മദീന: പുതുതായി വാഹനമോടിക്കാന്‍ അനുമതി ലഭിച്ച അരലക്ഷത്തിലധികം സൗദി വനിതകള്‍ നിരത്തിലിറങ്ങാന്‍ തയാറെടുത്തിരിക്കെ എല്ലാവിധ ഒരുക്കങ്ങളും പൂര്‍ത്തിയായതായി ട്രാഫിക് വിഭാഗം അറിയിച്ചു. പ്രധാന റോഡുകളില്‍ മുന്നറിയിപ്പ് വിവരങ്ങള്‍ രേഖപ്പെടുത്തിക്കഴിഞ്ഞു. പരിശീലനം സിദ്ധിച്ച നാല്‍പ്പതോളം വനിതാ ട്രാഫിക് ഉദ്യോഗസ്ഥകള്‍ ജോലിയില്‍ പ്രവേശിച്ചു. വനിതകള്‍ വാഹനമോടിക്കുന്നതിനാല്‍ ട്രാഫിക് അപകടങ്ങള്‍ കൈകാര്യം ചെയ്യാനുതകുന്ന തരത്തില്‍ വിദഗ്ധ പരിശീലനമാണ് അവര്‍ക്ക് നല്‍കിയത്. ഇന്‍ഷുറന്‍സ് കമ്പനിയായ നജ്മാന്റെ നേതൃത്വത്തിലായിരുന്നു പരിശീലനം. വിവിധ ഡ്രൈവിങ് പരിശീലന സ്‌കൂളുകളില്‍ ആയിരക്കണക്കിനു സ്ത്രീകള്‍ ലൈസന്‍സിനായി പരിശീലനത്തിന് അപേക്ഷ നല്‍കിയിട്ടുണ്ട്. ദമാമിലെ ഇമാം അബ്ദുറഹ്മാനു ഇബ്‌നു ഫൈസല്‍ …

റിയാദ്: സൗദിയില്‍ പൊതുമേഖലാ തൊഴിലാളികള്‍ക്ക് ഒന്‍പത് ദിവസത്തെ പെരുനാള്‍ (ഈദ് അല്‍ ഫിതര്‍) അവധി പ്രഖ്യാപിച്ചു. ഈ മാസം 15 മുതല്‍ 23 വരെയാണ് അവധി. 24ന് ജീവനക്കാര്‍ ഡ്യൂട്ടി പുനരാരംഭിക്കും

റിയാദ്: പ്രവാസം അവസാനിപ്പിച്ച് മടങ്ങുന്ന ഒ.ഐ.സി.സി. റിയാദ് സെന്‍ട്രല്‍കമ്മിറ്റി കൗണ്‍സില്‍ അംഗവും പത്തനംതിട്ട ജില്ലാ കമ്മറ്റി ഭാരവാഹിയുമായ റെജിമാമ്മന്‍ കടമ്പനാടിന് ജില്ലാ കമ്മിറ്റിയുടെ ആഭിമുഖ്യത്തില്‍ യാത്രയയപ്പ് നല്‍കി. മലസ് ഭാരത് ഓഡിറ്റോറിയത്തില്‍ നടന്ന കുടുംബസംഗമത്തില്‍ ജില്ലാപ്രസിഡന്റ് കെ.കെ.തോമസ് അദ്ധ്യക്ഷതവഹിച്ചു. സെന്‍ട്രല്‍ കമ്മിറ്റി വൈസ് പ്രസിഡന്റ് സലീം കളക്കര ഉദ്ഘാടനം ചെയ്തു. തോമസ് ജോര്‍ജ്ജ് ആമുഖ പ്രസംഗം നടത്തി. അബ്ദുല്ല വല്ലാഞ്ചിറ മുഖ്യപ്രഭാഷണം നിര്‍വ്വഹിച്ചു. സിഞ്ചു റാന്നി, സജ്ജാദ്ഖാന്‍, യഹ്യ കൊടുങ്ങല്ലൂര്‍, ജമാല്‍ചോറ്റി, ഷുക്കൂര്‍ ആലുവ, സുരേഷ്ശങ്കര്‍, സലാംതെന്നല, സുരേഷ് ബാബു, സലീം പള്ളിയില്‍, നൗഷാദ് …

റിയാദ്: മന്ത്രി ശശീന്ദ്രന്റെ കേസ് കോംപ്രമൈസ് ചെയ്തതുപോലെ നടിയെ അക്രമിച്ച കേസും ഒത്തുതീര്‍പ്പാകാനാണ് സാധ്യതയെന്ന് നടനും സംവിധായകനുമായ ജോയ് മാത്യൂ. മനുഷ്യതമുളള ആര്‍ക്കും ഉറങ്ങാന്‍ കഴിയാത്ത സാഹചര്യമാണ് നിലവലുളളതെന്നും റിയാദ് ഇന്ത്യന്‍ മീഡിയാ ഫോറം സംഘടിപ്പിച്ച മീറ്റ് ദി പ്രസില്‍ അദ്ദേഹം പറഞ്ഞു. എല്ലാവരും കോംപ്രമൈസ് ചെയ്യുന്ന കാലത്തിലൂടെയാണ് കടന്നു പോകുന്നത്. ദിലീപ് കുറ്റക്കാരനാണോ എന്ന് പറയാനാവില്ല. അത് കോടതിയാണ് തീരുമാനിക്കേണ്ടത്. എന്നാല്‍ ഇരയായ നടി കോംപ്രമൈസ് ചെയ്യില്ലെന്നും ജോയ് മാത്യു പറഞ്ഞു. മുസ്ലിം ലീഗിലും കോണ്‍ഗ്രസിലും പുരോഗമനപരമായി ചിന്തിക്കുന്ന ധാരാളം യുവാക്കളുണ്ട്. മനുഷ്യ …

റിയാദ്: സൗദിയില്‍ വനിതകള്‍ക്ക് മോട്ടോര്‍ സൈക്കിളും ട്രക്കുകളും ഓടിക്കാന്‍ ലൈസെന്‍സ് നല്‍കുന്നു. വിദേശ ഡ്രൈവിംഗ് ലൈസന്‍സ് ഉള്ള വനിതകള്‍ക്ക് ഒരു വര്‍ഷം വരെ ഡ്രൈവിംഗ് ടെസ്റ്റ് ആവശ്യമില്ലെന്നും അധികൃതര്‍ അറിയിച്ചു. കാറുകള്‍ കൂടാതെ മോട്ടോര്‍ സൈക്കിളും ട്രക്കുകളും ഓടിക്കുന്നതിനു സൗദിയില്‍ വനിതകളെ അനുവദിക്കുമെന്ന് ട്രാഫിക് ഡയറക്ടറേറ്റാണ് അറിയിച്ചത്. ട്രക്കുകള്‍ ഓടിക്കാന്‍ നിലവില്‍ പുരുഷന്മാര്‍ക്ക് ബാധകമായ വ്യവസ്ഥകള്‍ മാത്രമേ സ്ത്രീകള്‍ക്കും ഉണ്ടാകുകയുള്ളൂ. പ്രൈവറ്റ് ലൈസെന്‍സ് ലഭിക്കുന്നതിനും ബൈക്ക് ഓടിക്കുന്നതിനുള്ള ലൈസെന്‍സ് ലഭിക്കുന്നതിനും 18 വയസ്സ് പൂര്‍ത്തിയായിരിക്കണം. എന്നാല്‍ 17 വയസ് പ്രായമുള്ളവര്‍ക്ക് ഒരു വര്‍ഷത്തില്‍ കൂടുതല്‍ …

ജിദ്ദ: ഉംറ തീര്‍ഥാടകരുടെ വാഹനം അപകടത്തില്‍പ്പെട്ട് മൂന്നു പേര്‍ മരിക്കുകയും നാല്‍പ്പതു പേര്‍ക്ക് പരുക്കേല്‍ക്കുകയും ചെയ്തു. ഏഷ്യന്‍ വംശജരായ തീര്‍ഥാടകരാണ് അപകടത്തില്‍പ്പെട്ടതെങ്കിലും ഇവരുടെ രാജ്യം വ്യക്തമല്ല. മക്ക – മദീന ഹിജ്റ പാതയില്‍ വ്യാഴാഴ്ച വൈകിട്ടാണ് അപകടം ഉണ്ടായത്. മക്കയില്‍ നിന്ന് മദീനയിലേക്ക് പോവുകയായിരുന്ന തീര്‍ഥാടകരുടെ ബസ് ട്രെയിലറില്‍ ചെന്നിടിക്കുകയായിരുന്നു. പരുക്കേറ്റവരെ സമീപത്തുള്ള ആശുപത്രികളില്‍ പ്രവേശിപ്പിച്ചതായി റെഡ് ക്രസന്റ് വക്താവ് ഖാലിദ് അല്‍സഹ്ലി അറിയിച്ചു. ഇവരില്‍ പന്ത്രണ്ടു പേരൊഴിച്ച് മറ്റുള്ളവരുടെ പരുക്ക് സാരമുള്ളതല്ലെന്നും വക്താവ് വ്യക്തമാക്കി.

റിയാദ്: ഇനി മുതല്‍ ബാങ്കുകള്‍ വഴി അയയ്ക്കുന്ന തുകയുടെ റെമിറ്റന്‍സ് ഫീസിന് വാറ്റ് ബാധകമാകുന്നു. അടുത്ത ജനുവരി ഒന്നു മുതല്‍ അഞ്ചു ശതമാനമായിരിക്കും വാറ്റ്. റെമിറ്റന്‍സ് ഫീസ് അടക്കം ബാങ്കുകളുടെ അഡ്മിനിസ്‌ട്രേറ്റീവ് സേവനങ്ങള്‍ക്കു മൂല്യവര്‍ദ്ധിത നികുതി ബാധകമായിരിക്കുമെന്നാണു സൗദി അധികൃതര്‍ നല്‍കുന്ന വിശദീകരണം. അതേ സമയം വായ്പയ്ക്കുള്ള പലിശ, വായ്പാ ഫീസ്, ക്രെഡിറ്റ് കാര്‍ഡ് ഉപയോഗത്തിന് ഈടാക്കുന്ന അധികതുക, ക്യാഷ് ഇടപാടുകള്‍, ബോണ്ട് ഇടപാടുകള്‍, കറന്റ് അക്കൗണ്ട്, സേവിങ് അക്കൗണ്ട് എന്നിവ അടക്കമുള്ള ബാങ്കിങ് സേവനങ്ങള്‍ക്കു വാറ്റ് ബാധകമല്ല.  

ജിദ്ദ: സുഡാന്‍ ദമ്പതികളുടെ സയാമീസ് ഇരട്ടകളെ ശസ്ത്രക്രിയയിലൂടെ വിജയകരമായി വേര്‍പ്പെടുത്തി. റിയാദിലെഅബ്ദുല്‍അസീസ് മെഡിക്കല്‍ സിറ്റിയിലെകിങ് അബ്ദുല്ല ചില്‍ഡ്രന്‍സ സ്‌പെഷ്യലിറ്റി ആശുപത്രിയില്‍; ഞായറാഴ്ചയായിരുന്നു ശസ്ത്രക്രിയ. അറുപതു ശതമാനം മാത്രം വിജയം പ്രതീക്ഷിച്ചിരുന്ന ഉദ്യമത്തിന് ഒമ്പതു മണിക്കൂര്‍ വേണ്ടിവന്നതായി റോയല്‍ കോര്‍ട്ട് പ്രത്യേക ഉപദേഷ്ട്ടാവും കിങ് സല്‍മാന്‍ ചാരിറ്റി സെന്റര്‍ സൂപ്രവൈസറുമായ ഡോ. അബ്ദുല്ല റബീഅ അറിയിച്ചു. സയാമീസ് സര്‍ജറി വിദഗ്ദന്‍ ഡോ. റബീഅയുടെ നേതൃത്വത്തിലുള്ള വൈദ്യ സംഘം തന്നെയാണ് ആറ് ഘട്ടങ്ങളിലൂടെയാണ് സര്‍ജറി പൂര്‍ത്തിയാക്കിയത്. ജൂദ്,ജനി എന്നീ പേരുകളിലുള്ള 13 മാസം മാത്രംപ്രായമായ കുട്ടികളുടെവേര്‍പ്പെടുത്തല്‍ ശസ്ത്രക്രിയ;സൗദി …

റിയാദ്: വനിതകള്‍ രാത്രി ജോലി ചെയ്യുന്നത് മൂന്ന് തൊഴില്‍ മേഖലയില്‍ പരിമിതപ്പെടുത്തി തൊഴില്‍ മന്ത്രാലയം വിജ്ഞാപനമിറക്കി. രാത്രി 11 മുതല്‍ രാവിലെ ആറ് വരെ സമയമാണ് രാത്രി ജോലിയായി പരിഗണിക്കുക. ആശുപത്രികള്‍, പ്രാഥമിക ആരോഗ്യ കേന്ദ്രങ്ങള്‍, ക്ലിനിക്കുകള്‍, ദന്താശുപത്രികള്‍ എന്നിവയാണ് വനിതകളുടെ രാത്രി ജോലി ആവശ്യമായി വരുന്ന മുഖ്യമേഖല. വ്യോമയാന മേഖലയില്‍ ജോലി ചെയ്യുന്ന സ്ത്രീകള്‍ക്കും രാത്രി ജോലി ആവശ്യമായി വന്നേക്കുമെന്ന് തൊഴില്‍ മന്ത്രാലയം അഭിപ്രായപ്പെട്ടു. കുട്ടികളുടെ അഭയകേന്ദ്രം പോലുള്ള തൊഴില്‍ മേഖലയാണ് മൂന്നാമത്തേത്. രണ്ട് ഷിഫ്റ്റായി ജോലി ചെയ്യുന്ന വനിതകള്‍ക്ക് അതിനുള്ള വാഹന …

റിയാദ്: ഞായറാഴ്ച പുലര്‍ച്ചെ റിയാദ് നഗരത്തിന്റെ പടിഞ്ഞാറ് ഭാഗത്തെ ശിഫയില്‍ ഫര്‍ണീച്ചര്‍ കമ്പനിയുടെ ഫാക്ടറിക്ക് തീപിടിച്ച് ആറ് ഇന്ത്യാക്കാരുള്‍പ്പെടെ 10 വിദേശ തൊഴിലാളികള്‍ മരിച്ചു. രണ്ട് ബംഗ്‌ളാദേശികളും രണ്ട് പാകിസ്താനികളുമാണ് മരിച്ച മറ്റുള്ളവര്‍. മരിച്ചവരില്‍ മലയാളികളില്ല. ഇന്ത്യാക്കാര്‍ ഏത് സംസ്ഥാനങ്ങളില്‍ നിന്നുള്ളവരാണെന്ന് വ്യക്തമായിട്ടില്ല. പരിക്കേറ്റ മൂന്നുപേരുടെ നില ഗുരുതരമാണ്. ബദര്‍ ജില്ലയില്‍ ശിഫ സനാഇയയിലാണ് സംഭവം. ഫര്‍ണീച്ചറുകള്‍ക്കുള്ള മര ഉരുപ്പടികള്‍ നിരര്‍മ്മിക്കുന്ന കമ്പനിയാണിത്. മരപ്പടികള്‍ക്ക് പെയിന്റടിക്കലാണ് പ്രധാന ജോലി. മലയാളികളാരും ഇവിടെ ജോലി ചെയ്യുന്നില്ല. ഞായറാഴ്ച പുലര്‍ച്ചെ 4.17ഓടെയാണ് സംഭവമെന്ന് സിവില്‍ ഡിഫന്‍സ് വൃത്തങ്ങള്‍ …