരെ വൈകിട്ട് 5 മുതല്‍ പുലര്‍ച്ചെ 4 വരെയായിരിക്കും വാണിജ്യ-യാത്രാ വിലക്കുകള്‍. ജൂലൈ 16 വരെ രാത്രി എട്ടു മുതല്‍ …

മസ്‌കത്ത്: ഒമാനില്‍ 18 വയസ്സ് കഴിഞ്ഞവര്‍ക്ക് ഞായര്‍ മുതല്‍ കോവിഡ് വാക്‌സീന്‍ നല്‍കും. ഇവര്‍ തരാസുദ് പ്ലസ് ആപ് വഴിയോ ഓണ്‍ലൈനിലോ റജിസ്റ്റര്‍ ചെയ്യണം. covid19.moh.gov.om. രാജ്യത്ത് 8.5 ലക്ഷത്തിലേറെ പേര്‍ വാക്‌സീന്‍ സ്വീകരിച്ചതായാണ് ആരോഗ്യമന്ത്രാലയത്തിന്റെ കണക്ക്. 6,43,744 പേര്‍ ആദ്യ ഡോസും 2,10,530 പേര്‍ രണ്ടാമത്തെ ഡോസും സ്വീകരിച്ചു  

മസ്‌കത്ത്: ഇന്ത്യന്‍ സോഷ്യല്‍ ക്ലബ് കേരള വിഭാഗം സംഘടിപ്പിക്കുന്ന യുവജനോത്സവ മത്സരത്തില്‍ പങ്കെടുക്കുന്നതിനായി ഈ മാസം 30 വരെ റജിസ്റ്റര്‍ ചെയ്യാം. അതിജീവനത്തിന്റെ സര്‍ഗോത്സവം സീസണ്‍ -2 എന്ന പേരില്‍ ഓണ്‍ലൈന്‍ ആയാണ് ഈ വര്‍ഷവും മത്സരങ്ങള്‍ നടക്കുന്നത്. ഭരതനാട്യം, മോഹിനിയാട്ടം, കേരളനടനം, നാടോടി നൃത്തം, സിനിമാഗാനാലാപനം, കവിതാലാപനം, നാടന്‍പാട്ട് , മാപ്പിളപ്പാട്ട് , മോണോ ആക്ട്, പ്രച്ഛന്ന വേഷം, പ്രസംഗ മത്സരം, ഉപന്യാസ രചന, കഥാ രചന, കവിതാ രചന എന്നീ വിഭാഗങ്ങളിലായാണ് മത്സരങ്ങള്‍ സംഘടിപ്പിക്കുന്നത്. നാട്ടില്‍ നിന്നുള്ള പ്രശസ്തരായ വിധികര്‍ത്താക്കള്‍ മത്സരങ്ങളുടെ …

മസ്‌കത്ത്: ഒമാനില്‍ കോവിഡ് വാക്‌സീന്‍ സ്വീകരിച്ചവരെ ക്വാറന്റീനില്‍ നിന്നൊഴിവാക്കിയതായി ആരോഗ്യമന്ത്രാലയം. രോഗബാധിതരുമായി അടുത്തിടപഴകുകയോ കോവിഡ് സ്ഥിരീകരിക്കുകയോ ചെയ്യുന്നവര്‍ ക്വാറന്റീനില്‍ കഴിയണമെന്നാണ് നിയമം.വാക്‌സീന്‍ സ്വീകരിച്ചവര്‍ക്ക് ഇളവുണ്ടാകുമെങ്കിലും മറ്റു നിയന്ത്രണങ്ങള്‍ ഇവര്‍ക്കു ബാധകമാണെന്നും വ്യക്തമാക്കി.  

മസ്‌കത്ത് :വിദേശികളുടെ വീസ നിരക്ക് വര്‍ധിപ്പിച്ച തൊഴില്‍ മന്ത്രാലയം ഉത്തരവ് ജൂണ്‍ ഒന്നിന് പ്രാബല്യത്തില്‍ വരും. എട്ടു വിഭാഗങ്ങളിലാണു വീസ നിരക്ക് പരിഷ്‌കരിച്ചിരിക്കുന്നത്. പുതിയ വീസക്കും വീസ പുതുക്കുമ്പോഴും ഇനി മുതല്‍ പുതുക്കിയ നിരക്ക് ഈടാക്കും. മുതിര്‍ന്ന അല്ലെങ്കില്‍ സീനിയര്‍ തസ്തികകളിലേക്കുള്ള റിക്രൂട്ട്മന്റിന് 2001 റിയാലാണ് തൊഴില്‍ മന്ത്രാലയത്തില്‍ ഇനി അടയ്‌ക്കേണ്ടത്. മിഡില്‍ അല്ലെങ്കില്‍ മീഡിയം ലവല്‍ തസ്തികകളില്‍ 1001 റിയാലാണ് പുതിയ നിരക്ക്. ടെക്‌നിക്കല്‍ ആന്റ് സ്‌പെഷ്യലൈസ്ഡ് തസ്തികകളില്‍ വീസയ്ക്ക് 601 റിയാല്‍ ചെലവു വരും. ഒന്നു മുതല്‍ മൂന്നു വരെ വീട്ടു …

മസ്‌കത്ത്: ഒമാനിലെ 12-ാം തരം വിദ്യാര്‍ഥികള്‍ക്ക് കോവിഡ് വാക്സീനേഷന്‍ മേയ് 26 മുതല്‍. സര്‍ക്കാര്‍-സ്വകാര്യ സ്‌കൂളുകളിലെ 12ാം തരം വിദ്യാര്‍ഥികള്‍, ജനറല്‍ എഡ്യുക്കേഷന്‍ ഡിപ്ലോമ വിഭാഗം അധ്യാപകര്‍, പരീക്ഷാ കമ്മിറ്റി അംഗങ്ങള്‍, പരീക്ഷാ നിരീക്ഷണ വിഭാഗം, പരീക്ഷാ മൂല്യനിര്‍ണയ കേന്ദ്രം ജീവനക്കാര്‍, കറക്ഷന്‍ സെന്റര്‍ ജീവനക്കാര്‍ എന്നിവര്‍ക്ക് സൗജന്യമായി വാക്‌സീന്‍ ലഭിക്കുമെന്ന് ഒമാന്‍ ആരോഗ്യ മന്ത്രാലയം അറിയിച്ചു. വിദ്യാഭ്യാസ മന്ത്രാലയവുമായി സഹകരിച്ചാണ് വാക്‌സീനേഷന്‍.