ഫിലഡല്‍ഫിയ: ‘ആവേമരിയ’ സ്തോത്രഗീതങ്ങളുടെയും, ജപമാലയര്‍പ്പണത്തിന്റെയും, രോഗശാന്തി പ്രാര്‍ത്ഥനകളുടെയും, ദൈവസ്തുതിപ്പു കളുടെയും, ‘ഹെയ്ല്‍ മേരി’ മന്ത്രധ്വനികളുടെയും ആത്മീയ പരിവേഷം നിറഞ്ഞുനിന്ന സ്വര്‍ഗീയസമാനമായ അന്തരീക്ഷത്തില്‍ ജര്‍മ്മന്‍ടൗണ്‍ മിറാക്കുലസ് മെഡല്‍ തീര്‍ത്ഥാടനകേന്ദ്രത്തില്‍ വേളാങ്കണ്ണി ആരോഗ്യമാതാവിന്റെ തിരുനാള്‍ ആഘോഷിച്ചു. വേളാങ്കണ്ണിയിലെ ആരോഗ്യ മാതാവിന്റെ തിരുസ്വരൂപം സ്ഥിരപ്രതിഷ്ഠ നേടിയിരിക്കുന്ന ജര്‍മ്മന്‍ടൗണ്‍ മിറാക്കുലസ് മെഡല്‍ തീര്‍ത്ഥാടനകേന്ദ്രത്തില്‍ പരിശുദ്ധകന്യാമറിയത്തിന്റെ ജനനത്തിരുനാളും, വേളാങ്കണ്ണിആരോഗ്യ മാതാവിന്റെ തിരുനാളും ഭക്തിപുരസ്സരം ആഘോഷിക്കപ്പെട്ടു. ഷിക്കാഗോ സെ.തോമസ് സീറോമലബാര്‍ രൂപതാ മുന്‍ വികാരിജനറാളൂം, മുന്‍മതബോധന ഡയറക്ടറും, എം. എസ്. റ്റി. സഭയുടെ അമേരിക്കയിലെ ഡയറക്ടറുമായ റവ. ഫാ. ആന്റണി തുണ്ടത്തില്‍ തിരുക്കര്‍മ്മങ്ങള്‍ക്കു …

ആല്‍ബനി (ന്യൂയോര്‍ക്ക്):ആല്‍ബനിയിലെ മലയാളി സംഘടനയായ ക്യാപിറ്റല്‍ ഡിസ്ട്രിക്റ്റ് മലയാളി അസ്സോസിയേഷന്റെ ഈ വര്‍ഷത്തെ ഓണം സെപ്റ്റംബര്‍ 16 ശനിയാഴ്ച വിവിധ കലാപരിപാടികളോടെ ആഘോഷിക്കുന്നു. ഉച്ചയ്ക്ക് 12:00 മണിമുതല്‍ വൈകിട്ട് 5:00 മണിവരെ ലിഷാകില്‍ മിഡില്‍ സ്‌കൂള്‍ (68 വാട്ടര്‍മാന്‍ അവന്യൂ, ആല്‍ബനി, ന്യൂയോര്‍ക്ക് 12205) ഓഡിറ്റോറിയത്തിലാണ് ‘ഓണം പൊന്നോണം’ എന്ന പേരിലുള്ള ആഘോഷങ്ങള്‍ അരങ്ങേറുന്നത്. മുന്‍ വര്‍ഷങ്ങളില്‍ നിന്ന് വ്യത്യസ്തമായി പരമ്പരാഗത രീതിയില്‍ തൂശനിലയിലാണ് ഓണസദ്യ വിളമ്പുന്നതെന്ന് സെക്രട്ടറി മിലന്‍ അജയ് പറഞ്ഞു.

സിഡ്നി: ഭാഷയ്ക്കും മൂല്യങ്ങള്‍ക്കും മൂല്യച്യുതി സംഭവിക്കുന്നുവെന്ന ധാരണ നിലനില്‍ക്കുമ്പോഴും പുതു തലമുറ ഏറെ പ്രതീക്ഷ നല്‍കുന്നുവെന്ന് പ്രശസ്ത കവി മുരുകന്‍ കാട്ടാക്കട. സിഡ്നി സാഹിത്യവേദി സംഘടിപ്പിച്ച കാവ്യസന്ധ്യയില്‍ സംസാരിക്കുകയായിരുന്നു അദ്ദേഹം. സിഡ്നിയില്‍ നടന്ന കാവ്യസന്ധ്യ മലയാള ഭാഷയുടെ ആഘോഷമാണ്. ഭാഷയുടെ മൂല്യങ്ങളെക്കുറിച്ച് ചിന്തിക്കുകയും പ്രവര്‍ത്തിക്കുകയും ചെയ്യുന്ന ഇത്തരം കൂട്ടായ്മകള്‍ ഭാഷയ്ക്ക് വലിയ സംഭാവനയാണ് നല്‍കുന്നതെന്ന് അദ്ദേഹം പറഞ്ഞു. കാവ്യസന്ധ്യയില്‍ ജേക്കബ് തോമസ്, ജയിംസ് ചാക്കോ, സന്തോഷ് ജോസഫ് എന്നിവര്‍ സംസാരിച്ചു. സുഹറ ഫൈസല്‍ മുരുകന്‍ കാട്ടാക്കടയുടെ ‘സൂര്യകാന്തി നോവ്’ എന്ന കവിത അവതരിപ്പിച്ചു.  

റോക്ലാന്‍ഡ്: റോക്ലാന്‍ഡിലും പരിസരത്തുമുള്ള വിവിധ ഓര്‍ത്തഡോക്‌സ് ദേവാലയങ്ങളുടെ നേതൃത്വത്തില്‍ സഫേണ്‍ സെന്റ് മേരീസ് ഓര്‍ത്തഡോക്‌സ് ദേവാലയത്തില്‍ നടത്തിയ സംയുക്ത ഓര്‍ത്തഡോക്‌സ് വെക്കേഷന്‍ ബൈബിള്‍ സ്‌കൂള്‍ (ഒവിബിഎസ്) വിജയമായി. സെന്റ് മേരീസ് ഇന്ത്യന്‍ ഓര്‍ത്തഡോക്‌സ് ഇടവക, സഫേണ്‍ സെന്റ് ജോണ്‍സ് ഓര്‍ത്തഡോക്‌സ് ഇടവക,(ഓറഞ്ച്ബര്‍ഗ്), സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് ഓര്‍ത്തഡോക്‌സ് ഇടവക(സ്പാര്‍കില്‍), സെന്റ് ഗ്രിഗോറിയോസ് ഓര്‍ത്തഡോക്‌സ് ഇടവക(ഡച്ചസ് കൗണ്ടി) എന്നീ ദേവാലയങ്ങളില്‍ നിന്നുള്ള 125 ഓളം കുട്ടികള്‍ ജൂലായ് 28, 29, 30 തീയതികളില്‍ നടന്ന ഒവിബിഎസില്‍ സജീവമായി പങ്കെടുത്തു.സമാപനയോഗത്തില്‍ നോര്‍ത്ത് ഈസ്റ്റ് അമേരിക്കന്‍ …

വാഷിങ്ടണ്‍ : അമേരിക്കയിലെ സുരക്ഷിതത്വത്തേക്കുറിച്ച് ഇന്ത്യന്‍ വിദ്യാര്‍ത്ഥികള്‍ക്ക് ആശങ്കയെന്ന് റിപ്പോര്‍ട്ട്. പ്രസിഡന്റ് ഡൊണാള്‍ഡ് ട്രംപിന്റെ സ്ഥാനാരോഹണത്തിന് ശേഷമുണ്ടായ സ്ഥിതിഗതികളാണ് വിദ്യാര്‍ത്ഥികളെ ആശങ്കയിലാക്കിയിരിക്കുന്നത്. ഇന്‍സ്റ്റിസ്റ്റ്യൂട്ട് ഓഫ് ഇന്റര്‍നാഷണല്‍ എജ്യുക്കേഷന്റെ (ഐ.ഐ.ഇ. ) സര്‍വ്വേ റിപ്പോര്‍ട്ടിലാണ് ഇന്ത്യന്‍ വിദ്യാര്‍ത്ഥികള്‍ ഇക്കാര്യം വ്യക്തമാക്കുന്നത്. പശ്ചിമേഷ്യന്‍ രാജ്യങ്ങളില്‍ നിന്നുള്ള വിദ്യാര്‍ത്ഥികളാണ് അമേരിക്കയിലെ സുരക്ഷത്വത്തെ കുറിച്ച് ഏറ്റവും അധികം ആശങ്ക രേഖപ്പെടുത്തിയിരിക്കുന്നത്. തൊട്ടുപിന്നിലാണ് ഇന്ത്യന്‍ വിദ്യാര്‍ത്ഥികള്‍.ട്രംപ് മുസ്ലിം രാജ്യങ്ങളിലെ വിദ്യാര്‍ത്ഥികള്‍ അമേരിക്കയില്‍ ഉപരിപഠനം നടത്തുന്നത് താല്‍കാലികമായി തടഞ്ഞുവെച്ചിരുന്നു. ഈ വിഷയത്തില്‍ സുപ്രീം കോടതി തീരുമാനം വരുന്നതു വരെ വിദ്യാര്‍ത്ഥികള്‍ക്ക് പ്രവേശനം നല്‍കുന്നത് …