ആലപ്പുഴ നവോത്ഥാന മൂല്യസംരക്ഷണത്തിന് എസ്എന്‍ഡിപി ഏതറ്റം വരെയും പോകുമെന്ന് ജനറല്‍ സെക്രട്ടറി വെള്ളാപ്പള്ളി നടേശന്‍. ഹിന്ദു ഐക്യത്തിനല്ല നവോത്ഥാന സമിതി. ഹിന്ദു പാര്‍ലമെന്റ് ജനറല്‍ സെക്രട്ടറി സി.പി. സുഗതന്റെ രീതി ശരിയല്ലെന്ന് തുടക്കത്തിലേ പറഞ്ഞിരുന്നെന്നും വെള്ളാപ്പള്ളി പറഞ്ഞു.
നവോത്ഥാന മൂല്യസംരക്ഷണ സമിതിയില്‍നിന്ന് പിന്‍മാറുമെന്ന സമിതി ജോയിന്റ് കണ്‍വീനര്‍ കൂടിയായ സുഗതന്റെ പ്രസ്താവനയോടു പ്രതികരിക്കുകയായിരുന്നു വെള്ളാപ്പള്ളി നടേശന്‍. സുഗതന്‍ കടലാസ് പുലിയാണ്. പാര്‍ലമെന്ററി വ്യാമോഹമുള്ള സുഗതന്‍ പോയതുകൊണ്ട് നവോത്ഥാന സമിതിക്ക് ഒന്നും സംഭവിക്കില്ലെന്നും വെള്ളാപ്പള്ളി പറഞ്ഞു.
നവോത്ഥാന മൂല്യസംരക്ഷണ സമിതിയില്‍നിന്ന് പിന്‍മാറുമെന്ന സമിതി ജോയിന്റ് കണ്‍വീനര്‍ കൂടിയായ സുഗതന്റെ പ്രസ്താവനയോടു പ്രതികരിക്കുകയായിരുന്നു വെള്ളാപ്പള്ളി നടേശന്‍. സുഗതന്‍ കടലാസ് പുലിയാണ്. പാര്‍ലമെന്ററി വ്യാമോഹമുള്ള സുഗതന്‍ പോയതുകൊണ്ട് നവോത്ഥാന സമിതിക്ക് ഒന്നും സംഭവിക്കില്ലെന്നും വെള്ളാപ്പള്ളി പറഞ്ഞു.
പാലാ ഉപതിരഞ്ഞെടുപ്പില്‍ എല്‍ഡിഎഫ് സ്ഥാനാര്‍ഥി മാണി സി. കാപ്പന് അനുകൂല സാഹചര്യമുണ്ടെന്നും വെള്ളാപ്പള്ളി പറഞ്ഞു. നിലവിലെ സാഹചര്യം എല്‍ഡിഎഫിന് അനുകൂലമാണ്. ജോസ് ടോമിന് ജനകീയമുഖമില്ല. രണ്ടില ചിഹ്നം നിലനിര്‍ത്താനാകാത്ത പാര്‍ട്ടിക്ക് എങ്ങനെ തിരഞ്ഞെടുപ്പിനെ നേരിടാനാകുമെന്നും വെള്ളാപ്പള്ളി ചോദിച്ചു.
