പത്തനംതിട്ട: മുക്കൂട്ടുതറയിലെ കോളജ് വിദ്യാര്‍ഥിനി ജെസ്ന മരിയ ജയിംസിന്റെ തിരോധാനം വീണ്ടും വാര്‍ത്തകളിലേക്ക് വരുന്നു. ജെസ്ന കേസിന്റെ അന്വേഷണ മേല്‍നോട്ട ചുമതല വഹിക്കുന്ന ജില്ലാ പൊലീസ് മേധാവി കെജി സൈമണ്‍ ഈ മാസം സ്ഥാനമൊഴിയുകയാണ്. വിരമിക്കുന്നതിന് മുന്‍പ് സൈമണ്‍ ജെസ്നയെ കണ്ടെത്തിയിരിക്കുമെന്നും അദ്ദേഹം ഏറെക്കുറെ അതിന് അടുത്തേക്ക് എത്തിയിരിക്കുന്നുവെന്നുമുള്ള സൂചനകളാണ് പുറത്തു വരുന്നത്. കോവിഡ് ലോക്ഡൗണ്‍ കാലത്ത് ക്രൈം ബ്രാഞ്ച് ഡയറക്ടര്‍ ആയിരുന്ന ടോമിന്‍ തച്ചങ്കരിയാണ് മറവിയിലേക്ക് പോയിരുന്ന ജെസ്ന കേസ് പൊടിതട്ടിയെടുത്തത്. ജെസ്ന കേസില്‍ ശുഭവാര്‍ത്ത വരുന്നുവെന്ന സൂചനയാണ് അദ്ദേഹം നല്‍കിയത്. കൂടത്തായി …

പത്തനംതിട്ട: കഴിഞ്ഞ കുറേ നാളുകളായി നമ്മുടെ നീതിന്യായ വ്യവസ്ഥയില്‍ കണ്ടു വരുന്നത്. സൗമ്യ വധം, പെരുമ്പാവൂര്‍ ജിഷ വധം, ചന്ദ്രബോസ് കൊലക്കേസ്, കെവിന്‍ വധം തുടങ്ങിയ കേസുകളില്‍ വിധി ഒരു വര്‍ഷത്തിനുള്ളില്‍ വന്നു. നടിയെ പീഡിപ്പിച്ച കേസില്‍ വിചാരണ നടക്കുന്നു. ഉത്ര കൊലക്കേസില്‍ ഉടന്‍ വിചാരണ തുടങ്ങാന്‍ പോകുന്നു. പക്ഷേ, ഇതിനൊക്കെ മുന്‍പ് നടന്ന കരിക്കിനേത്ത് കാഷ്യര്‍ കൊലപാതക കേസ് ഇതു വരെ കോടതി വിചാരണയ്ക്ക് എടുത്തിട്ടില്ല. എന്തു കൊണ്ട് ഈ കേസ് വിചാരണയ്ക്ക് എടുക്കുന്നില്ലെന്ന് ചോദിച്ചാല്‍ ആര്‍ക്കും മറുപടിയില്ല. കേസിന്റെ വിചാരണ വൈകിപ്പിക്കുന്നതിന് …

ആലപ്പുഴ: എസ്എന്‍ കോളജ് കനകജൂബിലി കേസില്‍ ക്രൈംബ്രാഞ്ച് സംഘം കോടതിയില്‍ കുറ്റപത്രം സമര്‍പ്പിച്ചതിന് പിന്നാലെ തന്റെ ഭാഗം ന്യായീകരിച്ച് പത്ര പരസ്യം നല്‍കിയ എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ വെട്ടിലായി. കോടതിയുടെ പരിഗണനയിലിരിക്കുന്ന കേസില്‍ അന്വേഷണ സംഘത്തെ അടക്കം കുറ്റപ്പെടുത്തിയും വിമര്‍ശിച്ചും നല്‍കിയ പരസ്യമാണ് വെള്ളാപ്പള്ളിക്ക് പുലിവാലായിരിക്കുന്നത്. കോടതിയുടെ പരിഗണയിലുള്ള കേസിനെ കുറിച്ച് പത്രപരസ്യം നല്‍കിയത് കോടതിയെ വെല്ലുവിളിക്കുന്നതിന് തുല്യമാണെന്ന് ചൂണ്ടിക്കാണിക്കപ്പെടുന്നു. കോടതിയലക്ഷ്യ നടപടികളുമായി മുന്നോട്ട് പോകുമെന്ന് എസ്എന്‍ഡിപി യോഗം സംരക്ഷണ സമിതി കണ്‍വീനര്‍ അഡ്വ. ചന്ദ്രസേനന്‍ പറഞ്ഞു. കൊല്ലം എസ്എന്‍ …

പത്തനംതിട്ട: ജില്ലാ ഭരണത്തിന്റെ സിരാകേന്ദ്രമായ കലക്ടറേറ്റില്‍ വീണ്ടും പവര്‍ ബ്രോക്കര്‍ പിടിമുറുക്കി. ഇടയ്ക്ക് മാധ്യമ വാര്‍ത്തകളെ തുടര്‍ന്ന് നിറം മങ്ങിപ്പോയ പൊതുമരാമത്ത് ഉദ്യോഗസ്ഥന്‍ കൂടിയ ഈ റിയല്‍ എസ്റ്റേറ്റ്, മണ്ണ് ബ്രോക്കര്‍ വര്‍ധിത വീര്യത്തോടെ തിരിച്ചെത്തിയിരിക്കുകയാണ്. കലക്ടര്‍, എഡിഎം തുടങ്ങിയവരെ ഇയാളാണ് നിയന്ത്രിക്കുന്നതെന്ന് ജീവനക്കാര്‍ ആരോപിക്കുന്നു. ഇയാള്‍ പറയുന്നതു പോലെയാണ് ഇവിടെ കാര്യങ്ങള്‍ നടക്കുന്നതത്രേ. പത്തനംതിട്ട നഗരസഭ ഭരണത്തിലും ഇയാള്‍ക്ക് കാര്യമായ പിടിപാടുണ്ട്. ഇയാളുടെ ബന്ധുവാണ് ഇവിടെ തലപ്പത്തിരിക്കുന്നത്. പിബി നൂഹ് കലക്ടര്‍ ആയി വന്നതിന് ശേഷമാണ് കൈമണി അടിച്ച് ഇയാള്‍ കലക്ടറേറ്റില്‍ കടന്നു …

അടൂര്‍(പത്തനംതിട്ട): സംസ്ഥാനത്തെ വിദ്യാഭ്യാസ വകുപ്പുമായി തങ്ങള്‍ക്ക് ഒരു ബന്ധവുമില്ലെന്നും തങ്ങള്‍ക്ക് തോന്നുന്ന ഫീസ് ഈടാക്കുമെന്നുമുള്ള വാദവുമായി സ്വകാര്യ സ്‌കൂള്‍ മാനേജ്‌മെന്റ് രംഗത്ത്. മണക്കാല താഴത്തുമണ്ണിലെ സിബിഎസ്ഇ സ്‌കൂള്‍ അധികൃതര്‍ക്കാണ് ഈ ധാര്‍ഷ്ട്യം. ഇത്തരം സ്‌കൂളുകള്‍ നടത്തുന്ന ഫീസ് കൊള്ള കോവിഡിന്റെ പശ്ചാത്തലത്തില്‍ ഒഴിവാക്കണമെന്നുള്ള വിദ്യാഭ്യാസ വകുപ്പിന്റെ നിര്‍ദേശം കാറ്റില്‍ പറത്തുകയാണ് മിക്ക സ്വകാര്യ സ്‌കൂളുകളും. പല പേരു പറഞ്ഞ് വന്‍തുക ഫീസ് അടപ്പിക്കുന്നുണ്ട്. താഴത്തുമണ്ണിലെ സ്‌കൂളില്‍ ഡൊണേഷന്‍ തുക ബാങ്ക് അക്കൗണ്ടില്‍ അടച്ചിട്ട് രസീതുമായി എത്തിയാല്‍ മാത്രമേ കുട്ടികള്‍ക്ക് അഡ്മിഷന്‍ നല്‍കുവെന്നാണ് ആരോപണം. ഇതേപ്പറ്റി അന്വേഷിച്ചപ്പോള്‍ …

ആലപ്പുഴ: കണിച്ചുകുളങ്ങര എസ്എന്‍ഡിപി യൂണിയന്‍ സെക്രട്ടറി കെ.കെ. മഹേശന്‍ ജീവനൊടുക്കിയതിന് പിന്നാലെ ഞെട്ടിക്കുന്ന വിവരങ്ങളാണ് പുറത്തു വരുന്നത്. തന്റെ ആത്മഹത്യാക്കുറിപ്പിലും വെള്ളാപ്പള്ളിക്ക് ഒരു മാസം മുന്‍പ് അയച്ച കത്തിലും മഹേശന്‍ നടത്തിയ വെളിപ്പെടുത്തലിന് അപ്പുറമുള്ള കഥകളും പുറത്തു വരുന്നു. ശ്രീനാരായണ ധര്‍മവേദിയുടെ നേതാവ് ഗോകുലം ഗോപാലനാണ് മൈക്രോ ഫിനാന്‍സ് തട്ടിപ്പിന്റെ കാണാക്കഥകള്‍ മാധ്യമങ്ങളോട് പറഞ്ഞിരിക്കുന്നത്. കോളജ്-സ്‌കൂള്‍ നിയമനങ്ങളുമായി ബന്ധപ്പെട്ട് വാങ്ങുന്ന കോഴയുടെ കഥകളും പിന്നാലെ എത്തും. കേസില്‍ വെള്ളാപ്പള്ളിക്കെതിരെ നിരവധി ആരോപണങ്ങള്‍ ഉയരുന്ന സാഹചര്യത്തില്‍ സമഗ്രമായ അന്വേഷണം ആവശ്യപ്പെട്ട് ഗോകുലം ഗോപാലന്‍ രംഗത്തെത്തിയത്. മൈക്രോ …

അടൂര്‍: ഉത്ര കൊലക്കേസ് പ്രതി സൂരജിന്റെ സഹോദരി സൂര്യയുടെ ഏകദേശ ധാരണയായ വിവാഹം വരന്റെ വീട്ടുകാര്‍ വേണ്ടെന്നു വച്ചു. പെരിങ്ങനാട് സ്വദേശിയായ യുവാവുമായിട്ടായിരുന്നു സൂര്യയുടെ വിവാഹം ഏറെക്കുറെ ഉറപ്പിച്ചിരുന്നത്. ഉത്ര കൊലക്കേസിന് പിന്നാലെ ഈ യുവാവിന്റെ പേരും പ്രതിപ്പട്ടികയിലേക്ക് വലിച്ചിഴയ്ക്കപ്പെട്ടതോടെയാണ് ബന്ധുക്കള്‍ പിന്മാറിയത്. ഈഴവ സമുദായാംഗമാണ് സൂര്യ. മാരാര്‍ സമുദായത്തില്‍പ്പെട്ട യുവാവുമായി സൂര്യ അടുപ്പത്തിലായിരുന്നു. അടൂര്‍ ബോയ്സ് ഹൈസ്‌കൂളില്‍ പ്ലസ്ടുവിന് പഠിക്കുമ്പോള്‍ മൊട്ടിട്ട പ്രണയമാണ് വിവാഹത്തിലേക്ക് എത്തിയത്. മുന്‍പ് കോണ്‍ഗ്രസിന്റെയും പിന്നീട് സിപിഎമ്മിന്റെയും പഞ്ചായത്തംഗമായിരുന്നയാളുടെ ഏക മകനനാണ് കാമുകന്‍. ഇരുവീട്ടുകാരും ചേര്‍ന്ന് വിവാഹം നടത്താന്‍ …

തിരുവല്ല: പാലിയേക്കര ബസീലിയന്‍ കന്യാസ്ത്രി മഠത്തില്‍ സന്യസ്ത വിദ്യാര്‍ഥിനി ദിവ്യ പി. ജോണിന്റെ ദുരൂഹ മരണം സംബന്ധിച്ച അന്വേഷണം ലോക്കല്‍ പൊലീസിന് തന്നെ. അന്വേഷണം ക്രൈംബ്രാഞ്ചിന് കൈമാറി എന്നത് തെറ്റായ പ്രചാരണം. വിവാദം ഉയര്‍ന്ന സാഹചര്യത്തില്‍ പ്രാഥമിക പരിശോധന നടത്തുന്നതിന് മാത്രമാണ് ക്രൈംബ്രാഞ്ചിനെ ചുമതലപ്പെടുത്തിയത് എന്ന് ഉന്നത പൊലീസുദ്യോഗസ്ഥര്‍ പറഞ്ഞു. തിരുവല്ല ഇന്‍സ്പെക്ടര്‍ പി.എസ്. വിനോദ് തന്നെയാകും കേസ് അന്വേഷിക്കുക. പ്രാഥമിക പരിശോധന നടത്തി റിപ്പോര്‍ട്ട് സമര്‍പ്പിക്കാന്‍ മാത്രമാണ് ഡിജിപി ക്രൈംബ്രാഞ്ചിന്റെ നരഹത്യ അന്വേഷിക്കുന്ന വിഭാഗത്തോട് ആവശ്യപ്പെട്ടിട്ടുള്ളത്. മേയ് ഏഴിനാണ് മഠത്തിലെ ആഴം കുറഞ്ഞ …

കൊല്ലം: ലോക്ഡൗണ്‍ കൊടുമ്പിരിക്കൊണ്ട കാലത്ത് പൊലീസ് നടത്തിയ ഡ്രോണ്‍ നിരീക്ഷണം ചിരിക്കാന്‍ ഏറെ വക നല്‍കിയിരുന്നു. ഉടുതുണിയും പറിച്ച് തലയില്‍ ഇട്ടും കളിച്ചു കൊണ്ടിരുന്ന കാരംസ് ബോര്‍ഡ് പരിചയാക്കിയും ആകാശ നിരീക്ഷണത്തില്‍ നിന്ന് രക്ഷപ്പെടുന്നവരെ കണ്ട് നാമെല്ലാം ചിരിച്ചു മറിഞ്ഞു. ലോക്ഡൗണിന് അയവു വന്നതോടെ ഡ്രോണുകള്‍ എങ്ങോ പോയി മറഞ്ഞു. എന്നാലും അക്കാലത്തെ മീഡിയ മാനിയ പോകാതെ അവശേഷിക്കുന്ന ചില പൊലീസ് ഉദ്യോഗസ്ഥര്‍ ഉണ്ട്. അത്തരത്തില്‍ ഒരു കൂട്ടരാണ് ശൂരനാട് പൊലീസ്. ഡ്രോണ്‍ കാലം സമ്മാനിച്ച മീഡിയ മാനിയ അവര്‍ക്കിപ്പോഴും തുടരുന്നു. പോകുന്നിടത്തെല്ലാം വീഡിയോ …

പത്തനംതിട്ട: കോവിഡിനെ നേരിട്ടതിന്റെ പേരില്‍ ഏറെ പ്രശംസ കേട്ട ജില്ലയാണ് പത്തനംതിട്ട. അത് പക്ഷേ, ഒരു ടീം വര്‍ക്കായിരുന്നു. പി.ആര്‍. ഏജന്‍സിയുടെ പിന്‍ബലത്തോടെ ചിലര്‍ ആ നേട്ടം ഹൈജാക്ക് ചെയ്ത് സ്വന്തം പേരിലാക്കി. ഇതിന്റെ അടിസ്ഥാനത്തില്‍ ദേശീയ അവാര്‍ഡിനുള്ള കടലാസ് പണികളും നടക്കുന്നു. എന്നാല്‍, കോവിഡിലുണ്ടാക്കിയ പേര്, ഒറ്റ രാത്രി കൊണ്ട് പേരുദോഷമാക്കി മാറ്റിയിരിക്കുകയാണ് ജില്ലാ ഭരണകൂടവും വിവിധ സര്‍ക്കാര്‍ വകുപ്പുകളും. ആര്‍ക്കും ഒരു ഉത്തരവാദിത്തവുമില്ല എന്നതാണ് സ്ഥിതി. ഇതു മൂലം ക്വാറന്റൈന്‍ കേന്ദ്രത്തിലേക്ക് വന്ന് പെരുവഴിയില്‍ കൊച്ചു കുട്ടികളുമായി കിടക്കേണ്ട ഗതികേടാണ് ഒരു …