റിയാദ്: കഴിഞ്ഞ വെള്ളിയാഴ്ച വാഹനാപകടത്തില്‍ മരിച്ച നഴ്‌സുമാരായ കോട്ടയം സ്വദേശി ഷിന്‍സി ഫിലിപ്പ്, തിരുവന്തപുരം സ്വദേശി അശ്വതി വിജയന്‍ എന്നിവരുടെ മൃതദേഹങ്ങള്‍ നാട്ടിലേക്കു കൊണ്ടുപോയി. നാളെ വൈകിട്ട് തിരുവനന്തപുരത്ത് എത്തും. എത്തിഹാദ് വിമാനത്തില്‍ നജ്‌റാനില്‍ നിന്ന് അബുദാബി വഴിയാണ് നാട്ടില്‍ എത്തിക്കുന്നത്. പ്രതിഭ സാംസ്‌കാരിക വേദി നജ്‌റാന്‍ കേന്ദ്ര കമ്മിറ്റി റിലീഫ് കണ്‍വീനറും, ജിദ്ദ ഇന്ത്യന്‍ കോണ്‍സുലേറ്റ് കമ്മിറ്റി വെല്‍ഫെയര്‍ അംഗവുമായ അനില്‍ രാമചന്ദ്രന്‍, പ്രതിഭ ഖലാദിയ യൂണിറ്റ് അംഗം അബ്ദുല്‍ഗഫൂര്‍, ജിദ്ദ ഇന്ത്യന്‍ കോണ്‍സുലേറ്റ് കമ്മ്യൂണിറ്റി വെല്‍ഫയര്‍ വിഭാഗം ഡോ. ആലീം ശര്‍മ, …

ദമാം: കേരളസര്‍ക്കാറിന്റെ ടെലി മെഡിക്കല്‍ സംവിധാനമായ ഇ -സഞ്ജീവനിയില്‍ മലയാളികളായ പ്രവാസികളെയും ഉള്‍പ്പെടുത്തണമെന്ന് നവയുഗം സാംസ്‌കാരികവേദി കേന്ദ്ര കമ്മിറ്റി ആവശ്യപ്പെട്ടു. പല വിദേശ രാജ്യങ്ങളിലും ചികില്‍സ ഏറെ ചിലവേറിയതാണ്. പ്രവാസികളെക്കൂടി ഇ സഞ്ജീവനിയില്‍ ഉള്‍പ്പെടുത്തിയാല്‍ കൂടുതല്‍ വിദഗ്ധ ചികില്‍സ ലഭ്യമാകാന്‍ അതു സഹായകമാകും. സ്ഥിരം മരുന്ന് കഴിക്കുന്ന നിത്യരോഗികളായ പല സാധാരണ പ്രവാസികളും നാട്ടില്‍ അവധിക്ക് പോയി മടങ്ങി വരുമ്പോള്‍ കൊണ്ടുവന്ന മരുന്നുകളാണ് ആശ്രയം. ഇതു തീര്‍ന്നാല്‍ നാട്ടിലെ ഡോക്ടറെ കണ്‍സള്‍ട്ട് ചെയ്യാന്‍ കഴിയാറില്ല. ഇതു പോലെ ചില ഗ്രാമീണ പ്രദേശങ്ങളില്‍ ജോലി ചെയ്യുന്ന …

നജ്റാന്‍: സൗദി അറേബ്യയിലെ നജ്‌റാനിലുണ്ടായ വാഹനാപകത്തില്‍ മരിച്ച മലയാളി നഴ്സുമാരുടെ ഭൗതികശരീരം നാട്ടിലേക്കു കൊണ്ടുവരുന്നതിനുള്ള നടപടി ക്രമങ്ങള്‍ പുരോഗമിക്കുന്നു. റിയാദിലെ ഇന്ത്യന്‍ എംബസിയുമായും ജിദ്ദയിലെ ഇന്ത്യന്‍ കോണ്‍സുലേറ്റുമായും അപകടത്തെ തുടര്‍ന്ന് ബന്ധപ്പെട്ടെന്നും തുടര്‍ നടപടികള്‍ ത്വരിതഗതിയില്‍ നടക്കുകയാണെന്നും നോര്‍ക്ക റൂട്ട്സ് സിഇഒ ഹരികൃഷ്ണന്‍ കെ. നമ്പൂതിരി അറിയിച്ചു. നജ്റാനിലെ ജനറല്‍ ആശുപത്രി മോര്‍ച്ചറിയില്‍ സൂക്ഷിച്ച മൃതദേഹങ്ങള്‍ നാട്ടിലെത്തിക്കാന്‍ നജ്റാനിലെ സാമൂഹിക പ്രവര്‍ത്തകരും യുഎന്‍എ സൗദി മേഖലാ നേതൃത്വവും ശ്രമം നടത്തുന്നുണ്ട്. ഇന്നലെ യാണ് നജ്റാന്‍ കിങ് ഖാലിദ് ആശുപത്രിയിലെ നഴ്സുമാരായ കോട്ടയം സ്വദേശിനി ഷിന്‍സി …

ദമാം: കോവിഡ് വ്യാപന സാഹചര്യത്തില്‍ കൂടുതല്‍ ഓക്‌സിജന്‍ സിലിണ്ടറും മെഡിക്കല്‍ ഉപകരണങ്ങളും സ്വീകരിക്കുന്നതിന് ഇന്ത്യന്‍ നാവിക സേനയുടെ യുദ്ധക്കപ്പല്‍ ഐഎന്‍എസ് തര്‍കഷ് ബുധനാഴ്ച സൗദിയിലെ ദമാം തുറമുഖത്തെത്തി. കോവിഡിനെതിരെയുള്ള പ്രതിരോധം ശക്തിയാക്കുന്നതിന്റെ ഭാഗമായി വിവിധ രാജ്യങ്ങളില്‍ നിന്ന് ഓക്‌സിജന്‍ നിറച്ച ക്രയോജനിക് സിലിണ്ടറുകളും മറ്റു മെഡിക്കല്‍ ഉപകരണങ്ങളും സ്വീകരിക്കുന്നതിന് ഇന്ത്യന്‍ നാവിക സേനയുടെ ഓപറേഷന്‍ സമുദ്ര സേതു-2 ന്റെ ഭാഗമായാണ് കപ്പല്‍ എത്തിയത്. സൗദി തുറമുഖ അധികൃതരും കസ്റ്റംസ് ഉദ്യോഗസ്ഥരും ഇന്ത്യന്‍ എംബസി പ്രതിനിധികളും ചേര്‍ന്ന് സംഘത്തെ സ്വീകരിച്ചു. സൗദി അറേബ്യയില്‍ സാന്നിധ്യമുള്ള നിരവധി …

റിയാദ്: ഇന്ത്യയില്‍ നിന്നു സൗദിയിലേക്കുള്ള യാത്രാ വിലക്ക് തുടരുന്നതിനൊപ്പം യുഎഇയിലേക്കുള്ള യാത്രാ വിലക്ക് വീണ്ടും നീട്ടുക കൂടി ചെയ്തതോടെ പ്രവാസികളുടെ യാത്രാ പ്രതിസന്ധി കടുക്കുന്നു. ജോലി സംബന്ധമായ കാര്യങ്ങള്‍ക്ക് ഉടന്‍ അവിടെ എത്താനായില്ലെങ്കില്‍ വലിയ സാമ്പത്തിക ബാധ്യത സൃഷ്ടിക്കുമെന്നു പ്രവാസികള്‍ ചൂണ്ടിക്കാട്ടുന്നു. ഇരുരാജ്യങ്ങളിലേക്കുമായി പ്രവാസികള്‍ ഉള്‍പ്പെടെയുള്ള പതിനായിരക്കണക്കിന് യാത്രക്കാരാണ് ടേക് ഓഫ് അനുമതി കാത്തിരിക്കുന്നത്. ഒരു വര്‍ഷത്തിനിടെ കേരളത്തില്‍ മടങ്ങിയെത്തിയ 13.67 ലക്ഷം പ്രവാസികളില്‍ 60% പേരും സൗദി, യുഎഇ രാജ്യങ്ങളില്‍ നിന്നുള്ളവരാണ്. ജോലിയില്‍ തുടരാന്‍ അവരില്‍ പലരും മടങ്ങിയെങ്കിലും ഇനിയുമേറെ പേര്‍ കാത്തിരിക്കുന്നു. …

റിയാദ് :സൗദിയില്‍ എത്തുന്ന ജിസിസി പൗരന്മാരും പുതിയ വീസക്കാരും രണ്ട് ഡോസ് കോവിഡ് പ്രതിരോധ വാക്സിനും സ്വീകരിക്കാണം. ഇവിടെ അംഗീകരിക്കപ്പെട്ട നാലു വാക്സീനുകളില്‍ ഫൈസര്‍, ആസ്ട്രാസെനിക്ക, മോഡേണ എന്നീ മൂന്നെണ്ണവും, രണ്ട് ഡോസ് കുത്തിവയ്പ് നടത്താതെ രാജ്യത്തേക്ക് പ്രവേശനം അനുവദില്ലെന്ന് അധികൃതര്‍ വ്യക്തമാക്കി.ജോണ്‍സണ്‍ ജോണ്‍സണ്‍ വാക്‌സീന്‍ ആണെങ്കില്‍ മാത്രം ഒരു ഡോസെടുത്തവര്‍ക്ക് ഹോട്ടല്‍ ക്വാറന്റീന്‍ കൂടാതെ രാജ്യത്തേക്കു കടക്കാം. വാക്‌സീന്‍ സ്വീകരിച്ചവരായിരിക്കണം എന്നതിന് പുറമെ പൊതു ആരോഗ്യ വകുപ്പിന്റെ വിഖായ പോര്‍ട്ടലില്‍ കുത്തിവെയ്പ് സ്റ്റാറ്റസ് റജിസ്റ്റര്‍ ചെയ്യണമെന്ന നിബന്ധന കൂടി അധികൃതര്‍ മുന്നോട്ട് വയ്ക്കുന്നുണ്ട്. …

റിയാദ്: ഇന്ത്യയില്‍ വെച്ച് കോവിഡ്19 ബാധിച്ച സ്വദേശി കുടുംബത്തെ സൗദി ഭരണാധികാരി സല്‍മാന്‍ രാജാവിന്റെ നിര്‍ദേശപ്രകാരം പ്രത്യേക വിമാനത്തില്‍ വിജയകരമായി സൗദിയില്‍ എത്തിച്ചു. പ്രതിരോധ മന്ത്രാലയത്തിനു കീഴിലെ ആരോഗ്യ വിഭാഗം എയര്‍ മെഡിക്കല്‍ ഇവാക്യൂഷന്‍ വകുപ്പിന്റെ നേതൃത്വത്തിലാണ് ഇത് സാധ്യമാക്കിയത്. വൈറസ് പടരാതിരിക്കുന്നതിനുള്ള എല്ലാ തരം മുന്‍കരുതല്‍ നടപടികളും പൂര്‍ണമായി പാലിച്ചായിരുന്നു ദൗത്യം. റിയാദ് കിങ് സല്‍മാന്‍ വ്യോമസേനാ വിമാനത്തില്‍ ഇറങ്ങിയ സംഘം സുരക്ഷിതമാണെന്ന് അധികൃതര്‍ അറിയിച്ചു. മെഡിക്കല്‍ സംഘത്തിനും വിമാന ജീവനക്കാര്‍ക്കും അണുബാധ ഏല്‍ക്കാതെ 74 ലധികം കോവിഡ് ബാധിച്ച കേസുകള്‍ ഇത്തരത്തില്‍ …

റിയാദ്: അവയവദാനത്തിനു സമ്മതപത്രം ഒപ്പിട്ട് സൗദി ഭരണാധികാരി സല്‍മാന്‍ രാജാവും കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനും. ബോധവല്‍ക്കരണം ശക്തമാക്കാനും അവയവ ദാനം പ്രോത്സാഹിപ്പിക്കാനുമായി സ്ഥാപിച്ച കേന്ദ്രത്തിന്റെ പ്രചരണാര്‍ഥമാണ് ഭരണാധികാരികള്‍ മാതൃക കാട്ടിയത്. ഇതുസംബന്ധിച്ച തെറ്റിദ്ധാരണകള്‍ ഒഴിവാക്കാനും നടപടി സഹായിക്കും. അവയവ ദാനത്തിനു താല്‍പര്യമുള്ളവര്‍ക്ക് കേന്ദ്രത്തില്‍ റജിസ്റ്റര്‍ ചെയ്യാം. അവയവ ദാനത്തിലൂടെ ഒട്ടേറെ പേരുടെ ജീവിതം തിരിച്ചുപിടിക്കുകയാണ് ലക്ഷ്യം.  

മക്ക: മക്കയിലെ വിശുദ്ധ പള്ളിയില്‍ സേവനനിരതമായ വനിതാ സുരക്ഷാ ഉദ്യോഗസ്ഥര്‍ ശ്രദ്ധ നേടുന്നു. സൗദി ആഭ്യന്തര മന്ത്രാലയം വനിതാ സുരക്ഷാ ഉദ്യോഗസ്ഥരുടെ ചിത്രങ്ങള്‍ പുറത്തു വിട്ടതോടെ അവ സാമൂഹിക മാധ്യമങ്ങളില്‍ വൈറലായി. സൗദിലെ സാംസ്‌കാരിക നിയമ പരിവര്‍ത്തനങ്ങളുടെ ഭാഗമായി നടക്കുന്ന വനിതാ ശാക്തീകര പദ്ധതി പ്രകാരമാണു ഹറമിലെ വനിതാ സേന. ചരിത്രപരമായ ഈ നീക്കം രാജ്യത്ത് ആദ്യമായാണ്. സുരക്ഷാ ഭടന്മാരുടെ യൂനിഫോമില്‍ തീര്‍ഥാടകരെയും സന്ദര്‍ശകരെയും ജാഗ്രതയോടെ നിരീക്ഷിക്കുന്ന വനിതാ സുരക്ഷാ ഉദ്യോഗസ്ഥയാണ് ചിത്രങ്ങളില്‍ ഉള്ളത്. രാജ്യത്ത് വനിതകളുടെ അവകാശങ്ങള്‍ ഉറപ്പു വരുത്തുന്നതിനു കിരീടാവകാശി മുഹമ്മദ് …

ജിദ്ദ: കൊച്ചിയിലേക്കുള്ള സൗദി അറേബ്യന്‍ എയര്‍ലൈന്‍സിന്റെ ചാര്‍ട്ടര്‍ വിമാനം റദ്ദാക്കിയതിനെ തുടര്‍ന്ന് ജിദ്ദയില്‍ കുടുങ്ങിയവരെ ഇന്ത്യന്‍ കോണ്‍സുലേറ്റ് ഇടപെട്ട് എയര്‍ഇന്ത്യ വിമാനത്തില്‍ മുംബൈ വഴി തിരുവനന്തപുരത്ത് എത്തിച്ചു. ഇന്ത്യന്‍ വ്യോമയാന വകുപ്പ് അനുമതി നിഷേധിച്ചതാണ് യാത്ര മുടങ്ങാന്‍ കാരണം. വിവിധ ട്രാവല്‍ ഏജന്റുകള്‍ ചേര്‍ന്നാണ് വിമാനം ചാര്‍ട്ടര്‍ ചെയ്തിരുന്നത്. വിമാനം റദ്ദാക്കിയതിനെ തുടര്‍ന്ന് ചിലര്‍ നേരത്തെ എമിറേറ്റ്‌സ് എയര്‍ലൈന്‍, സ്‌പൈസ് ജെറ്റ് വിമാനങ്ങളില്‍ ബാംഗ്ലൂര്‍, കോഴിക്കോട് സെക്ടറിലേക്കു യാത്ര തിരിച്ചിരുന്നു. ചിലര്‍ യാത്ര റദ്ദാക്കുകയും ചെയ്തു.