ന്യൂഡല്‍ഹി: മൂന്ന് സ്വകാര്യ ബാങ്കുകളുള്‍പ്പടെ രാജ്യത്തെ ബാങ്കുകള്‍ക്ക് കൂടുതല്‍ ചെറുകിട നിക്ഷേപ പദ്ധതികള്‍ സ്വീകരിക്കാന്‍ കേന്ദ്രസര്‍ക്കാറിന്റെ അനുമതി. നാഷണല്‍ സേവിങ്സ് സര്‍ട്ടിഫിക്കറ്റ്, ആവര്‍ത്തന നിക്ഷേപങ്ങള്‍, പ്രതിമാസ വരുമാന പദ്ധതി എന്നിവ പ്രകാരം നിക്ഷേപം സ്വീകരിക്കാനാണ് ബാങ്കുകള്‍ക്ക് അനുമതി നല്‍കിയിരുന്നത്. പോസ്റ്റ് ഓഫീസുകളില്‍ ലഭ്യമായിരുന്ന പദ്ധതികളാണ് ഇപ്പോള്‍ ബാങ്കുകളിലേക്കും വ്യാപിപ്പിച്ചിരിക്കുന്നത്. കേന്ദ്രസര്‍ക്കാര്‍ ഉത്തരവനുസരിച്ച് രാജ്യത്തെ പൊതുമേഖല ബാങ്കുകള്‍ക്കും എച്ച്ഡിഎഫ്സി, ഐസിഐസിഐ, ആക്സിസ് ബാങ്ക് എന്നിവയ്ക്കുമാണ് നിക്ഷേപം സ്വീകരിക്കാന്‍ അനുമതി നല്‍കിയിട്ടുള്ളത്. നിലവില്‍ പബ്ലിക് പ്രൊവിഡന്റ് ഫണ്ട്, കിസാന്‍ വികാസ് പത്ര, സുകന്യ സമൃതി അക്കൗണ്ടുകള്‍ …

ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ഓഫീസില്‍ തീപിടിത്തം. പാര്‍ലമെന്റിലെ സൗത്ത് ബ്ലോക്കില്‍ രണ്ടാം നിലയിലുള്ള 242ാം നമ്പര്‍ മുറിയില്‍ പ്രവര്‍ത്തിക്കുന്ന ഓഫീസിലാണ് തീപിടിത്തമുണ്ടായത്. പുലര്‍ച്ചെ മൂന്ന് മണിയോടെ കമ്പ്യൂട്ടര്‍ സിപിയുവില്‍ നിന്നാണ് തീ പടര്‍ന്നത്. 20മിനിറ്റിനകം തീയണച്ചെന്നാണ് വിവരം.  

ന്യൂഡല്‍ഹി: വൈക്കം സ്വദേശിനി ഹാദിയയുടെ (അഖില) മതംമാറ്റവുമായി ബന്ധപ്പെട്ട കേസില്‍ ഹൈക്കോടതിക്ക് സുപ്രീംകോടതിയുടെ വിമര്‍ശനം. ഹാദിയയുടെ വിവാഹം റദ്ദാക്കാന്‍ ഹൈക്കോടതിക്ക് എങ്ങനെ കഴിയുമെന്നു ചോദിച്ച സുപ്രീം കോടതി, ഹാദിയയ്ക്കു പറയാനുള്ളതു കേള്‍ക്കുമെന്നും വ്യക്തമാക്കി. കേസ് ഈ മാസം 30ന് വീണ്ടും പരിഗണിക്കാനായി മാറ്റി. കേസില്‍ ഹാദിയയുടെ നിലപാട് അറിയണം. അവര്‍ക്കെന്താണ് പറയാനുള്ളതെന്നു കേള്‍ക്കണം. ഹാദിയയെ തടവിലാക്കാന്‍ പിതാവ് അശോകന് കഴിയില്ല. വിവാഹവും എന്‍ഐഎ അന്വേഷണവും രണ്ടാണ് എന്നും സുപ്രീം കോടതി വാക്കാല്‍ വ്യക്തമാക്കി. വാദത്തിനിടെ, ഇരുവിഭാഗം അഭിഭാഷകരും തമ്മില്‍ വാക്കേറ്റമുണ്ടായി. ഷെഫിന്‍ ജഹാന്റെയും എന്‍ഐഎയുടെയും …

ന്യൂഡല്‍ഹി : യെമനില്‍ ഭീകരരുടെ പിടിയില്‍നിന്നു മോചിപ്പിക്കപ്പെട്ടതിനുശേഷം ആദ്യമായി ഇന്ത്യയിലെത്തിയ ഫാ.ടോം ഉഴുന്നാലില്‍ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി. മോദിയുടെ വീട്ടില്‍ വച്ചായിരുന്നു കൂടിക്കാഴ്ച. കേന്ദ്ര ടൂറിസം മന്ത്രി അല്‍ഫോന്‍സ് കണ്ണന്താനം, ജോസ് കെ. മാണി എംപി തുടങ്ങിയവര്‍ ഒപ്പമുണ്ടായിരുന്നു. റോമില്‍നിന്നുള്ള എയര്‍ ഇന്ത്യ വിമാനത്തില്‍ ഇന്നു രാവിലെയാണ് ഫാ. ടോം ഡല്‍ഹി ഇന്ദിരാഗാന്ധി രാജ്യാന്തര വിമാനത്താവളത്തില്‍ എത്തിയത്. കേന്ദ്രമന്ത്രി അല്‍ഫോണ്‍സ് കണ്ണന്താനത്തിന്റെ നേതൃത്വത്തില്‍ ഡല്‍ഹി വിമാനത്താവളത്തില്‍ ഊഷ്മള സ്വീകരണമാണ് ഒരുക്കിയത്. കേരളത്തില്‍ നിന്നുള്ള എംപിമാരും സഭാപ്രതിനിധികളും വിമാനത്താവളത്തിലെത്തിയിരുന്നു.  

അഹമ്മദാബാദ്: രാജ്യത്തിന് വലിയ നഷ്ടം വരുത്തിവെച്ച് മൈത്രീ മുതലാളിത്തമാണ് നരേന്ദ്രമോദി സര്‍ക്കാര്‍ നടപ്പിലാക്കിക്കൊണ്ടിരിക്കുന്നതെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. ഏതാനും ചില കോര്‍പറേറ്റുകള്‍ക്കുവേണ്ടിയാണ് മോദി സര്‍ക്കാര്‍ നിലകൊള്ളുന്നതെന്നും അദ്ദേഹം ആരോപിച്ചു. അഹമ്മദാബാദില്‍ കോണ്‍ഗ്രസ് പ്രവര്‍ത്തകരുടെ സമ്മേളനത്തില്‍ പ്രസംഗിക്കുകയായിരുന്നു അദ്ദേഹം. ഗുജറാത്തിലെ കര്‍ഷകരുടെ ആകെ കടം 36,000 കോടി രൂപയാണ്. ടാറ്റ നാനോയ്ക്കുവേണ്ടി 0.01 ശതമാനം പലിശയിലാണ് 60,000 കോടി രൂപ വായ്പ നല്‍കിയത്. എന്നാല്‍ ഗുജറാത്തില്‍ ആരെങ്കിലും നാനോ കാറുകള്‍ ഉപോയഗിക്കുന്നുണ്ടോ? എത്ര യുവാക്കള്‍ക്ക് ജോലി നല്‍കാന്‍ അവര്‍ക്കു സാധിച്ചു? രാഹുല്‍ ഗാന്ധി ചോദിച്ചു. …

  ന്യൂഡല്‍ഹി: കേന്ദ്രമന്ത്രി അരുണ്‍ ജെയ്റ്റ്ലി നല്‍കിയ മാനനഷ്ടക്കേസില്‍ മറുപടി നല്‍കാന്‍ വൈകിയതിന് ഡല്‍ഹി മുഖ്യമന്ത്രി അരവിന്ദ് കെജ്രിവാളിന് 5000 രൂപ പിഴ. ഡല്‍ഹി ഹൈക്കോടതിയാണ് പിഴ ചുമത്തിയത്. മാനനഷ്ടക്കേസുകളില്‍ യഥാസമയം മറുപടി നല്‍കാത്തതിന്റെ പേരില്‍ കെജ്രിവാളിനെതിരെ ഇത് രണ്ടാം തവണയാണ് കോടതി പിഴ ചുമത്തുന്നത്. നേരത്തെ ഡല്‍ഹി ഹൈക്കോടതി അദ്ദേഹത്തിന് 10,000 രൂപ പിഴ ചുമത്തിയിരുന്നു. തുറന്ന കോടതിയില്‍ നടന്ന വിചാരണയ്ക്കിടെ കെജ്രിവാളിന്റെ മുന്‍ അഭിഭാഷകന്‍ നടത്തിയ പരാമര്‍ശത്തിന്റെ പേരിലാണ് മന്ത്രി അരുണ്‍ ജെയ്റ്റ്ലി മാനനഷ്ടക്കേസ് ഫയല്‍ ചെയ്തത്. പത്ത് കോടിരൂപ നഷ്ടപരിഹാരം …

ന്യൂഡല്‍ഹി: 200 രൂപയുടെ കറന്‍സി റിസര്‍വ് ബാങ്ക് പുറത്തിറക്കി.റിസര്‍വ് ബാങ്കിന്റെ ഡല്‍ഹി, മുംബൈ, കൊല്‍ക്കത്ത നഗരങ്ങളിലെ തിരഞ്ഞെടുത്ത ശാഖകളില്‍ നോട്ട് വിതരണം ആരംഭിച്ചു. എന്നാല്‍ ഉടന്‍ ഇത് എടിഎമ്മുകളില്‍ എത്തില്ല. എടിഎമ്മുകളില്‍ ഇതിനായുള്ള ക്രമീകരണങ്ങള്‍ നടത്തിയ ശേഷമേ നോട്ട് ലഭ്യമാക്കുകയുള്ളൂ. ഒരാഴ്ചയെങ്കിലും ഇതിന് സമയം വേണ്ടിവരുമെന്ന് ആര്‍ബിഐ ഉദ്യോഗസ്ഥര്‍ പറഞ്ഞു. 200 രൂപ നോട്ട് കൈപ്പറ്റാനായി റിസര്‍വ് ബാങ്ക് കേന്ദ്രങ്ങള്‍ക്ക് മുന്നില്‍ ജനങ്ങളുടെ തിരക്കാണ്. പുതിയ നോട്ട് എങ്ങനെ എന്നറിയാനുള്ള ജിജ്ഞാസയാണ് ആളുകളെ ബാങ്ക് കൗണ്ടറുകള്‍ക്ക് മുന്നില്‍ എത്തിച്ചത്. കള്ളനോട്ട് തടയാന്‍ അതീവ സുരക്ഷാ …