ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധി നേപ്പാളിലെ കഠ്മണ്ഡുവില്‍ നൈറ്റ് ക്ലബ് സന്ദര്‍ശിച്ചതുമായി ബന്ധപ്പെട്ട് പുതിയ വിവാദം കുത്തിപ്പൊക്കി ബിജെപി. നിലവില്‍ തെലങ്കാനയില്‍ സന്ദര്‍ശനം നടത്തുന്ന രാഹുല്‍ ഗാന്ധി, കര്‍ഷകരെ അഭിസംബോധന ചെയ്യുമ്പോള്‍ എന്താണ് സംസാരിക്കേണ്ടതെന്ന് സംസ്ഥാനത്തെ കോണ്‍ഗ്രസ് നേതാക്കളോട് ചോദിച്ചതാണ് ബിജെപി ഇത്തവണ ആയുധമാക്കിയത്. വിദേശ യാത്രകള്‍ക്കും നിശാക്ലബ്ബിലെ സന്ദര്‍ശനത്തിനും ഇടയില്‍ രാഷ്ട്രീയ പ്രവര്‍ത്തനം നടത്തിയാല്‍ ഇങ്ങനിരിക്കുമെന്ന് ബിജെപി നേതാവ് അമിത് മാളവ്യ ട്വീറ്റ് ചെയ്തു. തെലങ്കാനയില്‍ കര്‍ഷകരെ അഭിസംബോധന ചെയ്യുന്നതിനു മുന്‍പ് തെലങ്കാന കോണ്‍ഗ്രസ് നേതാക്കളുമായി നടത്തിയ കൂടിക്കാഴ്ചയ്ക്കിടെയാണ് താന്‍ എന്താണ് …

ന്യൂഡല്‍ഹി: ഗാര്‍ഹികാവശ്യത്തിനുള്ള പാചകവാതക വില വീണ്ടും വര്‍ധിപ്പിച്ചു. 50 രൂപയാണ് സിലിണ്ടറിന് കൂട്ടിയത്. ഇതോടെ 14.2 കിലോ പാചക വാതക സിലിണ്ടറിന് വില 1006.50 രൂപയായി. നേരത്തെ ഇത് 956.05 രൂപയായിരുന്നു. വാണിജ്യാവശ്യത്തിനായുള്ള പാചകവാതകത്തിന്റെ വില കഴിഞ്ഞയാഴ്ച വര്‍ധിപ്പിച്ചിരുന്നു. 102 രൂപയുടെ വര്‍ധനയാണ് വരുത്തിയത്.. 19 കിലോ സിലിണ്ടറിന്റെ വില 2253 രൂപയാണ്.  

കൊല്‍ക്കത്ത:പശ്ചിമ ബംഗാള്‍ സന്ദര്‍ശനത്തിനെത്തിയ കേന്ദ്ര ആഭ്യന്തരമന്ത്രി അമിത് ഷായുടെ വെള്ളിയാഴ്ചത്തെ അത്താഴം ബി.സി.സി.ഐ. അധ്യക്ഷനും ഇന്ത്യന്‍ മുന്‍ ക്രിക്കറ്റ് ക്യാപ്റ്റനുമായ സൗരവ് ഗാംഗുലിയുടെ വീട്ടിലായിരിക്കും. പ്രതിപക്ഷനേതാവ് ശുഭേന്ദു അധികാരി, മുന്‍ രാജ്യസഭാംഗവും പത്രപ്രവര്‍ത്തകനുമായ സ്വപന്‍ ദാസ്ഗുപ്ത എന്നിവരും ഷായോടൊപ്പമുണ്ടാകും. നിയമസഭാതിരഞ്ഞെടുപ്പിനുശേഷം പശ്ചിമ ബംഗാളില്‍ കടുത്ത പ്രതിസന്ധി നേരിടുന്ന ബി.ജെ.പി. ബംഗാളി സ്വത്വവും ജനപ്രീതിയുമുള്ള ഒരു വ്യക്തിത്വത്തിനു വേണ്ടിയുള്ള അന്വേഷണത്തിലാണ്. കഴിഞ്ഞ നിയമസഭാ തിരഞ്ഞെടുപ്പിന്റെ സമയത്ത് ഗാംഗുലിയെ പാര്‍ട്ടിയിലേക്ക് കൊണ്ടുവരാന്‍ ബി.ജെ.പി. കിണഞ്ഞുശ്രമിച്ചിരുന്നെങ്കിലും നടന്നില്ല. ഇത്തരത്തില്‍ വീണ്ടും ഒരു ശ്രമം നടത്തുന്നതിന്റെ ഭാഗമായാണോ ഷായുടെ സൗരവുമായുള്ള …

സിലിഗുഡി: രാജ്യത്ത് കോവിഡ് കഴിഞ്ഞാലുടന്‍ പൗരത്വ ഭേദഗതി നിയമം പ്രാബല്യത്തില്‍ കൊണ്ടുവരുമെന്ന് കേന്ദ്ര ആഭ്യന്തര മന്ത്രി അമിത് ഷാ. ബംഗാളില്‍ നടന്ന ഒരു പൊതു പരിപാടിയിലാണ് കേന്ദ്രത്തിന്റെ അജണ്ടയില്‍ നിയമം നടപ്പിലാക്കുന്നത് നിലനില്‍ക്കുന്നുവെന്ന സൂചന അദ്ദേഹം നല്‍കിയത്. രാജ്യത്ത് ഈ നിയമം നടപ്പിലാക്കില്ലെന്ന വ്യാജ വാര്‍ത്ത പ്രചരിപ്പിക്കുന്നത് ബംഗാള്‍ മുഖ്യമന്ത്രി മമത ബാനര്‍ജിയാണെന്നും അദ്ദേഹം കുറ്റപ്പെടുത്തി. ‘രാജ്യത്ത് പൗരത്വ നിയമം നടപ്പിലാക്കില്ലെന്ന് തൃണമൂല്‍ കോണ്‍ഗ്രസ് പാര്‍ട്ടി പ്രചരിപ്പിക്കുകയാണ്. ഇത് തെറ്റാണ്. കോവിഡ് കാലം കഴിഞ്ഞാല്‍ ഉടന്‍ തന്നെ നിയമം പ്രാബല്യത്തില്‍ വരും’- അമിത് ഷാ …

ശ്രീനഗര്‍: ജമ്മു കശ്മിരിലെ സാംബ മേഖലയില്‍ രാജ്യാന്തര അതിര്‍ത്തിക്കു സമീപം പാക്കിസ്ഥാനില്‍ നിന്ന് ഇന്ത്യയിലേക്ക് നുഴഞ്ഞുകയറാനായി നിര്‍മിച്ച തുരങ്കം കണ്ടെത്തിയതായി അതിര്‍ത്തി സുരക്ഷാ സേന (ബിഎസ്എഫ്). ബുധനാഴ്ച വൈകുന്നരം പതിവ് പട്രോളിങ്ങിനിടെയാണ് തുരങ്കം ശ്രദ്ധയില്‍പെട്ടതെന്നു ബിഎസ്എഫ് അറിയിച്ചു. 150 മീറ്റര്‍ നീളവും രണ്ടടി വ്യാസമുള്ള തുരങ്കത്തിന്റെ മറുവശം പാക്കിസ്ഥാനിലാണ്. അതിര്‍ത്തി ഔട്ട്പോസ്റ്റ് എരിയയായ ചക് ഫക്വിറയിലാണ് തുരങ്കം കണ്ടെത്തിയത്. മേല്‍മണ്ണ് ഇളകി കിടക്കുന്നത് കണ്ട് സംശയം തോന്നിയതോടെ മണ്ണ് ഇളക്കി നോക്കുകയായിരുന്നുവെന്നും പരിശോധനയിലാണ് തുരങ്കം കണ്ടെത്തിയതെന്നും ബിഎസ്എഫ് അറിയിച്ചു. പാക്കിസ്ഥാനില്‍നിന്ന് നുഴഞ്ഞുകയറിയ രണ്ട് ജയ്‌ഷെ …

ന്യൂഡല്‍ഹി: രാജ്യത്തെ നിലവിലെ ഊര്‍ജ പ്രതിസന്ധിയില്‍ പ്രധാനമന്ത്രി നരേന്ദ്ര മോദിയ്‌ക്കെതിരെ രൂക്ഷ വിമര്‍ശനവുമായി കോണ്‍ഗ്രസ് നേതാവ് രാഹുല്‍ ഗാന്ധി. കല്‍ക്കരി ക്ഷാമവും അതേത്തുടര്‍ന്നു രാജ്യം നേരിടുന്ന വൈദ്യുതി പ്രതിസന്ധിയും പരിഹരിക്കാന്‍ കഴിയാത്തതില്‍ നിങ്ങള്‍ ആരെയാണു പഴിചാരാന്‍ പോകുന്നതെന്ന് രാഹുല്‍ ട്വിറ്ററിലൂടെ ചോദിച്ചു. ‘പ്രധാനമന്ത്രിയുടെ വാദ്ഗാനങ്ങളും ലക്ഷ്യങ്ങളും എപ്പോഴും വിച്ഛേദിക്കപ്പെട്ടിരിക്കുന്നു. ഈ ഊര്‍ജ പ്രതിസന്ധി പരിഹരിക്കാന്‍ നിങ്ങള്‍ പരാജയപ്പെട്ടതില്‍ ആരെയാണു കുറ്റം പറയുക? നെഹ്‌റുവിനെയോ അതോ സംസ്ഥാനങ്ങളെയോ അതുമല്ലെങ്കില്‍ ജനങ്ങളെയോ?’-രാഹുല്‍ ഗാന്ധി ചോദിച്ചു. ട്വീറ്റിനൊപ്പം പ്രധാനമന്ത്രി മോദിയുടെ ഒരു വിഡിയോയും രാഹുല്‍ പങ്കുവച്ചു. 24 മണിക്കൂറും …

മൈസൂരു: കര്‍ണാടകത്തിലെ ചാമരാജനഗറിലുള്ള ബന്ദിപ്പുര്‍ ദേശീയോദ്യാനത്തില്‍ കാട്ടാന ഇരട്ടക്കുട്ടികള്‍ക്ക് ജന്മംനല്‍കി. വളരെ അപൂര്‍വമായ ഇത്തരം പ്രസവം മുമ്പ് ഏതാനുംതവണ രാജ്യത്ത് റിപ്പോര്‍ട്ട് ചെയ്തിരുന്നു. വനത്തില്‍ സഫാരിക്കെത്തിയവര്‍ തള്ളയാനയുടെയും കുട്ടികളുടെയും ചിത്രം പകര്‍ത്തിയതോടെയാണ് വിവരം പുറത്തറിഞ്ഞത്. ആനകളുടെ പ്രസവത്തില്‍ ഒരുശതമാനം മാത്രമേ ഇരട്ടക്കുട്ടികളുണ്ടാകാന്‍ സാധ്യതയുള്ളൂവെന്ന് വന്യജീവിസംരക്ഷണപ്രവര്‍ത്തകര്‍ പറയുന്നു. കാട്ടാനയ്ക്ക് ഇരട്ടക്കുട്ടികളുണ്ടായ സംഭവം കര്‍ണാടക വനംവകുപ്പ് സ്ഥിരീകരിച്ചിട്ടുണ്ട്. വരുന്ന ഏതാനുംദിവസങ്ങള്‍ ആനക്കുട്ടികളെ സംബന്ധിച്ച് നിര്‍ണായകമാണെന്നും അതിനാല്‍ തള്ളയാനയെയും കുട്ടികളെയും നിരീക്ഷിക്കുമെന്നും ബന്ദിപ്പുര്‍ വനംവകുപ്പ് അധികൃതര്‍ പറഞ്ഞു. കുഴിയിലകപ്പെട്ട ഇരട്ടക്കുട്ടികളെ തള്ളയാന കരയ്ക്ക് കയറ്റാന്‍ പരിശ്രമിക്കുന്നതിനിടെയാണ് സഫാരിക്കെത്തിയവരുടെ ശ്രദ്ധയില്‍പ്പെട്ടത്. …

ന്യൂഡല്‍ഹി: കോവിഡ് കണക്കുകള്‍ ദിവസവും പ്രസിദ്ധീകരിക്കാത്തതിന് കേരളത്തെ വിമര്‍ശിച്ച് കേന്ദ്ര ആരോഗ്യമന്ത്രാലയം.ഈമാസം 13 മുതല്‍ അഞ്ചുദിവസം കേരളം കണക്കു പുതുക്കിയില്ലെന്നും ഞായറാഴ്ച കണക്കുകള്‍ പുറത്തുവിട്ടത് രാജ്യത്തെ ആകെ കോവിഡ് കണക്കുകളെ ബാധിച്ചെന്നും ആരോഗ്യമന്ത്രാലയം സംസ്ഥാന ആരോഗ്യ പ്രിന്‍സിപ്പല്‍ സെക്രട്ടറിക്ക് അയച്ച കത്തില്‍ പറഞ്ഞു. ജോയന്റ് സെക്രട്ടറി ലവ് അഗര്‍വാളാണ് സംസ്ഥാന ആരോഗ്യ പ്രിന്‍സിപ്പല്‍ സെക്രട്ടറി ഡോ. രാജന്‍ എന്‍. ഖോബ്രഗഡെയ്ക്ക് കത്തയച്ചത്. രാജ്യത്തെ പ്രതിദിന കേസുകളില്‍ തിങ്കളാഴ്ച 90 ശതമാനം വര്‍ധനയാണ് കാണിക്കുന്നത്. ഞായറാഴ്ച 1150 ആയിരുന്ന എണ്ണം തിങ്കളാഴ്ച 2180 ആയി ഉയര്‍ന്നു. …

ബെംഗളൂരു: ബില്ലുകള്‍ മാറാന്‍ മന്ത്രി കമ്മിഷന്‍ ആവശ്യപ്പെട്ടെന്ന് ആരോപിച്ച് കരാറുകാരന്‍ ആത്മഹത്യ ചെയ്ത സംഭവത്തില്‍, ആരോപണ വിധേയനായ കര്‍ണാടക ഗ്രാമ വികസനമന്ത്രി കെ.എസ്.ഈശ്വരപ്പ രാജി വച്ചു. ആത്മഹത്യാ പ്രേരണാക്കുറ്റത്തിന് ഈശ്വരപ്പയ്‌ക്കെതിരെ പൊലീസ് കേസെടുത്തിരുന്നു. വെള്ളിയാഴ്ച മുഖ്യമന്ത്രി ബസവരാജ് ബൊമ്മെയ്ക്ക് രാജിക്കത്ത് നല്‍കുമെന്ന് ഈശ്വരപ്പ കഴിഞ്ഞ ദിവസം അറിയിച്ചിരുന്നു. കരാറുകാരന്‍ സന്തോഷ് പാട്ടീലിന്റെ മരണത്തില്‍ ആത്മഹത്യാ പ്രേരണയ്ക്ക് മന്ത്രിയെ ഒന്നാം പ്രതിയാക്കിയാണ് കേസെടുത്തത്. സന്തോഷ് പാട്ടീലിന്റെ ആത്മഹത്യാക്കുറിപ്പില്‍ മന്ത്രിക്കെതിരെ വന്ന പരാമര്‍ശത്തിന്റെ അടിസ്ഥാനത്തിലാണ് കേസ്. കരാര്‍ തുകയുടെ 40 ശതമാനം കമ്മിഷനായി വേണമെന്ന് മന്ത്രി ആവശ്യപ്പെട്ടെന്നും …

ന്യൂഡല്‍ഹി : കോവിഡ് പരത്തുന്ന ഒമിക്രോണ്‍ ഉപവിഭാഗങ്ങള്‍ ചേര്‍ന്നുള്ള പുതിയ വകഭേദമായ ‘എക്‌സ്ഇ’യ്‌ക്കെതിരെ ലോകരാജ്യങ്ങളുടെ മുന്‍കരുതല്‍. ലോകാരോഗ്യ സംഘടന കഴിഞ്ഞദിവസമാണ് എക്‌സ്ഇയെക്കുറിച്ചു മുന്നറിയിപ്പു നല്‍കിയത്. കോവിഡ് ബാധിച്ച ഒരേ ആളില്‍ തന്നെ ഡെല്‍റ്റയും ഒമിക്രോണും സ്ഥിരീകരിച്ചിട്ടുണ്ടെന്ന് (ഡെല്‍റ്റക്രോണ്‍) റിപ്പോര്‍ട്ടുകളുണ്ടായിരുന്നു. സമാനമായി ഒമിക്രോണിന്റെ തന്നെ ബിഎ.1, ബിഎ.2 ഉപവിഭാഗങ്ങള്‍ ചേരുന്നതാണ് എക്‌സ്ഇ വകഭേദം.. ഡെല്‍റ്റയോളം വിനാശകാരിയായിരുന്നെങ്കിലും ഇന്ത്യയുള്‍പ്പെടെയുള്ള രാജ്യങ്ങളില്‍ കേസുകള്‍ കുത്തനെ ഉയര്‍ത്തിയത് ഒമിക്രോണ്‍ വകഭേദത്തിന്റെ ‘ബിഎ.2′ ഉപവിഭാഗമായിരുന്നു. ഇന്ത്യയില്‍ മൂന്നാം തരംഗമായി മാറിയ വ്യാപനത്തിന്റെ കാരണക്കാരനെ ഒമിക്രോണിന്റെ നിഗൂഢ പതിപ്പായാണ് വിശേഷിപ്പിച്ചത്. .’എക്‌സ്ഇ’ വകഭേദത്തിന് …