സൗദിയില്‍ വാഹനാപകടത്തില്‍ മരിച്ച നഴ്‌സുമാരുടെ മൃതദേഹങ്ങള്‍ ഇന്ന് വൈകിട്ട് തിരുവനന്തപുരത്ത് എത്തും

Editor

റിയാദ്: കഴിഞ്ഞ വെള്ളിയാഴ്ച വാഹനാപകടത്തില്‍ മരിച്ച നഴ്‌സുമാരായ കോട്ടയം സ്വദേശി ഷിന്‍സി ഫിലിപ്പ്, തിരുവന്തപുരം സ്വദേശി അശ്വതി വിജയന്‍ എന്നിവരുടെ മൃതദേഹങ്ങള്‍ നാട്ടിലേക്കു കൊണ്ടുപോയി. നാളെ വൈകിട്ട് തിരുവനന്തപുരത്ത് എത്തും. എത്തിഹാദ് വിമാനത്തില്‍ നജ്‌റാനില്‍ നിന്ന് അബുദാബി വഴിയാണ് നാട്ടില്‍ എത്തിക്കുന്നത്.

പ്രതിഭ സാംസ്‌കാരിക വേദി നജ്‌റാന്‍ കേന്ദ്ര കമ്മിറ്റി റിലീഫ് കണ്‍വീനറും, ജിദ്ദ ഇന്ത്യന്‍ കോണ്‍സുലേറ്റ് കമ്മിറ്റി വെല്‍ഫെയര്‍ അംഗവുമായ അനില്‍ രാമചന്ദ്രന്‍, പ്രതിഭ ഖലാദിയ യൂണിറ്റ് അംഗം അബ്ദുല്‍ഗഫൂര്‍, ജിദ്ദ ഇന്ത്യന്‍ കോണ്‍സുലേറ്റ് കമ്മ്യൂണിറ്റി വെല്‍ഫയര്‍ വിഭാഗം ഡോ. ആലീം ശര്‍മ, കോണ്‍സുലേറ്റ് ട്രാന്‍സിലേറ്റര്‍ ആസിം അന്‍സാരി എന്നിവര്‍ കൂട്ടായി പരിശ്രമിച്ചതിനൊടുവിലാണ് മൃതദേഹങ്ങള്‍ നാട്ടിലെത്തിക്കുന്നത്.

അനില്‍ രാമചന്ദ്രന്റെ പേരില്‍ പവര്‍ ഓഫ് ആറ്റോര്‍ണി നല്‍കി നടപടികള്‍ വേഗത്തിലാക്കുകയായിരുന്നു.താര്‍ ട്രാഫിക് പോലീസ് മേധാവി, നജ്‌റാന്‍ ഗവര്‍ണറേറ്റ് ഉദ്യോഗസ്ഥര്‍ , കിംഗ് ഖാലിദ് ഹോസ്പിറ്റല്‍ ഉദ്യോഗസ്ഥര്‍, നജ്‌റാന്‍ റീജന്‍ ആരോഗ്യ വകുപ്പ് ഉദ്യോഗസ്ഥര്‍, സൗദി സര്‍ക്കാര്‍ വകുപ്പ് പ്രതിനിധികള്‍ ഇവരുടെയെല്ലാം പിന്തുണയും ഉണ്ടായിരുന്നു.

 

News Feed
Don't miss the stories followPravasi Bulletin and let's be smart!
Loading...
0/5 - 0
You need login to vote.

ഇ -സഞ്ജീവനിയില്‍ മലയാളികളായ പ്രവാസികളെയും ഉള്‍പ്പെടുത്തണമെന്ന്

സൗദി- ഇന്ത്യ വിദേശ കാര്യ മന്ത്രിമാര്‍ ഇറ്റലിയില്‍ ചര്‍ച്ച നടത്തി

Related posts
Your comment?
Leave a Reply

error: Content is protected !!
%d bloggers like this: