സിയാമെന്‍ : ഇന്ത്യയും ചൈനയും തമ്മിലുണ്ടായ ഡോക് ലാം സംഘര്‍ഷം അടഞ്ഞ അധ്യായമാണെന്നും ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ ഇരു കൂട്ടരും പരിശ്രമിക്കണമെന്നും ധാരണ. പ്രധാനമന്ത്രി നരേന്ദ്ര മോദിയും ചൈനീസ് പ്രസിഡന്റ് ഷീ ജിന്‍ പിങ്ങും തമ്മില്‍ നടത്തിയ കൂടിക്കാഴ്ചയിലാണ് ധാരണയായത്. അഭിപ്രായ വ്യത്യാസങ്ങള്‍ പരസ്പര ബഹുമാനത്തോടെ പരിഹരിക്കുമെന്നും പിന്നോട്ടല്ല, മുന്നോട്ടാണ് നോക്കേണ്ടതെന്നും ചര്‍ച്ചയ്ക്ക് ശേഷം വിദേശകാര്യ സെക്രട്ടറി എസ് ജയശങ്കര്‍ അറിയിച്ചു. ഇരു നേതാക്കളും തമ്മിലുള്ള ചര്‍ച്ചയ്ക്കിടെ ഭീകരത ചര്‍ച്ചാ വിഷയമായില്ലെന്നും അക്കാര്യങ്ങള്‍ ബ്രിക്സ് ഉച്ചകോടിയില്‍ ചര്‍ച്ച ചെയ്തതാണെന്നും ജയശങ്കര്‍ പറഞ്ഞു. മസൂദ് അസറിനെ …

ബ്രിസ്‌ബേന്‍: ഓസ്‌ട്രേലിയയിലെ ഏറ്റവും വലിയ പ്രവാസി മലയാളി സംഘടനയായ കൈരളി ബ്രിസ്‌ബേന്റെ ആഭിമുഖ്യത്തില്‍ ക്വീന്‍സ് ലാന്‍ഡിലെ ഏറ്റവും വലിയ ഓണാഘോഷത്തിന് സെപ്റ്റംബര്‍ 9 ന് തിരി തെളിക്കുമ്പോള്‍ ബ്രിസ്‌ബേനിലെ മലയാളിക്ക് ഓണസദ്യയോടൊപ്പം ഓണ സമ്മാനമായി തിരുവാവണി രാവിലേയ്ക്കുള്ള സൗജന്യ പ്രവേശനവും. ഐഡിയ സ്റ്റാര്‍ സിംഗറിലൂടെ മലയാളികളുടെ ഹരമായി മാറിയ അരുണ്‍ ഗോപനും, ഹിന്ദി പാട്ടുകള്‍ പാടി കാണികളെ കയ്യിലെടുക്കുന്ന അഫ്‌സലും കലാഭവന്‍ മണിയുടെ പകരക്കാരനായി വന്ന് നാടന്‍ പാട്ടുകള്‍ പാടി സദസ്യരെ രസിപ്പിയ്ക്കുന്ന കൃഷ്ണ കുമാറും. D3, D4 ഡാന്‍സ് താരങ്ങളായ് നാസിഫ് അപ്പുവിനും …

റോക്ഹാംപ്ടണ്‍: റോക്ഹാംപ്ടണ്‍ മലയാളികളുടെ ഓണാഘോഷം സെപ്റ്റംബര്‍ 9 ന് റോക് ഹാംപ്ടണ്‍ ബുഹാനിയ കമ്മ്യൂണിറ്റി ഹാളില്‍ വച്ച് വിവിധ പരിപാടികളോടെ ആഘോഷിക്കുന്നു. ഈ വര്‍ഷത്തെ ഓണാഘോഷത്തിന് വളരെ വിപുലമായ ഒരുക്കങ്ങളാണ് നടന്നു വരുന്നത്. സെപ്റ്റംബര്‍ 9 ന് രാവിലെ 9.30 ന് റോക് ഹാംപ്ടണ്‍ മലയാളി കുടുംബങ്ങള്‍ ഒത്തുചേര്‍ന്ന് ഓണപ്പൂക്കളം ഒരുക്കിയാണ് ആഘോഷങ്ങള്‍ ആരംഭിക്കുന്നത്. തുടര്‍ന്ന് ഘോഷയാത്രയായി മാവേലിത്തമ്പുരാനെ ആനയിയ്ക്കും. തിരുവാതിരയും പുലികളിയും ഓണപ്പാട്ടുകളും നൃത്തനൃത്യങ്ങളുമായി മലയാളത്തനിമ വിളിച്ചോതുന്ന കലാവിരുന്നുകളുമായി മലയാളി കൂട്ടായ്മ അംഗങ്ങള്‍ വേദി കൈയ്യടക്കുന്നതോടെ തിരുവോണത്തിന്റെ മധുരസ്മരണകള്‍ നിറയുന്ന വേദിയായി റോക്ഹാംപ്ടണ്‍ …

ബെയ്ജിംഗ്: ഹൈഡ്രജന്‍ ബോംബ് പരീക്ഷണം നടത്തിയ ഉത്തരകൊറിയ്ക്ക് താക്കീതുമായി സുഹൃത്തും അയല്‍വാസിയുമായ ചൈന.ആണവപരീക്ഷണങ്ങളില്‍ നിന്ന് വിട്ടു നിന്നില്ലെങ്കില്‍ അതിര്‍ത്തി അടയ്ക്കുമെന്നും അല്ലെങ്കില്‍ ഉത്തരകൊറിയക്കുള്ള ഇന്ധനവിതരണം തടയുമെന്നും ചൈനീസ് ഔദ്യോഗിക മാധ്യമമായ ഗ്ലോബല്‍ ടൈംസിന്റെ മുഖപ്രസംഗത്തില്‍ പറയുന്നു. ഐക്യരാഷ്ട്രസഭയുടേയും സുരക്ഷാ സമിതിയുടേയും ആവര്‍ത്തിച്ചുള്ള നിര്‍ദേശങ്ങള്‍ അവഗണിച്ച് ആറാമതും ഉത്തരകൊറിയ ആണവപരീക്ഷണം നടത്തിയതോടെ അവര്‍ക്കെതിരെ കര്‍ശന നടപടിയെടുക്കാതെ തരമില്ലെന്ന് ഗ്ലോബല്‍ടൈംസ് ചൂണ്ടിക്കാട്ടുന്നു. ചൈന ഭരിക്കുന്ന ചൈനീസ് കമ്മ്യൂണിസ്റ്റ് പാര്‍ട്ടിയുടെ നിയന്ത്രണത്തിലുള്ള മാധ്യമമാണ് ഗ്ലോബല്‍ ടൈംസ്. ഭരണകക്ഷിയുടേയും സര്‍ക്കാരിന്റേയും കാഴ്ച്ചപ്പാടുകളും അഭിപ്രായങ്ങളുമാണ് ഗ്ലോബല്‍ ടൈംസില്‍ പ്രതിഫലിക്കാറുള്ളത്.  

ബാഴ്സലോണ: സ്പെയിനിലെ ബാഴ്സലോണയില്‍ തീവ്രവാദി ആക്രമണം. ആള്‍ക്കൂട്ടത്തിലേക്ക് വാന്‍ ഇടിച്ചു കയറ്റിയാണ് ആക്രമണം.അപകടത്തില്‍ 13പേര്‍ മരിച്ചതായാണ് പ്രാഥമികവിവരം.ആക്രമണത്തില്‍ എണ്‍പതിലേറെ പേര്‍ക്ക് പരിക്കേറ്റതായും റിപ്പോര്‍ട്ടുകളുണ്ട്. അക്രമത്തിന്റെ ഉത്തരവാദിത്വം ആരും ഏറ്റെടുത്തില്ലെങ്കിലും പിന്നില്‍ ഐ.എസ് ആണെന്ന് സംശയമുണ്ടെന്നാണ് അധികൃതര്‍ കരുതുന്നത് ബാഴ്സലോണയിലെ ലാസ് റാബലസ് മേഖലയിലാണ് തീവ്രവാദി ആക്രമണമുണ്ടായിരിക്കുന്നത്. ഇത് വിനോദസഞ്ചാരികളുടെ പ്രധാന സന്ദര്‍ശനകേന്ദ്രമാണിത്.ആളുകളോട് പുറത്തിറങ്ങരുതെന്നും സുരക്ഷിതമായ സ്ഥലത്തേക്ക് മാറണമെന്നും പോലീസ് നിര്‍ദേശിച്ചിട്ടുണ്ട്. അപകടമേഖല പോലീസ് വളഞ്ഞിരിക്കുകയാണ്.ഇതേ സമയം ഇന്ത്യക്കാര്‍ സുരക്ഷിതരാണെന്ന് വിദേശ കാര്യ മന്ത്രി സുഷമ സ്വരാജ് അറിയിച്ചു  

ഫ്രാങ്ക്ഫര്‍ട്ട്: ജര്‍മന്‍ ഹൈവേകളില്‍ ട്രക്ക് ട്രാഫിക് മൂലം ഉണ്ടാകുന്ന കഠിന മലിനീകരണം കുറയ്ക്കാനും, തടയാനുമായി ജര്‍മന്‍ ഹൈവേകളില്‍ ഇലക്ട്രിക് ട്രാക്കുകള്‍ ഉണ്ടാക്കുന്നു. അതുപോലെ ട്രക്കുകള്‍ ഈ ട്രാക്കിലൂടെ മാത്രം ഓടുന്നതുകൊണ്ട് ട്രക്ക് ഓവര്‍ ടേക്കിംങ്ങും, ഹൈവേയിലെ ട്രാഫിക്കും കുറയ്ക്കാന്‍ സാധിക്കും. ഇലക്ട്രിക് ട്രാക്കുകള്‍ നിര്‍മ്മിക്കാന്‍ ജര്‍മന്‍ ഗതാഗത വകുപ്പ് ആവശ്യത്തിന് പണം നല്‍കുമെന്ന് ജര്‍മന്‍ ഗതാഗത വകുപ്പ് മന്ത്രി അലക്സാന്‍ഡര്‍ ഡോബ്രിന്റ് പറഞ്ഞു.  

വാഷിങ്ടണ്‍: യു.എസിലെ വെര്‍ജീനിയയില്‍ പ്രതിഷേധക്കാരുടെ ഇടയിലേക്ക് കാറോടിച്ചുകയറ്റിയ യുവാവ് ദീര്‍ഘകാലമായി നാസി അനുഭാവിയാണെന്ന് വാഷിങ്ടണ്‍ പോസ്റ്റ് റിപ്പോര്‍ട്ടുചെയ്തു. ഒഹായോ സ്വദേശിയായ ജെയിംസ് അലക്സ് ഫീല്‍ഡ്സ് എന്നയാളാണ് ശനിയാഴ്ച തീവ്ര വലതുപക്ഷക്കാരും അവരെ എതിര്‍ക്കുന്നവരും നടത്തിയ റാലിക്കിടയിലേക്ക് കാറോടിച്ചുകയറ്റിയത്. ഇയാളെ പോലീസ് പിടികൂടി. സംഭവത്തില്‍ ഒരു യുവതി കൊല്ലപ്പെട്ടിരുന്നു. ജെയിംസിന്റെ ഹൈസ്‌കൂളിലെ ചരിത്രാധ്യാപികയായ ഡെറിക് വീമറാണ് ഇയാളുടെ നാസി അനുഭാവത്തെക്കുറിച്ച് അറിയിച്ചത്. അഡോള്‍ഫ് ഹിറ്റ്‌ലറിനെ ആരാധിക്കുന്ന ജെയിംസിന് നാസി ആശയങ്ങളോട് ആഭിമുഖ്യമുണ്ടെന്ന കാര്യം വ്യക്തമാണ്. വെള്ളക്കാരുടെ മേധാവിത്വത്തിനായി ജെയിംസ് ആഗ്രഹിച്ചിരുന്നു -വീമര്‍ പറഞ്ഞു. രണ്ടാംലോകയുദ്ധകാലത്തെ നാസി …

  ഇസ്ലാമാബാദ്: പാകിസ്താനും ചൈനയുമായുള്ള ബന്ധം ഉരുക്കിനേക്കാള്‍ ഉറപ്പുള്ളതും തേനിനേക്കാള്‍ മധുരമുള്ളതുമാണെന്ന് ചൈനീസ് ഉപപ്രധാനമന്ത്രി വാങ് യാങ്. പാകിസ്താന്റെ സ്വാതന്ത്ര്യദിനാഘോഷത്തില്‍ പങ്കെടുക്കാനെത്തിയതാണ് യാങ്. ബുദ്ധിമുട്ടുണ്ടായ കാലത്ത് പരസ്പരം സഹായിച്ചവരാണ് ചൈനയും പാകിസ്താനും. വരുംകാലങ്ങളിലും ബന്ധം ഇതുപോലെത്തന്നെ തുടരും -വാങ് പറഞ്ഞു. പാക് പ്രസിഡന്റ് മംമ്നൂണ്‍ ഹുസൈന്‍ പതാകയുയര്‍ത്തിയതോടെയാണ് സ്വാതന്ത്രദിനാഘോഷചടങ്ങുകള്‍ തുടങ്ങിയത്. പ്രധാനമന്ത്രി ഷാഹിദ് അബ്ബാസിയും മൂന്ന് സേനാവിഭാഗങ്ങളുടെയും മേധാവിമാരും ചടങ്ങില്‍ പങ്കെടുത്തു. പരസ്?പരമുള്ള പ്രശ്നങ്ങള്‍ മാറ്റിവെച്ച്, രാജ്യത്തിന്റെ പുരോഗതിക്കുവേണ്ടി കൈകോര്‍ക്കാന്‍ പ്രസിഡന്റ് മംമ്നൂണ്‍ ജനങ്ങളോട് ആഹ്വാനംചെയ്തു.