തിരുവനന്തപുരം: ചിന്തിപ്പിച്ചും ചിരിപ്പിച്ചും കേരളത്തിന്റെ ഭരണ, സാംസ്കാരിക, ആത്മീയ രംഗങ്ങളില് നിറഞ്ഞുനിന്ന ഡോ. ഡി.ബാബുപോള് അന്തരിച്ചു. 78 വയസ്സായിരുന്നു. ഒരാഴ്ചയായി അസുഖത്തെ തുടര്ന്ന് തിരുവനന്തപുരത്തെ സ്വകാര്യ ആശുപത്രിയില് ചികിത്സയിലായിരുന്നു. പ്രമേഹംമൂലം കാലില് ഉണ്ടായ മുറിവില്നിന്നുള്ള അണുബാധ വൃക്കകളെയും കരളിനെയും ബാധിച്ചതാണ് മരണ കാരണം. പ്രഗത്ഭനായ ഭരണാധികാരി, എഴുത്തുകാരന്, ചിരിയും ചിന്തയും സമന്വയിപ്പിച്ച പ്രഭാഷകന്, ഔദ്യോഗിക ജീവിത്തിനൊപ്പം സഭാപ്രവര്ത്തനത്തിലും മുഴുകിയ വിശ്വാസി, അഭിപ്രായങ്ങളും അഭിപ്രായവ്യത്യാസങ്ങളും ഉറക്കെപ്പറഞ്ഞ സാമൂഹിക, രാഷ്ട്രീയ നിരീക്ഷകന്… കേരളത്തിന് ഇങ്ങനെ പലതുമായിരുന്നു അദ്ദേഹം. എന്ജിനീയറായി ഐ.എ.എസിലേക്ക് എത്തിയ ഡാനിയേല് ബാബുപോള് നാല്പ്പതുവര്ഷത്തോളം ഭരണരംഗത്ത് …