ന്യൂഡല്ഹി: ഇന്ത്യയും പാകിസ്താനും തമ്മില് ഉടന് യുദ്ധം നടക്കാന് സാധ്യതയെന്ന് പാക് റെയില്വേ മന്ത്രി ഷെയ്ക് റഷീദ് അഹമ്മദ്. ജമ്മു കശ്മീരിന് പ്രത്യേക പദവി നല്കുന്ന ആര്ട്ടിക്കിള് 370 ഇന്ത്യ എടുത്തുകളഞ്ഞശേഷം പാകിസ്താന് തുടര്ച്ചയായി നടത്തുന്ന പ്രകോപനങ്ങള്ക്ക് പിന്നാലെയാണ് റെയില്വേ മന്ത്രിയുടെ പ്രസ്താവന.
ഒക്ടോബറിലോ അതിനടുത്ത മാസങ്ങളിലോ ഇന്ത്യയും പാകിസ്താനും തമ്മില് പൂര്ണതോതിലുള്ള യുദ്ധം ഉണ്ടാകും എന്നാണ് പാകിസ്താന് റെയില്വേ മന്ത്രി പ്രസ്താവന നടത്തിയത്. പാക് മാധ്യമങ്ങളെ ഉദ്ധരിച്ച് വാര്ത്താ ഏജന്സികളാണ് ഇക്കാര്യം റിപ്പോര്ട്ട് ചെയ്തിരിക്കുന്നത്.