ഹൈദരാബാദ്: ആന്ധ്രാപ്രദേശിലെ ഗോദാവരി നദിയില്‍ ബോട്ട് മറിഞ്ഞ് ഏഴ് പേര്‍ മരിച്ചു. ബോട്ടിലുണ്ടായിരുന്ന 25 പേരെ രക്ഷപ്പെടുത്തി. 51 പേരെ കാണാതായി. വിനോദ സഞ്ചാരകേന്ദ്രമായ പാപികൊണ്ടലൂ ലക്ഷ്യമാക്കി ഗാണ്ഡി പോച്ചമ്മ ക്ഷേത്രത്തില്‍ നിന്ന് പുറപ്പെട്ട ബോട്ടാണ് അപകടത്തില്‍പ്പെട്ടത്. അപകടം നടക്കുമ്പോള്‍ 11 ജീവനക്കാരടക്കം 60 പേരാണ് ബോട്ടില്‍ ഉണ്ടായിരുന്നതെന്ന് അധികൃതര്‍ പറയുന്നു. കാണാതായവര്‍ക്കായി ദുരന്തനിവാരണ സേനകള്‍ തിരച്ചില്‍ തുടരുകയാണ്.
