ചെന്നൈ: തമിഴ്നാട്ടില്‍ തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ വിജയം കൊയ്ത് ഡിഎംകെ. പത്തു വര്‍ഷത്തിന് ശേഷം സംസ്ഥാനത്ത് നടന്ന തദ്ദേശ സ്വയംഭരണ തിരഞ്ഞെടുപ്പില്‍ മുഖ്യ എതിരാളികളായ എഐഎഡിഎംകെ കയ്യടക്കി വച്ച വടക്കന്‍ തമിഴ്നാട്ടിലെ 75 ശതമാനം സീറ്റുകളും ഡിഎംകെ സ്വന്തമാക്കി. ഒന്‍പതു മാസത്തെ സ്റ്റാലിന്‍ ഭരണത്തിന് ലഭിച്ച പ്രതിഫലമാണ് ഈ വിജയമെന്ന് ഡിഎംകെ പ്രവര്‍ത്തകര്‍ പറഞ്ഞു. കഴിഞ്ഞ കൊല്ലം നടന്ന നിയമസഭാ തിരഞ്ഞെടുപ്പില്‍ വടക്കന്‍ തമിഴ്നാടിന് കീഴിലെ കോയമ്പത്തൂര്‍ പ്രദേശത്തെ പത്തു സീറ്റുകളും എഐഎഡിഎംകെ തൂത്തുവാരിയിരുന്നു. ഇതുവരെ പുറത്തുവന്ന ഫലം പ്രകാരം 425 വാര്‍ഡുകളില്‍ …

ന്യൂഡല്‍ഹി: രാജ്യത്ത് വ്യോമഗതാഗതം ഉടന്‍ സാധാരണനിലയിലേക്ക് മടങ്ങുമെന്ന് റിപ്പോര്‍ട്ടുകള്‍. അന്താരാഷ്ട്ര യാത്രക്കാര്‍ക്കുള്ള കടുത്തനിയന്ത്രണങ്ങളും അന്താരാഷ്ട്ര യാത്രകള്‍ക്കുള്ള വിലക്കും മാര്‍ച്ച് അവസാനത്തോടെയോ ഏപ്രില്‍ ആദ്യ വാരത്തോടുകൂടിയോ പിന്‍വലിക്കുമെന്ന് ഇതുമായി ബന്ധപ്പെട്ട അടുത്ത വൃത്തങ്ങളെ ഉദ്ധരിച്ച് സി.എന്‍.ബി.സി ടി.വി18 റിപ്പോര്‍ട്ട് ചെയ്തു അതേസമയം ഇതുസംബന്ധിച്ച ഔദ്യോഗിക പ്രതികരണങ്ങള്‍ പുറത്തുവന്നിട്ടില്ല. ഇന്ത്യയിലേക്കുളള ഏതാനും അന്താരാഷ്ട്ര വിമാനങ്ങള്‍ക്കുള്ള വിലക്ക് നിലവില്‍ ഫെബ്രുവരി 28 വരെയാണുള്ളത്. കോവിഡ് പശ്ചാത്തലത്തില്‍ 2020 മാര്‍ച്ച് 23 മുതലാണ് ഇന്ത്യ അന്താരാഷ്ട്ര യാത്രകള്‍ക്ക് വിലക്കേര്‍പ്പെടുത്തിയത്. അതേസമയം 2020 ജൂലൈ മുതല്‍ 40 രാജ്യങ്ങളുമായി എയര്‍ ബബിള്‍ …

ചണ്ഡിഗഡ്: പഞ്ചാബില്‍ ക്ഷേത്ര ദര്‍ശനം നടത്താനുള്ള സൗകര്യം സര്‍ക്കാര്‍ ഒരുക്കിയില്ലെന്ന് പ്രധാനമന്ത്രി നരേന്ദ്ര മോദി. ത്രിപുരമാലിനി ദേവി ശക്തി ക്ഷേത്ര ദര്‍ശനം നടത്താന്‍ ആഗ്രഹിച്ചുവെന്നും എന്നാല്‍ ഇതിനുള്ള സുരക്ഷ ഒരുക്കാന്‍ ഭരണകൂടവും പോലീസും തയ്യാറായില്ലെന്നും മോദി ജലന്ധറില്‍നടന്ന പൊതു പരിപാടിയില്‍ ആരോപിച്ചു. ജനുവരി അഞ്ചിന് പഞ്ചാബില്‍ സുരക്ഷാ വീഴ്ച്ചയുണ്ടായ ശേഷം ഇതാദ്യമായാണ് സംസ്ഥാനത്ത് പ്രധാനമന്ത്രി തിരഞ്ഞെടുപ്പ് റാലിയില്‍ പങ്കെടുക്കുന്നത്. ‘ഈ പരിപാടിക്ക് ശേഷം എനിക്ക് ത്രിപുരമാലിനി ദേവി ശക്തി ക്ഷേത്രത്തില്‍ ദര്‍ശനം നടത്തണമെന്നുണ്ടായിരുന്നു. എന്നാല്‍ ഭരണകൂടവും പോലീസും പറയുന്നത് അതിനുള്ള സംവിധാനം ഒരുക്കാന്‍ സാധിക്കില്ലെന്നാണ്. …

ചെന്നൈ: മലയാളിയായ എസ്.സോമനാഥ് ഐഎസ്ആര്‍ഒ ചെയര്‍മാനായി ചുമതലയേറ്റ ശേഷമുള്ള ആദ്യ ബഹിരാകാശ ദൗത്യം പിഎസ്എല്‍വി സി52 തിങ്കളാഴ്ച പുലര്‍ച്ചെ 05.59ന് വിക്ഷേപിച്ചു. ഐഎസ്ആര്‍ഒയുടെ ഈ വര്‍ഷത്തെ ആദ്യ ഉപഗ്രഹ വിക്ഷേപണ ദൗത്യം കൂടിയാണിത്. ശ്രീഹരിക്കോട്ടയിലെ സതീഷ് ധവാന്‍ ബഹിരാകാശ കേന്ദ്രത്തില്‍നിന്നാണ് പിഎസ്എല്‍വി സി-52 വിക്ഷേപിച്ചത്. ഭൗമ നിരീക്ഷണ ഉപഗ്രഹമായ ഇഒഎസ് – 04, ഇന്‍സ്പയര്‍സാറ്റ് – 1, ഇന്ത്യ- ഭൂട്ടാന്‍ സംയുക്ത സംരംഭമായ ഐഎന്‍എസ് 2 ടിഡി എന്നീ ഉപഗ്രഹങ്ങള്‍ ദൗത്യത്തിന്റെ ഭാഗമായി ബഹിരാകാശത്തെത്തും. ദൗത്യത്തിലെ പ്രധാന ഉപഗ്രഹമായ ഇഒഎസ്-04, 529 കിലോമീറ്റര്‍ അകലെയുള്ള …

ന്യൂഡല്‍ഹി: വിദേശത്തുനിന്നു വരുന്നവര്‍ക്കുള്ള പുതുക്കിയ കോവിഡ് മാര്‍ഗരേഖ നിലവില്‍ വന്നു. ക്വാറന്റീനും 8-ാം ദിവസമുള്ള ആര്‍ടിപിസിആര്‍ പരിശോധനയും ഒഴിവാക്കി. റിസ്‌ക് രാജ്യങ്ങളുടെ പട്ടികയും പിന്‍വലിച്ചു. ക്വാറന്റീനു പകരം 14 ദിവസത്തെ സ്വയം നിരീക്ഷണം മതിയാകും. യാത്രയ്ക്ക് 72 മണിക്കൂറിനു മുന്‍പ് എടുത്ത ആര്‍ടിപിസിആര്‍ ഫലം എയര്‍ സുവിധ പോര്‍ട്ടലില്‍ അപ്‌ലോഡ് ചെയ്യുന്നതിനു പകരം 2 ഡോസ് വാക്‌സീന്‍ സ്വീകരിച്ച സര്‍ട്ടിഫിക്കറ്റ് അപ്‌ലോഡ് ചെയ്യാം. റിസ്‌ക് രാജ്യങ്ങളില്‍നിന്നു വരുന്നവര്‍ ഇന്ത്യയിലെ വിമാനത്താവളങ്ങളില്‍ സാംപിള്‍ നല്‍കേണ്ടതില്ല. രാജ്യാന്തര യാത്രക്കാരില്‍ 2 ശതമാനത്തെ റാന്‍ഡം സാംപ്ലിങ്ങിനു വിധേയമാക്കും. 5 …

ന്യൂഡല്‍ഹി: യുപിയിലെ 55 മണ്ഡലങ്ങള്‍ക്കു പുറമേ ഗോവ, ഉത്തരാഖണ്ഡ് സംസ്ഥാനങ്ങളിലും വോട്ടെടുപ്പ് ആരംഭിച്ചു. യുപിയിലെ രണ്ടാംഘട്ട തിരഞ്ഞെടുപ്പാണിത്. ഗോവയിലും ഉത്തരാഖണ്ഡിലും ഒറ്റഘട്ടമാണ്. യുപിയില്‍ ഈ റൗണ്ടില്‍ 9 ജില്ലകളിലായി 586 സ്ഥാനാര്‍ഥികളാണ് ജനവിധി തേടുന്നത്. സമാജ്വാദി പാര്‍ട്ടി നേതാവ് അബ്ദുല്ല അസംഖാന്‍, യുപി ധനമന്ത്രി സുരേഷ് കുമാര്‍ ഖന്ന എന്നിവരാണ് ഈ റൗണ്ടില്‍ മത്സരിക്കുന്ന പ്രമുഖര്‍. കഴിഞ്ഞ തിരഞ്ഞെടുപ്പില്‍ ഈ 55 സീറ്റുകളില്‍ 38 എണ്ണവും ബിജെപിയാണ് വിജയിച്ചത്. 15 എണ്ണം എസ്പിയും രണ്ടെണ്ണം കോണ്‍ഗ്രസും. സമാജ്വാദി പാര്‍ട്ടിയില്‍ ചേര്‍ന്ന ബിജെപി മന്ത്രി ധരം …

ചെന്നൈ: തമിഴ്നാട്ടില്‍ കോവിഡ് മൂന്നാംവ്യാപനം അവസാനിച്ചതായി സര്‍ക്കാര്‍ വിലയിരുത്തല്‍. സംസ്ഥാനത്ത് ഒമിക്രോണിനെത്തുടര്‍ന്നുള്ള രോഗവ്യാപനത്തിന് ശമനമായെന്ന് കരുതുന്നതായി ആരോഗ്യമന്ത്രി എം. സുബ്രഹ്മണ്യന്‍ പറഞ്ഞു. എന്നാല്‍ മുന്‍കരുതല്‍ നടപടികള്‍ തുടരുമെന്നും വാക്‌സിന്‍ കുത്തിവെപ്പ് ഊര്‍ജിതമായി നടത്തുമെന്നും മന്ത്രി അറിയിച്ചു. പ്രതിദിന കോവിഡ് രോഗികളുടെ എണ്ണം 30,000-ല്‍ നിന്ന് 3,000 ആയി കുറഞ്ഞതിനാലാണ് രോഗവ്യാപനം ശമിക്കുന്നുവെന്ന് വിലയിരുത്തുന്നത്. ടെസ്റ്റ് പോസ്റ്റിവിറ്റി നിരക്ക് മൂന്ന് ശതമാനത്തോളമാണ്. മുമ്പ് 20 ശതമാനമായി പോസിറ്റിവിറ്റി ഉയര്‍ന്നിരുന്നു. ജനുവരി ആദ്യവാരത്തിലാണ് തമിഴ്നാട് സര്‍ക്കാര്‍ സംസ്ഥാനത്ത് കോവിഡ് മൂന്നാംവ്യാപനം സ്ഥിരീകരിച്ചത്. അതിനുശേഷം രണ്ടാഴ്ചയിലേറെ അതിവ്യാപനം തുടരുകയായിരുന്നു. …

ലഖ്നൗ: കോണ്‍ഗ്രസ് നേതാക്കളായ രാഹുല്‍ ഗാന്ധിക്കും പ്രിയങ്കാ ഗാന്ധിക്കുമെതിരേ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. ഗാന്ധി കുടുംബത്തിലുള്ള നാലുപേരെ പാര്‍ലമെന്റിലേക്ക് അയച്ചത് ഉത്തര്‍പ്രദേശുകാരാണ്. എന്നാല്‍ കേരളത്തില്‍ എത്തുമ്പോള്‍ പ്രിയങ്കയും രാഹുലും ഉത്തര്‍പ്രദേശിനെ നിശിതമായി വിമര്‍ശിക്കുന്ന സമീപനമാണ് സ്വീകരിക്കുന്നതെന്നും യോഗി കുറ്റപ്പെടുത്തി. വിദേശത്ത് പോകുമ്പോള്‍ രാഹുലും പ്രിയങ്കയും ഇന്ത്യയെ വിമര്‍ശിക്കുകയും രാജ്യത്തിന് നേരേ വിരല്‍ ഉയര്‍ത്തുകയും ചെയ്യുന്നുവെന്നും യോഗി വിമര്‍ശിച്ചു. ഉത്തര്‍പ്രദേശില്‍ നടന്ന തിരഞ്ഞെടുപ്പ് പ്രചാരണ യോഗത്തിനിടെയാണ് യോഗിയുടെ പ്രതികരണം. രാഹുലിനും പ്രിയങ്കയ്ക്കും ഇന്ത്യക്കാരില്‍ വിശ്വാസമില്ലാതായി. അതുകൊണ്ടാണ് വിദേശ രാജ്യങ്ങള്‍ സന്ദര്‍ശിക്കുമ്പോള്‍ ഇരുവരും സ്വന്തം രാജ്യത്തിനെതിരേ …

അഹമ്മദാബാദ്: ഗുജറാത്തിലെ കച്ചിയില്‍ സമുദ്രാതിര്‍ത്തിയില്‍ നിന്ന് പതിനൊന്ന് പാകിസ്താന്‍ ബോട്ടുകള്‍ പിടികൂടി. ബിഎസ്എഫിന്റെ തിരച്ചിലിലാണ് 11 പാക് ബോട്ടുകള്‍ പിടികൂടിയത്. ചതുപ്പ് നിലങ്ങളില്‍ ഒളിഞ്ഞിരിക്കുന്ന പാക് സ്വദേശികള്‍ എന്ന് കരുതപ്പെടുന്ന മത്സ്യത്തൊഴിലാളികള്‍ക്ക് വേണ്ടിയുള്ള തിരച്ചില്‍ തുടരുകയാണ്. 300 ചതുരശ്ര കിലോ മീറ്ററില്‍ ബിഎസ്എഫ് തിരച്ചില്‍ ശക്തമാക്കി. ഗുജറാത്തിലെ കച്ച് മേഖലയില്‍ പാക് മത്സ്യബന്ധന ബോട്ടുകളും മത്സ്യത്തൊഴിലാളികളുടേയും നുഴഞ്ഞു കയറ്റം ഇന്നലെ കണ്ടെത്തിയിരുന്നു. ഇതിന് പിന്നാലെയാണ് ബിഎസ്എഫിന്റെ നേതൃത്വത്തില്‍ വലിയ തോതിലുള്ള തിരച്ചില്‍ നടത്തിയത്. ചതുപ്പ് നിലയങ്ങളിലാണ് പാക് സ്വദേശികള്‍ ഒളിച്ചിരിക്കുന്നതെന്നാണ് വിവരം. വ്യോമ സേനയുടെ …

ന്യൂഡല്‍ഹി: സിര്‍വര്‍ലൈന്‍ പദ്ധതിക്ക് പാരിസ്ഥിതിക അനുമതി ആവശ്യമില്ലെന്നു കേന്ദ്ര സര്‍ക്കാര്‍. പരിസ്ഥിതി അനുമതിക്കായി അപേക്ഷകളൊന്നും ലഭിച്ചിട്ടില്ല. പ്രാഥമിക പരിസ്ഥിതി ആഘാത പരിശോധന നടത്തിയെന്ന് കെറയില്‍ അറിയിച്ചിട്ടുണ്ട്. പദ്ധതിക്കെതിരെ വനം, പരിസ്ഥിതി മന്ത്രാലയത്തിന് പരാതി ലഭിച്ചിട്ടുണ്ടെന്നും കേന്ദ്രം അറിയിച്ചു. അതേസമയം, സില്‍വര്‍ലൈന്‍ സര്‍വേയ്ക്ക് വീണ്ടും ഹൈക്കോടതി വിമര്‍ശനം. സില്‍വര്‍ലൈന്‍ സര്‍വേയുടെ ഉദ്ദേശം മനസിലാകുന്നില്ലെന്ന് ഹൈക്കോടതി പരാമര്‍ശിച്ചു. സര്‍വേയ്ക്ക് അധികാരമുണ്ടെന്ന് കരുതി എന്തും ചെയ്യാമോ എന്നും കോടതി ചോദിച്ചു. ജനങ്ങളെ ഭയപ്പെടുത്തരുതെന്നും കോടതി പറഞ്ഞു. സര്‍വേ നിയമപ്രകാരമാണോ എന്നത് മാത്രമാണ് കോടതിയുടെ ആശങ്ക. ഡിപിആറിന് മുമ്പ് ശരിയായ …