വാഷിംഗ്ടണ്‍: വാഷിംഗ്ടണില്‍ ഇന്ത്യന്‍ സോഫ്റ്റ്വെയര്‍ എന്‍ജിനീയറിംഗ് വിദ്യാര്‍ഥി കുത്തേറ്റു മരിച്ചു. മൂന്നാം വര്‍ഷ വിദ്യാര്‍ഥിയും പഞ്ചാബ് ജലന്ധര്‍ സ്വദേശിയുമായ ഗഗന്‍ദീപ് സിംഗാണ് കൊല്ലപ്പെട്ടത്. കഴിഞ്ഞ തിങ്കളാഴ്ചയാണ് ഗഗന്‍ദീപിന് കുത്തേറ്റത്. സര്‍വകലാശാലയില്‍ പ്രവേശനം ലഭിക്കാതിരുന്ന 19 കാരനായ ജേക്കബ് കോള്‍മാന്‍ എന്ന അമേരിക്കന്‍ വിദ്യാര്‍ഥിയാണ് ഗഗന്‍ദീപിനെ കൊലപ്പെടുത്തിയത്. പഠിക്കുന്നതിനൊപ്പം ടാക്സി ഡ്രൈവറായി ജോലി ചെയ്യുകയായിരുന്നു ഗഗന്‍ദീപ്. വാഷിംഗ്ടണിലെ സ്പോകെയ്ന്‍ വിമാനത്താവളത്തില്‍ നിന്ന് ജേക്കബ് കോള്‍മാന്‍ കാറില്‍ കയറി. ആളൊഴിഞ്ഞ സ്ഥലത്ത് കാര്‍ എത്തിയപ്പോള്‍ ഗഗന്‍ദീപിനെ കോള്‍മാന്‍ പലതവണ കുത്തുകയായിരുന്നു. ഗുരുതരമായി പരുക്കേറ്റ ഗഗന്‍ദീപിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. …

മനാമ: തിരുവനന്തപുരം വട്ടിയൂര്‍ക്കാവ് സ്വദേശി സന്തോഷ് കുമാര്‍ (53)ബഹ്റൈനില്‍ മരിച്ചു. ഞായറാഴ്ച പുലര്‍ച്ചെ സല്‍മാബാദിലെ താമസ സ്ഥലത്താമ് മരിച്ച നിലയില്‍ കണ്ടെത്തിയത്. ശനിയാഴ്ച രാത്രി ജോലിസ്ഥലത്തു നിന്ന് മടങ്ങി വന്ന് കിടന്നതായിരുന്നു. പിറ്റേന്നു രാവിലെ ജോലിസ്ഥലത്തു എത്താത്തതിനെ തുടര്‍ന്നുള്ള അന്വേഷണത്തിലാണ് മുറി അകത്തു നിന്ന് അടച്ച രീതിയില്‍ കണ്ടത്. തുടര്‍ന്ന് പോലീസില്‍ അറിയിച്ചശേഷം വാതില്‍ തുറന്നപ്പോഴാണ് മരിച്ച നിലയില്‍ കണ്ടെത്തിയത്. സല്‍മാബാദില്‍ അല്ഹസ എന്ന പേരില്‍ ഗ്യാരേജ് നടത്തി വരികയായിരുന്ന ഇദ്ദേഹം. കുടുംബ സമേതമാണ് താമസിച്ചിരുന്നത്. ഭാര്യ വിമലാ ദേവി അവധിക്ക് നാട്ടിലേയ്ക്ക് പോയതാണ്. …

കുവൈത്ത്: പ്രശസ്ത ഗായകന്‍ ഹുസൈന്‍ ജാസിം (73) നിര്യാതനായി. 1970കളിലും 1980കളിലും ശ്രദ്ധേയമായ ഗാനങ്ങളിലൂടെ കുവൈത്തിലെ സംഗീത ലോകത്ത് നിറഞ്ഞുനിന്ന വ്യക്തിത്വമാണ് അദ്ദേഹം. വിവിധ വിദ്യാലയങ്ങളില്‍ സംഗീതാധ്യാപകനായും ഹെഡ്മാസ്റ്റര്‍ ആയും പ്രവര്‍ത്തിച്ചിട്ടുണ്ട്. അല്‍പകാലം സംഗീത മേഖലയില്‍നിന്ന് വിട്ടുനിന്ന അദ്ദേഹം 1991ല്‍ ഇറാഖിന്റെ അധിനിവേശത്തില്‍നിന്നു കുവൈത്തിന്റെ മോചനവുമായി ബന്ധപ്പെട്ട ആഘോഷ ഗാനങ്ങളുമായി തിരിച്ചുവരികയായിരുന്നു.  

മസ്‌കത്ത്: ഒമാനില്‍ കാറും ട്രെയിലറും കൂട്ടിയിടിച്ചുണ്ടായ അപകടത്തില്‍ മലയാളിയടക്കം മൂന്നു പേര്‍ മരിച്ചു. തൃശൂര്‍ ചേര്‍പ്പ് സ്വദേശി പ്രദീപ് കുമാറാണ് (45) മരിച്ചത്. മരിച്ച മറ്റ് രണ്ടുപേര്‍ പാക്കിസ്താന്‍ സ്വദേശികളാണ്.മസ്‌കത്തില്‍ നിന്ന് ഏകദേശം അഞ്ഞൂറിലധികം കിലോമീറ്റര്‍ ദൂരെ ഹൈമക്കടുത്ത മുഹൈസിനയില്‍ തിങ്കളാഴ്ച രാവിലെയാണ് അപകടമുണ്ടായത്. മസ്‌കത്തിനടുത്ത വാദി കബീറില്‍ അലൂമിനിയം ഇന്‍സ്റ്റലേഷന്‍ സ്ഥാപനം നടത്തി വരുകയായിരുന്നു പ്രദീപും സഹപ്രവര്‍ത്തകരും. ജോലി ആവശ്യാര്‍ഥം പോകവേയാണ് അപകടമുണ്ടായത്  

ഫീട്ടൗണ്‍: പടിഞ്ഞാറന്‍ ആഫ്രിക്കന്‍ രാജ്യമായ സിയെറാ ലിയോണിന്റെ തലസ്ഥാനമായ ഫ്രീട്ടൗണില്‍ പ്രളയത്തിലും മണ്ണിടിച്ചിലിലും 312 പേര്‍ മരിച്ചു. റെഡ്ക്രോസ് വക്താവ് പാട്രിക് മസക്കായിയാണ് ഇക്കാര്യം അറിയിച്ചത്. മരണസംഖ്യ ഇനിയും ഉയര്‍ന്നേക്കാം. രണ്ടായിരത്തിലേറെ പേര്‍ക്ക് വീടുനഷ്ടപ്പെട്ടതായി ദുരന്തനിവാരണസേനാ അധികൃതര്‍ അറിയിച്ചു. 180 പേരുടെ മൃതദേഹങ്ങള്‍ ലഭിച്ചിട്ടുണ്ട്. മരിച്ചതിലേറെയും കുട്ടികളാണ്. നൂറിലേറെ പേര്‍ ഇപ്പോഴും തകര്‍ന്നുവീണ കെട്ടിടാവശിഷ്ടങ്ങള്‍ ക്കിടയിലാണെന്ന് സിയെറാ ലിയോണ്‍ വൈസ് പ്രസിഡന്റ് വിക്ടര്‍ ഫോ പറഞ്ഞു. അപകടസ്ഥലത്തുനിന്ന് ജനങ്ങളെ ഒഴിപ്പിക്കാനുള്ള ശ്രമങ്ങളാണ് നടക്കുന്നതെന്നും അദ്ദഹം പറഞ്ഞു. മൃതദേഹങ്ങള്‍ സംസ്‌കരിക്കാന്‍ ആവശ്യത്തിനുള്ള സൗകര്യങ്ങളില്ലെന്നും പരാതിയുയരുന്നുണ്ട്.