തിരുവനന്തപുരം: കേന്ദ്ര-സംസ്ഥാന സര്‍ക്കാരുകളുടെ ജനദ്രോഹ നടപടികള്‍ക്കെതിരെ പ്രതിപക്ഷ നേതാവ് രമേശ് ചെന്നിത്തല നയിക്കുന്ന ‘പടയൊരുക്ക’ത്തിന്റെ ഭാഗമായി ജനങ്ങളില്‍ നിന്ന് ഒരു കോടി ഒപ്പുകള്‍ ശേഖരിക്കും. രാജ്യത്ത് ഇന്ന് വരെ നടന്നിട്ടുള്ളതില്‍ വെച്ച് ഏറ്റവും വലിയ സിഗ്‌നേച്ചര്‍ ക്യാമ്പയിന്‍ ഇതായിരിക്കുമെന്ന് കെപിസിസി വൈസ് പ്രസിഡന്റ് വി.ഡി.സതീശന്‍ പറഞ്ഞു. പ്രവര്‍ത്തകര്‍ ഭവനസന്ദര്‍ശനം നടത്തി മൂന്നര മീറ്റര്‍ നീളവും ഒരുമീറ്റര്‍ വീതിയുമുള്ള വെള്ള ബാനറില്‍ സെക്ച്ച് പേന കൊണ്ടുള്ള ഒപ്പു ശേഖരിക്കും. ഒരു ബൂത്തില്‍ നിന്ന് കുറഞ്ഞത് 500 ഒപ്പുകള്‍ ശേഖരിക്കുമെന്ന് ജാഥാ ഉപസമിതി കണ്‍വീനര്‍ വി.ഡി.സതീശന്‍ പറഞ്ഞു.ബാനറുകളെല്ലാം …

അടൂര്‍:സ്‌കൂള്‍ ബസ് നിയന്ത്രണം വിട്ടു മരത്തിലിടിച്ച് 11 കുട്ടികള്‍ക്കു പരുക്കേറ്റു. നൂറനാട് ശ്രീശബരി സെന്‍ട്രല്‍ സ്‌കൂളിലെ ബസാണ് അപകടത്തില്‍പ്പെട്ടത്. ഇന്നലെ രാവിലെ എട്ടിനു പള്ളിക്കല്‍ മേടയില്‍ ജംക്ഷനിലായിരുന്നു അപകടം. പരുക്കേറ്റവരുടെ നില ഗുരുതരമല്ല. പള്ളിക്കല്‍ ഭാഗത്തു നിന്നു കുട്ടികളെ കയറ്റി മേടയില്‍ ഭാഗത്ത് എത്തിയപ്പോള്‍ ബസ് നിയന്ത്രണം വിട്ട് മേടയില്‍- ചാലുതുണ്ടില്‍ റോഡരികിലെ റബര്‍ മരത്തിലിടിക്കുകയായിരുന്നു. ബസില്‍ 15 കുട്ടികളുണ്ടായിരുന്നു. തെങ്ങമം ആലുവിള കിഴക്കേതില്‍ വിജയന്റെ മകള്‍ ദിയ (10), ശ്രീശൈലത്തില്‍ രാജേഷ്‌കുമാറിന്റെ മകള്‍ പാര്‍വതി (ഏഴ്), ആദിത്യാ ഭവനില്‍ രാജന്റെ മകന്‍ ആദിത്യ …

ശബരിമല: കൂടുതല്‍ കോണ്‍ക്രീറ്റ് കെട്ടിടങ്ങളല്ല, ശബരിമലയില്‍ ഭക്തര്‍ക്ക് മറ്റു പ്രാഥമിക സൗകര്യങ്ങളാണ് ഒരുക്കേണ്ടതെന്ന് മുഖ്യമന്ത്രി പിണറായി വിജയന്‍. സന്നിധാനത്ത് വിവിധ വികസന പദ്ധതികളുടെ ശിലാസ്ഥാപനം നിര്‍വഹിക്കുകയായിരുന്നു അദ്ദേഹം. ഇവിടെ വരിക, ദര്‍ശനം നടത്തുക, വേഗം തിരികെ പോകുക എന്ന സമീപനമാണ് ആവശ്യം. ശബരിമല വികസന പദ്ധതിയില്‍ ദശലക്ഷക്കണക്കിനു തീര്‍ഥാടകരുടെ സൗകര്യം മാത്രമാകണം പ്രധാനം. കൃത്യമായ മാസ്റ്റര്‍ പ്ലാന്‍ അനുസരിച്ചുള്ള പദ്ധതികളാണ് നടക്കുന്നത്, അങ്ങനെയാണ് നടക്കേണ്ടതെന്നും പിണറായി പറഞ്ഞു. ബജറ്റില്‍ വകയിരുത്തിയ 204 കോടി രൂപയും കേന്ദ്ര സര്‍ക്കാരിന്റെ 100 കോടി രൂപയും ഉപയോഗിച്ചുള്ള വികസന …

ശബരിമല:എ. വി ഉണ്ണികൃഷ്ണന്‍ നമ്പൂതിരിയെ ശബരിമല മേല്‍ശാന്തിയായി തിരഞ്ഞെടുത്തു. അടുത്ത വൃശ്ചികം മുതല്‍ ഒരു വര്‍ഷത്തേക്കാണ് പുതിയ മേല്‍ശാന്തിയുടെ കാലാവധി. ഉഷുപൂജക്ക് ശേഷം സന്നിധാനത്ത് നടന്ന നറുക്കെടുപ്പില്‍ ദേവസ്വം മന്ത്രി കടകംപള്ളി സുരേന്ദ്രന്‍ ദേവസ്വം ബോര്‍ഡ് പ്രസിഡന്റ് പ്രയാര്‍ ഗോപാലകൃഷ്ണന്‍ എന്നിവരും സംബന്ധിച്ചു. അഭിമുഖത്തിന് ശേഷം 14 പേരെയാണ് മേല്‍ശാന്തി സ്ഥാനത്തേക്ക് തിരഞ്ഞെടുത്തത്. നറുക്കെടുപ്പിലൂടെയായിരുന്നു തിരഞ്ഞെടുപ്പ്.  

  തിരുവനന്തപുരം: ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍ നടത്തുന്ന ജനരക്ഷായാത്രയ്ക്ക് ഇന്ന് സമാപനമാകും. തിരുവനന്തപുരം പുത്തരിക്കണ്ടം മൈതാനിയിലെ സമാപന സമ്മേളനത്തില്‍ ദേശീയ അധ്യക്ഷന്‍ അമിത് ഷാ പങ്കെടുക്കും. ഈ മാസം മൂന്നിന് പയ്യന്നൂരില്‍ നിന്നാണ് ജനരക്ഷായാത്രക്ക് തുടക്കമായത്. 15 ദിവസം വിവിധ ജില്ലകളില്‍ പര്യടനം നടത്തിയ ശേഷമാണ് തിരുവനന്തപുരത്ത് എത്തുന്നത്. രാവിലെ തലസ്ഥാനത്തെത്തുന്ന ജനരക്ഷായാത്രയ്ക്ക് ശ്രീകാര്യത്ത് ആദ്യ സ്വീകരണം നല്‍കും. തുടര്‍ന്ന് ഉള്ളൂര്‍, കേശവദാസപുരം, എന്നിവിടങ്ങളിലും ജാഥക്ക് സ്വീകരണമൊരുക്കിയിട്ടുണ്ട്. മൂന്ന് മണിക്ക് പട്ടത്ത് നിന്ന് പദയാത്ര ആരംഭിക്കും. പാര്‍ട്ടി അധ്യക്ഷന്‍ അമിത് ഷാ …

തിരുവനന്തപുരം: സംസ്ഥാനത്ത് യുഡിഎഫ് പ്രഖ്യാപിച്ച ഹര്‍ത്താല്‍ ആരംഭിച്ചു. കെ.എസ്.ആര്‍.ടിസിയുടെ ദീര്‍ഘദൂര ബസുകള്‍ പലതും രാവിലെ സര്‍വീസ് ആരംഭിച്ചിരുന്നു. തിരുവനന്തപുരത്ത് കെഎസ്ആര്‍ടിസി ബസിനു നേരെ കല്ലേറുണ്ടായി. ആര്യനാട് ഡിപ്പോയിലെ ബസിനാണ് സര്‍വീസ് ആരംഭിക്കുന്നതിനിടെ ഹര്‍ത്താല്‍ അനുകൂലികള്‍ കല്ലെറിഞ്ഞത്. നെടുമങ്ങാട്, വിതുര, വെള്ളനാട് എന്നിവിടങ്ങളിലും ബസുകള്‍ തടഞ്ഞു.പാലാരിവട്ടത്തും കെഎസ്ആര്‍ടിസി ബസിന് നേര്‍ക്ക് കല്ലേറുണ്ടായി. കേന്ദ്ര-സംസ്ഥാന സര്‍ക്കാരുകളുടെ ജനവിരുദ്ധ നയങ്ങളിലും ഇന്ധന, പാചകവാതക വിലവര്‍ധനയിലും പ്രതിഷേധിച്ചാണ് ഹര്‍ത്താല്‍. രാവിലെ ആറുമുതല്‍ വൈകീട്ട് ആറുവരെയാണ് ഹര്‍ത്താല്‍. അതേസമയം ഹര്‍ത്താലുകളുമായി സഹകരിക്കേണ്ടതില്ലെന്നാണ് വ്യാപാരികളുടെ തീരുമാനം. പൊലീസ് സംരക്ഷണം നല്‍കിയാല്‍ കടകള്‍ തുറക്കുമെന്ന് …

വടശേരിക്കര:മുപ്പതു വര്‍ഷം കേടുകൂടാതെ നിലനില്‍ക്കുന്ന റോഡ് നിര്‍മിക്കുന്നതിനുള്ള സാങ്കേതികവിദ്യാ പഠനത്തിനായി പൊതുമരാമത്ത് പ്രിന്‍സിപ്പല്‍ സെക്രട്ടറിയുടെ നേതൃത്വത്തിലുള്ള പ്രത്യേക സംഘത്തെ മലേഷ്യയിലേക്ക് അയയ്ക്കുമെന്ന് പൊതുമരാമത്ത്-രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ പറഞ്ഞു. 35 കോടി രൂപ ചെലവില്‍ ബിഎം ബിസി ഉന്നത നിലവാരത്തില്‍ നിര്‍മിക്കുന്ന വടശേരിക്കര-ചിറ്റാര്‍-സീതത്തോട്-പ്ലാപ്പള്ളി റോഡിന്റെ നിര്‍മാണോദ്ഘാടനം വടശേരിക്കര പേഴുംപാറ ജംഗ്ഷനില്‍ നിര്‍വഹിച്ചു സംസാരിക്കുകയായിരുന്നു അദ്ദേഹം. മലേഷ്യയിലെ ക്വാലാലംപൂരില്‍ വര്‍ഷം മുഴുവനും മഴയാണ്. എന്നാല്‍, അവിടുത്തെ റോഡുകള്‍ ദശാബ്ദങ്ങളോളം കേടുവരാത്ത രീതിയില്‍ കോണ്‍ക്രീറ്റ് ചെയ്താണ് നിര്‍മിച്ചിരിക്കുന്നത്. ദീര്‍ഘകാലം നിലനില്‍ക്കുന്ന റോഡ് നിര്‍മാണത്തിന്റെ സാങ്കേതികവിദ്യയില്‍ മലേഷ്യയ്ക്ക് …

  പത്തനംതിട്ട: രാജ്യം കണ്ട ഏറ്റവും നശിച്ച ഭരണമാണ് കേരളത്തിലേതെന്ന് കേന്ദ്രമന്ത്രി അല്‍ഫോണ്‍സ് കണ്ണന്താനം. ബിജെപിയുടെ യുദ്ധമുറ വാളും കത്തിയുമെടുത്തല്ല, ജനാധിപത്യ മാര്‍ഗ്ഗങ്ങളിലൂടെയാണെന്നും അദ്ദേഹം പറഞ്ഞു. ജനരക്ഷായാത്രയുടെ പത്തനംതിട്ടയിലെ സ്വീകരണ സമ്മേളനത്തില്‍ സംസാരിക്കുകയായിരുന്നു അദ്ദേഹം. ന്യൂനപക്ഷങ്ങള്‍ക്ക് ഏറ്റവും സുരക്ഷിതമായ നാടാണ് ഇന്ത്യ. ക്രിസ്ത്യാനികള്‍ക്കും മുസ്ലിംകള്‍ക്കും ഒരുപോലെ സംരക്ഷണം ലഭിക്കുന്ന നാടാണിത്. മോദി അധികാരത്തില്‍ വന്നാല്‍ ക്രിസ്ത്യന്‍ മുസ്ലിം പള്ളികള്‍ ആക്രമിക്കപ്പെടുമെന്നായിരുന്നു പ്രചാരണം. മൂന്നര വര്‍ഷമായിട്ടും ഇന്ത്യയില്‍ ഒരുപള്ളികള്‍ക്ക് നേരെപോലും ഒരു ആക്രമണവും നടന്നില്ല. മോദിയുടെ വികസന സ്വപനം രാജ്യം മുഴുവന്‍ ഏറ്റുവാങ്ങി. നരേന്ദ്ര മോദി …

തിരുവനന്തപുരം: വേങ്ങരയില്‍ സിപിഐഎം- ബിജെപി ഒത്തുകളിയെന്ന് മുന്‍ കെപിസിസി അധ്യക്ഷന്‍ വി.എം. സുധീരന്‍. ഒത്തുകളിയുടെ ഭാഗമായാണ് ബിജെപിക്ക് വോട്ടു കുറഞ്ഞത്. ബിജെപിയുടെ കുറഞ്ഞ വോട്ടുകള്‍ ലഭിച്ചത് സിപിഐഎമ്മിനാണെന്നും അദ്ദേഹം പറഞ്ഞു. യുഡിഎഫിന് ഭൂരിപക്ഷമുള്ള ബൂത്തുകളില്‍ പൊലീസിനെ ഉപയോഗിച്ച് ഭീകരാന്തരീക്ഷം സൃഷ്ടിച്ചിരുന്നുവെന്നും സുധീരന്‍ കുറ്റപ്പെടുത്തി.  

തിരുവനന്തപുരം: വേങ്ങര ഉപതെരഞ്ഞെടുപ്പില്‍ യുഡിഎഫിന് ഭൂരിപക്ഷം കുറഞ്ഞത് എല്‍ഡിഎഫിന്റെ നേട്ടമാണെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്‍. യുഡിഎഫിന്റെ വിജയം സാങ്കേതികം മാത്രമാണ്. രാഷ്ട്രീയനേട്ടം എല്‍ഡിഎഫിനാണെന്നും കോടിയേരി പറഞ്ഞു. എല്‍ഡിഎഫിന് 140-ാം മണ്ഡലം മാത്രമാണ് വേങ്ങരയെന്നും കോടിയേരി പറഞ്ഞു. സര്‍ക്കാരിന്റെ പ്രവര്‍ത്തനങ്ങള്‍ക്ക് അംഗീകാരം ലഭിച്ചുവെന്ന് തന്നെയാണ് തെരെഞ്ഞെടുപ്പ് ഫലം തെളിയിക്കുന്നത്. സോളാര്‍ ഈ തെരെഞ്ഞെടുപ്പിലല്ല, ഭാവി തെരെഞ്ഞെടുപ്പിലാണ് പ്രതിഫലിക്കുകയെന്നും കോടിയേരി കൂട്ടിച്ചേര്‍ത്തു. അതേസമയം, വേങ്ങര ഉപതെരഞ്ഞെടുപ്പിലൂടെ എല്‍ഡിഎഫിന്റെ സ്വാധീനം പൂര്‍വ്വാധികം ശക്തിയോടെ വര്‍ധിക്കുന്നുവെന്ന് ഭരണപരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ പറഞ്ഞു. സോളാറിന്റെ പ്രഖ്യാപനം …