മുംബൈ : ശ്രീലങ്കയെ ടെസ്റ്റ് പരമ്പരയില്‍ വൈറ്റ് വാഷ് ചെയ്തതിന് പിന്നാലെ ടെസ്റ്റ് റാങ്കിങ്ങില്‍ ഇന്ത്യയെ തേടി അപൂര്‍വ്വ നേട്ടം. എതിരാളികളില്ലാതെയാണ് ഇന്ത്യ ടെസ്റ്റ് റാങ്കിങ്ങില്‍ ഒന്നാം സ്ഥാനം സ്വന്തമാക്കിയിരിക്കുന്നത്. നിലവില്‍ 125പോയിന്റാണ് ഒന്നാം സ്ഥാനത്തുളള ടീം ഇന്ത്യയ്ക്കുളളത്.
രണ്ടാം സ്ഥാനത്തുള്ള ദക്ഷിണാഫ്രിക്ക ഇംഗ്ലണ്ടിനെതിരായ ടെസ്റ്റ് പരമ്പരയില്‍ 13ന് തോറ്റതോടെ സമീപകാലത്തൊന്നും ഇന്ത്യയുടെ ഒന്നാം സ്ഥാനത്തിന് ഭീഷണിയില്ല. രണ്ടാം സ്ഥാനത്തുള്ള ദക്ഷിണാഫ്രിക്കയ്ക്ക് 110 റേറ്റിംഗ് പോയിന്റാണുള്ളത്.
105 പോയിന്റുള്ള ഇംഗ്ലണ്ട് ആണ് മൂന്നാം സ്ഥാനത്ത്. 100 റേറ്റിംഗ് പോയിന്റുമായി ഓസ്ട്രേലിയ ആണ് നാലാമത്. ഇന്ത്യക്കെതിരായ സമ്പൂര്‍ണ തോല്‍വിയോടെ ശ്രീലങ്ക ഏഴാം സ്ഥാനത്തേക്ക് വീണു. 90 പോയിന്റാണ് ശ്രീലങ്കയ്ക്കുള്ളത്. 93 പോയിന്റുള്ള പാകിസ്താന്‍ ആറാമതും 97 പോയന്റുള്ള ന്യൂസിലന്‍ഡ് അഞ്ചാമതുമാണ്.
ഇന്ത്യക്ക് ഇനി അടുത്തൊന്നും ടെസ്റ്റ് മത്സരങ്ങളില്ല. ഈ വര്‍ഷം അവസാനം ദക്ഷിണാഫ്രിക്കയിലാണ് ഇന്ത്യയുടെ അടുത്ത പരമ്പര. ഇതിന് മുന്നോടിയായി ശ്രീലങ്കയ്ക്കും ന്യൂസിലന്‍ഡിനും ഓസ്ട്രേലിയക്കുമെതിരെ ഇന്ത്യ ഏകദിന പരമ്പരകളില്‍ കളിക്കുന്നുണ്ട്. കഴിഞ്ഞ വര്‍ഷം ഒക്ടോബറിലാണ് ഓസ്ട്രേലിയയെ പിന്തള്ളി ഇന്ത്യ ടെസ്റ്റ് റാങ്കിങ്ങില്‍ ഒന്നാം സ്ഥാനത്തെത്തിയത്.
