ബെഡ്ഫോഡ്ഷെയര്: യുകെ മലയാളികള്ക്ക് നൊമ്പരമായി ബെഡ്ഫോഡ്ഷെയര് ലൂട്ടനില് പത്തനംതിട്ട മൈലപ്ര സ്വദേശിയുടെ ആകസ്മിക മരണം. ബെക്കിങ്ഹാംഷെയറിലെ സ്റ്റോക് മണ്ടേവില്ലേ എന്എച്ച്എസ് ഹോസ്പിറ്റലിലെ ജീവനക്കാരനും പൊതുപ്രവര്ത്തകനുമായ ജിജി മാത്യൂസ് (56) ആണ് മരിച്ചത്. രാത്രി ഉറങ്ങാന് കിടന്ന ജിജിക്ക് പുലര്ച്ചെ ഒരു മണിയോടെ ശാരീരിക അസ്വസ്ഥത അനുഭവപ്പെടുകയായിരുന്നു. നെഞ്ചു വേദനയെ തുടര്ന്ന് സ്ഥിതി വഷളാകുന്നത് മനസിലാക്കിയ ഉടന് വീട്ടുകാര് ആംബുലന്സ് സേവനം തേടി. ആംബുലന്സ് ജീവനക്കാര് നിമിഷ നേരത്തിനുള്ളില് ആശുപത്രിയില് എത്തിച്ചെങ്കിലും മരണം സംഭവിച്ചു. തുടര്ന്ന് ക്രിസ്മസ് ആഘോഷത്തിന്റെ മുഴുവന് സന്തോഷവും പൊട്ടിച്ചിരികളും നിറഞ്ഞു നിന്ന …