മനാമ: ബഹ്‌റൈന്‍ രാജാവ് ഹമദ് ബിന്‍ ഇസാ അല്‍ ഖലീഫ കോവിഡ്19 വാക്‌സീന്‍ സ്വീകരിച്ചു. ബഹ്‌റൈന്‍ ന്യൂസ് ഏജന്‍സി(ബിഎന്‍എ) ആണ് ഇക്കാര്യം റിപ്പോര്‍ട്ട് ചെയ്തത്. കോവിഡ് പ്രതിരോധത്തിന് എന്തൊക്കെ ചെയ്യാന്‍ സാധിക്കും എന്ന കാര്യത്തില്‍ പൊതുജനങ്ങള്‍ക്ക് അവബോധം സൃഷ്ടിക്കേണ്ടതുണ്ടെന്ന് രാജാവ് പറഞ്ഞു. ദേശീയ മെഡിക്കല്‍ ടാസ്‌ക് ഫോഴ്‌സിന്റെ പ്രവര്‍ത്തനം ഇക്കാര്യത്തില്‍ വലിയ സ്വാധീനമാണ് ചെലുത്തിയിട്ടുള്ളതെന്നും അദ്ദേഹം വ്യക്തമാക്കി. കോവിഡ് മുന്‍നിര പോരാളികള്‍ക്ക് അദ്ദേഹം ആശംസകള്‍ നേര്‍ന്നു. ബഹ്‌റൈനില്‍ വൈകാതെ ദേശീയ വാക്‌സീനേഷന്‍ ഡ്രൈവ് ആരംഭിക്കും.  

റിയാദ്: സൗദി അറേബ്യയിലും ബഹ്‌റൈനിലും പൊതുജനങ്ങള്‍ക്ക് കോവിഡ്19 വാക്‌സീന്‍ നല്‍കിത്തുടങ്ങി. സൗദിയില്‍ ഫൈസര്‍ കോവിഡ് വാക്‌സീന്‍ ആണ് പൊതുജനങ്ങള്‍ക്ക് നല്‍കുന്നത്. ആരോഗ്യ മന്ത്രി തൗഫീഖ് അല്‍റബീഅ ആദ്യ വാക്‌സീന്‍ സ്വീകരിച്ചു. ബഹ്‌റൈനില്‍ ഭരണാധികാരി ഹമദ് ബിന്‍ ഇസാ അല്‍ ഖലീഫ സിനോഫാം വാക്‌സീന്‍ സ്വീകരിച്ചു. ഇരുരാജ്യങ്ങളിലും സ്വദേശികള്‍ക്കും വിദേശികള്‍ക്കും വാക്‌സീന്‍ സൗജന്യമായിരിക്കും. യുഎഇയില്‍ ദിവസങ്ങള്‍ക്ക് മുന്‍പ് പൊതുജനങ്ങള്‍ക്ക് വാക്‌സീന്‍ ആരംഭിച്ചിരുന്നു. ഫൈസര്‍ വാക്‌സീന്റെ ആദ്യ ബാച്ച് രാജ്യത്ത് ഇറക്കുമതി ചെയ്തതായി അറിയിച്ചതിന് പിന്നാലെയാണ് സൗദി ആരോഗ്യമന്ത്രി തൗഫീഖ് അല്‍ റബീഅ ആദ്യ വാക്‌സീന്‍ സ്വീകരിച്ചത്. …

മനാമ:പ്രിയ നേതാവിന്റെ വിയോഗത്തില്‍ ബഹ്‌റൈനിലെ സ്വദേശികളും ഇന്ത്യക്കാരടക്കമുള്ള വിദേശികളും കേഴുന്നു. സ്വദേശികളോടെന്ന പോലെ പ്രവാസികളോടും ഏറെ സ്‌നേഹം പ്രകടിപ്പിച്ച വ്യക്തിത്വമായിരുന്നു ഇന്ന് അമേരിക്കയിലെ മയോ ക്ലിനിക് ആശുപത്രിയില്‍ അന്തരിച്ച ഷെയ്ഖ് ഖലീഫ ബിന്‍ സല്‍മാന്‍ അല്‍ ഖലീഫ രാജകുമാരന്‍. അദ്ദേഹത്തിന്റെ വിയോഗത്തില്‍ ഇന്ത്യന്‍ പ്രധാനമന്ത്രി നരേന്ദ്ര മോദിയും മറ്റു ലോക നേതാക്കളും അനുശോചിച്ചു. ബഹ്‌റൈനില്‍ രണ്ടാഴ്ചത്തെ ഔദ്യോഗിക ദുഃഖാചരണം പ്രഖ്യാപിച്ചിട്ടുണ്ട്. ബഹ്‌റൈനെ ഏറ്റവും അധികം കാലം സേവിച്ച പ്രധാനമന്ത്രിയായിരുന്നു ഷെയ്ഖ് ഖലീഫ. രാജ്യം സ്ഥാപിതമായത് മുതല്‍ അദ്ദേഹമാണ് പ്രധാനമന്ത്രി. ബഹ്‌റൈനെ ഉയരങ്ങളിലെത്തിച്ച ഭരണാധികാരി തന്റെ …

മനാമ:ബഹ്റൈന്‍ പ്രധാനമന്ത്രി പ്രിന്‍സ് ഖലീഫ ബിന്‍ സല്‍മാന്‍ അല്‍ ഖലീഫയുടെ വിയോഗത്തില്‍ ബഹ്റൈന്‍ ഒഐസിസി യൂത്ത് വിംഗ് അനുശോചനം രേഖപ്പെടുത്തി.സ്വദേശികള്‍ക്കും വിദേശികള്‍ക്കും ഒരുപോലെ പ്രിയങ്കരനായിരുന്ന പ്രധാന മന്ത്രിയുടെ വിയോഗം ബഹ്റൈന്‍ ജനതക്കും പ്രവാസി സമൂഹത്തിനും തീരാ നഷ്ടമാണ് . ബഹ്റൈന്‍ ന്റെ ഉയര്‍ച്ചക്കും ലോകത്തിനു മുന്നില്‍ രാജ്യത്തിന്റെ പേരും പ്രശസ്തിയും ഉയര്‍ത്തി നിര്‍ത്താനും ആധുനിക ബഹ്റൈനെ സൃഷ്ടിക്കുന്നതിലും രാജ്യത്ത് സമാധാന അന്തരീക്ഷം നിലനിര്‍ത്തുന്നതിനും മുഖ്യ പങ്ക് വഹിച്ച ഭരണാധികാരിയായിരുന്നു അദ്ദേഹം. ഏറ്റവും കൂടുതല്‍ കാലം പ്രധാനമന്ത്രി പദം അലങ്കരിക്കാന്‍ കഴിഞ്ഞ അപൂര്‍വ്വ വ്യക്തി എന്ന …

മനാമ: പൊതുജനങ്ങള്‍ കോവിഡ് മാര്‍ഗനിര്‍ദേശങ്ങള്‍ പാലിച്ചില്ലെങ്കില്‍ വീണ്ടും കടുത്ത നിയന്ത്രണങ്ങള്‍ ഏര്‍പ്പെടുത്തേണ്ടി വരുമെന്ന് നാഷനല്‍ ടാസ്‌ക് ഫോഴ്‌സ് മുന്നറിയിപ്പ്. നിലവില്‍ രാജ്യത്ത് രോഗം നിയന്ത്രണവിധേയമാണെന്ന് ആരോഗ്യമന്ത്രാലയം അണ്ടര്‍സെക്രട്ടറി ഡോ.വലീദ് ഖലീഫ അല്‍ മനീയ പറഞ്ഞു. നിയന്ത്രണങ്ങള്‍ ഘട്ടംഘട്ടമായി ഒഴിവാക്കി വരുകയാണ്. ഭീഷണി പൂര്‍ണമായും ഒഴിഞ്ഞുപോകാത്തതിനാല്‍ നിയന്ത്രണങ്ങള്‍ അനിവാര്യമാണ്. ഓരോ വ്യക്തിയും ഇതു സ്വന്തം ഉത്തരവാദിത്തമായി ഏറ്റെടുക്കണം. അത്യാവശ്യ കാര്യങ്ങള്‍ക്കു മാത്രമേ പുറത്തിറങ്ങാവൂ. മാസ്‌ക് ധരിക്കുകയും അകലം പാലിക്കുകയും വേണം. പരിശോധനയ്ക്കുള്ള മൊബൈല്‍ യൂണിറ്റുകള്‍ എല്ലാ മേഖലയിലുമുണ്ടെന്നും വ്യക്തമാക്കി.

സ്വന്തം ലേഖകന്‍ മനാമ : ഒഐസിസി യൂത്ത് വിംഗ് ബഹ്റൈന്‍ കമ്മിറ്റി യൂത്ത് കെയറിന്റെ ഭാഗമായി നാട്ടില്‍ പോകുവാന്‍ ടിക്കറ്റ് എടുക്കാന്‍ ബുദ്ധിമുട്ട് അനുഭവിക്കുന്ന പ്രവാസികളെ സഹായിക്കുന്നതിനായി നല്‍കുന്ന 13 ടിക്കറ്റില്‍ നാലാമത്തെയും അഞ്ചാമത്തേയും ടിക്കറ്റുകള്‍ കൈമാറി. തിരുവനന്തപുരം സ്വദേശികളയാ രണ്ട് പേര്‍ക്കാണ് ടിക്കറ്റ് നല്‍കിയത്. ശാരീരിക അവശതമൂലം കഷ്ടതയിലായ ഒരു വ്യക്തിയും, ജോലി നഷ്ടപ്പെട്ടു ബുദ്ധിമുട്ട് നേരിട്ട മറ്റൊരു വ്യക്തിക്കുമാണ് ടിക്കറ്റ് നല്‍കിയത്. ദിവസങ്ങള്‍ക്കു മുന്‍പ് ബഹ്റൈന്‍ ല്‍ നിന്ന് കോഴിക്കോട്ടേക്ക് പോയ മൂന്ന് യാത്രക്കാര്‍ക്ക് ഒഐസിസി യൂത്ത് വിംഗ് ടിക്കറ്റുകള്‍ നല്‍കിയിരുന്നു. …

ബഹ്റൈന്‍ : കോവിഡ്19ന്റെ പശ്ചാത്തലത്തില്‍ നാട്ടിലേക്ക് പോകാന്‍ സാമ്പത്തിക ബുദ്ധിമുട്ടു അനുഭവയ്ക്കുന്ന പത്തു പേര്‍ക്ക് ബഹ്റൈന്‍ ഒഐസിസി യൂത്ത് വിങ് വിമാന ടിക്കറ്റുകള്‍ നല്‍കും .ആദ്യഘട്ടത്തില്‍ ബഹ്റൈന്‍ എംബസിയില്‍ നിന്നു നാട്ടില്‍ പോകുവാന്‍ അനുമതി കിട്ടിയവരില്‍ നിന്നു തെരെഞ്ഞെടുക്കപ്പെട്ട സാമ്പത്തിക ബുദ്ധിമുട്ടുള്ള പത്തുപേര്‍ക്കാണ് ടിക്കറ്റുകള്‍ നല്‍കുക.യൂത്ത് കോണ്‍ഗ്രസ് സംസ്ഥാന കമ്മറ്റിയുടെ ജിസിസി യൂത്ത് കെയര്‍ പദ്ധതിയില്‍ ഉള്‍പ്പെടുത്തിയാണ് ടിക്കറ്റുകള്‍ നല്‍കുന്നതെന്ന് ഒഐസിസി യൂത്ത് വിങ് ഭാരവാഹികള്‍ അറിയിച്ചു

മനാമ: ഇന്ത്യന്‍ പ്രവാസികളെ ബഹ്‌റൈനില്‍ നിന്ന് തിരിച്ചുകൊണ്ടുപോകാനുള്ള ആദ്യ വിമാനം കൊച്ചിയിലേയ്ക്ക് പുറപ്പെട്ടു. പ്രാദേശിക സമയം വൈകിട്ട് 4.50നാണ് എയര്‍ ഇന്ത്യാ എക്‌സ്പ്രസ് വിമാനം പുറപ്പെട്ടത്. നേരത്തെ 3.30ന് പുറപ്പെടമെന്നായിരുന്നു അറിയിച്ചിരുന്നത്. ഇന്ത്യന്‍ സമയം രാത്രി 11.45ന് കൊച്ചിയില്‍ എത്തും. കോവിഡ് 19 തെര്‍മല്‍ സ്‌ക്രീനിങ് നടത്തിയാണ് യാത്രക്കാരെ വിമാനത്തില്‍ കയറ്റിയത്. സാമൂഹിക അകലം പാലിച്ചാണ് നടപടികള്‍ പൂര്‍ത്തിയാക്കുന്നത് എന്നതിനാല്‍ സാധാരണയിലും അധികം സമയം വേണ്ടിവന്നു. അഞ്ച് കൈക്കുഞ്ഞുങ്ങളടക്കം 177 പേരാണ് യാത്രക്കാര്‍. ഗര്‍ഭിണികളും രോഗികളും തൊഴിലാളികളുമടക്കം അടിയന്തരമായി നാട്ടിലേയ്ക്ക് പോകുന്നവരാണ് എല്ലാവരും. ഉച്ചയോടെ …

ബഹ്‌റൈന്‍: ഒഐസിസി യൂത്ത് വിംങ്ങും ബി.എം.ബി.എഫ് യൂത്ത് വിംഗും സംയുക്തമായി സംഘടിപ്പിച്ച ഷെയറിങ് ഈസ് കെയറിങ് പദ്ധതി പ്രകാരം ഭക്ഷണത്തിനു ബുദ്ധിമുട്ട് അനുഭവിക്കുന്ന കുടുംബങ്ങള്‍ക്കും തൊഴിലാളികള്‍ക്കുമുള്ള ഇഫ്താര്‍ കിറ്റ് വിതരണം ചെയ്തു. ബി.എം.ബി.എഫ് പ്രസിഡന്റ് ഷമീര്‍ ഹംസ, യൂത്ത് വിംഗ് പ്രസിഡന്റ് ഇബ്രാഹിം അദ്ഹം എന്നിവരുടെ നേതൃത്വത്തില്‍ 50 കുടുംബങ്ങള്‍ക്കുള്ള ഇഫ്താര്‍ കിറ്റുകളാണ് നല്‍കിയത്. കോവിഡ് 19 കാരണം ജോലി നഷ്ടമായവര്‍ക്കും സാമ്പത്തിക ബുദ്ധിമുട്ട് അനുഭവിക്കുന്ന കുടുംബങ്ങള്‍ക്കും ഭക്ഷണം എത്തിക്കുന്നതിന് വേണ്ടിയാണ് രണ്ട് യുവജന സംഘടനകള്‍ സംയുക്തമായി ഭക്ഷണ വിതരണത്തിനായി ഒരുമിച്ചു നീങ്ങുന്നത്. വരും …

മനാമ: ബഹ്‌റൈന്‍ സര്‍ക്കാരിന്റെ കോവിഡ് വിരുദ്ധ പോരാട്ടങ്ങള്‍ക്ക് ശക്തമായ പിന്തുണയേകി അല്‍നമല്‍, വികെഎല്‍ ഗ്രൂപ്പ് ഹോട്ടലുകളും കെട്ടിടങ്ങളും ചികിത്സാ സൗകര്യാര്‍ഥം വിട്ടുനല്‍കി. ഹിദ്ദില്‍ പുതുതായി നിര്‍മിച്ച എട്ടു കെട്ടിട സമുച്ചയങ്ങളും ജുഫൈറിലെ നക്ഷത്ര ഹോട്ടലുമാണ് കോവിഡ് പ്രതിരോധ പ്രവര്‍ത്തനങ്ങള്‍ക്കായി വിട്ടുനല്‍കിയതെന്ന് ചെയര്‍മാന്‍ വര്‍ഗീസ് കുര്യന്‍ അറിയിച്ചു. കേരളത്തിലെ കോവിഡ് പ്രതിരോധ പ്രവര്‍ത്തനങ്ങള്‍ക്ക് മുഖ്യമന്ത്രി പിണറായി വിജയന്റെ ദുരിതാശ്വാസ നിധിയിലേക്ക് ഒരു കോടി രൂപ സംഭാവന ചെയ്യുമെന്നും അദ്ദേഹം പറഞ്ഞു.