സലാല: സുഖ ബാധിതനായി കണ്ണൂരിലെ സ്വകാര്യ ആശുപത്രിയില്‍ ചികിത്സയിലായിരുന്നു. ചൊവ്വാഴ്ച വൈകിട്ട് ആറു മണിയോടെയാണ് മരണപ്പെട്ടത്. ലിവര്‍ സീറോസ് ബാധിച്ച് ചികിത്സയിലായിരുന്നു. കഴിഞ്ഞ നവംബര്‍ അഞ്ചിനാണ് ചികിത്സക്കായി നാട്ടിലേക്ക് പോയത്. കണ്ണുര്‍ ജില്ലയിലെ കൂത്തുപറമ്പിനടുത്ത് ചിറ്റാരിപറമ്പ് സ്വദേശിയാണ്. പ്രകാശന്റെ ചികിത്സക്കായി നാട്ടിലും സലാലയിലും ചികിത്സാ കമ്മിറ്റി രൂപീകരിച്ചിരുന്നു. മുന്‍ മന്ത്രി കെ.കെ.ശൈലജ ചെയര്‍മാനായിട്ടായിരുന്നു ചികിത്സാ കമ്മിറ്റി പ്രവര്‍ത്തിച്ചിരുന്നത്. ഭാര്യ: പ്രസന്ന. മകള്‍: പ്രണവ്, പാര്‍വതി. മകന്‍ പ്രണവ് ദുബായില്‍ നിന്ന് എത്തിയിട്ടുണ്ട്. സിഎ വിദ്യാര്‍ഥിയാണ്.സലാലയിലെ സാമൂഹിക, സാംസ്‌കാരിക, ജീവകാരുണ്യ മേഖലകളില്‍ സജീവമായിരുന്നു പ്രകാശന്‍. കൈരളി …

മസ്‌കത്ത് : നാലു മാസം നീണ്ട പ്രവേശന വിലക്ക് അവസാനിപ്പിച്ച് ഇന്ത്യ ഉള്‍പ്പടെ 18 രാജ്യങ്ങളില്‍ നിന്നുള്ളവര്‍ക്ക് പ്രവേശനാനുമതി നല്‍കി ഒമാന്‍. സെപ്തംബര്‍ ഒന്നു മുതല്‍ രണ്ട് ഡോസ് വാക്സീന്‍ സ്വീകരിച്ചവര്‍ക്ക് ഒമാനിലെത്താനാകുമെന്നും സിവില്‍ ഏവിയേഷന്‍ അതോറിറ്റി പുറത്തിറക്കിയ സര്‍ക്കുലറില്‍ വ്യക്തമാക്കി. യാത്രക്ക് മുമ്പ് പിസിആര്‍ പരിശോധന നടത്തണം. 72 മണിക്കൂറിനകം നടത്തിയ പിസിആര്‍ പരിശോധനയില്‍ കോവിഡ് നെഗറ്റീവ് ആണെങ്കില്‍ ക്വാറന്റീന്‍ ആവശ്യമില്ല. കോവിഡ് നെഗറ്റീവ് സര്‍ട്ടിഫിക്കറ്റ് ഇല്ലാത്തവര്‍ ഒമാനില്‍ എത്തിയ ശേഷം വിമാനത്താവളത്തില്‍ പിസിആര്‍ പരിശോധന നടത്തണം. തുടര്‍ന്ന് പരിശോധനാ ഫലം ലഭിക്കുന്നത് …

മസ്‌കത്ത്: ഓണത്തോടനുബന്ധിച്ച് ആതുര സേവന രംഗത്ത് പ്രവര്‍ത്തിക്കുന്നവരെ ആദരിക്കുന്ന ചടങ്ങ് സംഘടിപ്പിച്ച് റുസ്താഖ് മലയാളീസ് കൂട്ടായ്മ. ‘ആഘോഷങ്ങളില്ലാതെ ആദരവോടെ’ എന്ന സന്ദേശത്തിലായിരുന്നു പരിപാടി. മഹാമാരിയുടെ കാലയളവില്‍ ആതുരസേവന രംഗത്ത് അഹോരാത്രം ജോലിചെയ്യുന്ന റുസ്താഖിലെ 115 നഴ്സുമാര്‍ക്ക് ഓണക്കോടി സമ്മാനിച്ച് ഓണാഘോഷം അവിസ്മരണീയമാക്കി. നഴ്സിംഗ് രംഗത്ത് പ്രവര്‍ത്തിച്ചുവരുന്ന നിഷ അനില്‍, അനു തോമസ് എന്നിവര്‍ക്ക് റുസ്താഖ് മലയാളീസ് കൂട്ടായ്മ സെക്രട്ടറി കുമാര്‍ കൊട്ടാരക്കരയും പ്രസിഡന്റ് പ്രദീപ് നന്ദനവും ഓണപുടവകള്‍ കൈമാറി പദ്ധതി ഉദ്ഘാടനം ചെയ്തു. കോവിഡ് പിടിപെട്ട് മരണപ്പെട്ട സിസ്റ്റര്‍ രമ്യക്ക് റുസ്താഖ് മലയാളീസിന്റ അനുസ്മരണവും …

മസ്‌കത്ത്: ഇന്ത്യയുടെ എഴുപത്തിയഞ്ചാം സ്വാതന്ത്ര്യ ദിനാഘോഷത്തിന്റെ ഭാഗമായി സോഷ്യല്‍ ഫോറം ഒമാന്‍ സീബ് ഘടകം, മബെല മോഡേണ്‍ അല്‍ സലാമ ഹോസ്പിറ്റലിന്റെ സഹകരണത്തോടുകൂടി കോവിഡ് വാക്സിനേഷന്‍ ക്യാംപും ബോധവല്‍ക്കരണ പരിപാടിയും സംഘടിപ്പിച്ചു. മോഡേണ്‍ അല്‍ സമാ പോളിക്ലിനിക് മാനേജിങ് ഡയറക്ടര്‍ സിദ്ധിഖ് ഉദ്ഘാടനം നിര്‍വഹിച്ചു. സോഷ്യല്‍ ഫോറം ഒമാന്‍ സീബ് ഘടകം പ്രതിനിധി അബ്ദുല്‍ സലീം വടകര അധ്യക്ഷത വഹിച്ചു.

മസ്‌കത്ത്: ഒമാനില്‍ ഈ മാസം 15 വരെ 21.6 ലക്ഷം പേര്‍ കോവിഡ് വാക്‌സീന്‍ സ്വീകരിച്ചതായി ആരോഗ്യമന്ത്രാലയം. വിവിധ ഗവര്‍ണറേറ്റുകളില്‍ വാക്‌സിനേഷന്‍ ഊര്‍ജിതമാക്കി. 12 വയസ്സും അതിനു മുകളിലുമുള്ള വിദ്യാര്‍ഥികളുടെ വാക്‌സിനേഷന്‍ തുടരുകയാണ്. പൊതു-സ്വകാര്യ വിദ്യാലയങ്ങളിലെ 3.2 ലക്ഷം കുട്ടികള്‍ക്കു വാക്‌സീന്‍ നല്‍കുകയാണു ലക്ഷ്യമെന്നും വ്യക്തമാക്കി.  

മസ്‌കത്ത്: ഖനന മേഖലയില്‍ സഹകരണത്തിന് ഇന്ത്യയും ഒമാനും തമ്മില്‍ ധാരണ. മസ്‌കത്തില്‍ നടന്ന ചടങ്ങില്‍ ഇന്ത്യന്‍ അംബാസഡര്‍ മുനു മഹാവര്‍ ഒമാന്‍ ഊര്‍ജ – ധാതു മന്ത്രാലയം അണ്ടര്‍ സെക്രട്ടറി എന്‍ജി. സാലിം ബിന്‍ നാസര്‍ അല്‍ ഔഫിയും കരാര്‍ ഒപ്പുവെച്ചു. ധാതു ഖനന മേഖലയിലെ നൂതന രീതികളും അനുഭവ സമ്പത്തും ഖനന വ്യവസായം വികസിപ്പിക്കുന്നതിനുള്ള മാര്‍ഗങ്ങളും പരസ്പരം കൈമാറുന്നതിനും ധാരണയിലെത്തിയതായി ഒമാന്‍ ന്യൂസ് ഏജന്‍സി റിപ്പോര്‍ട്ട് ചെയ്തു. ഒമാന്‍ വിഷന്‍ 2040ന്റെ ഭാഗമായുള്ള ഖനന പദ്ധതികളും ഉള്‍പ്പെടുത്തിയിട്ടുണ്ട്.  

മസ്‌കത്ത്: സലാല റോഡില്‍ ഹൈമയില്‍ വാഹന അപകടം. രണ്ടു പേര്‍ മരിച്ചു. കൊല്ലം ചാത്തന്നൂര്‍ വിളപ്പുറം താഴം സൗത്തില്‍ കാരോട്ട് വീട്ടില്‍ അരവിന്ദാക്ഷന്റെ മകന്‍ ജയറാമും (44), ഒരു തമിഴ്‌നാട് സ്വദേശിയുമാണ് മരിച്ചത്. മാതാവ്: സുലോചന. ഭാര്യ: രശ്മി. മക്കള്‍: നിരഞ്ജന, അര്‍ജുന്‍.  

മസ്‌കത്ത് :ഒമാനില്‍ കോവിഡ് വാക്‌സീന്‍ സ്വീകരിക്കാന്‍ മടിക്കുന്നവര്‍ക്കെതിരെ നടപടി പരിഗണനയില്‍. ആരോഗ്യ പ്രശ്‌നങ്ങളുള്ളവര്‍ക്ക് മാത്രമാണ് ഇളവ്. ഇതിന്റെ രേഖകള്‍ സൂക്ഷിക്കുകയും വേണം. രാജ്യത്ത് ഇന്നലെ വരെ 20 ലക്ഷത്തിലേറെ പേര്‍ വാക്‌സീന്‍ സ്വീകരിച്ചതായി ആരോഗ്യ മന്ത്രാലയം അറിയിച്ചു. 13,59,622 പേര്‍ ആദ്യ ഡോസ് സ്വീകരിച്ചു. വിവിധ ഗവര്‍ണറേറ്റുകളില്‍ വാക്‌സിനേഷന്‍ ഊര്‍ജിതമാക്കിയതായും വ്യക്തമാക്കി.  

മസ്‌കത്ത്: വിമാന ടിക്കറ്റിനൊപ്പം യാത്രക്കാർക്ക് ഇൻവോയ്‌സ് കൂടി നൽകണമെന്ന് ഒമാൻ പൈതൃക-വിനോദ സഞ്ചാര മന്ത്രാലയത്തിന്റെ ഉത്തരവ്. കമ്പനികളുടെ ഔദ്യോഗിക സ്റ്റാമ്പ് ചെയ്ത ഇൻവോയ്‌സുകളാണം നൽകുന്നതെന്നും ട്രാവൽ-ടൂറിസം ഏജൻസികൾക്കുള്ള ഉത്തരവിൽ വ്യക്തമക്കി. ടിക്കറ്റ് മാറുന്നതിനോ റീഫണ്ട് ലഭിക്കുന്നതിനോ സാധ്യമാണോ എന്നുള്ളത് രേഖപ്പെടുത്താത്തതുൾപ്പടെ വിവിധ ടിക്കറ്റ് പോളിസികൾ ലംഘിക്കുന്നതായി കണ്ടെത്തിയ സാഹചര്യത്തിലാണ് മന്ത്രാലയത്തിന്റെ ഉത്തരവ്. ഇതടക്കം വിമാന കമ്പനികളുടെ വ്യവസ്ഥകളും ഉപാധികളും അനുസരിച്ചുള്ള മുഴുവൻ വിവരങ്ങളും അടങ്ങുന്ന ഇൻവോയ്‌സ് ആണ് നൽകേണ്ടത്. അറബിക്, ഇംഗ്ലീഷ് ഭാഷകളിൽ വിവരങ്ങൾ രേഖപ്പെടുത്തണമെന്നും പൈതൃക-വിനോദ സഞ്ചാര മന്ത്രാലയം അറിയിച്ചു.  

മസ്‌കത്ത് :ഒമാനില്‍ 4912 പേര്‍ക്ക് കൂടി കോവിഡ് സ്ഥിരീകരിച്ചു. 255 രോഗികള്‍ മരണപ്പെട്ടു. 12,008 പേര്‍ രോഗമുക്തി നേടിയതായും ആരോഗ്യ മന്ത്രാലയം അറിയിച്ചു. ബലി പെരുന്നാള്‍ അവധിക്ക് ശേഷം ഒമ്പത് ദിവസത്തെ കണക്കുകളാണ് മന്ത്രാലയം പുറത്തുവിട്ടത്. രാജ്യത്ത് റിപ്പോര്‍ട്ട് ചെയ്യപ്പെട്ട കോവിഡ് കേസുകള്‍ 293954 ആയി ഉയര്‍ന്നു. 275760 പേര്‍ ഇതിനോടകം രോഗമുക്തി നേടി. ഇപ്പോള്‍ 93.8 ശതമാനമാണ് നിലവിലെ രോഗമുക്തി നിരക്ക്. 3,753 പേര്‍ക്ക് കോവിഡിനെ തുടര്‍ന്ന് ജീവന്‍ നഷ്ടമായി. 1.2 ശതമാനമാണ് രാജ്യത്തെ കോവിഡ് മരണ നിരക്ക്. കഴിഞ്ഞ 24 മണിക്കൂറിനിടെ …