ന്യൂഡല്‍ഹി ഇന്ത്യയുടെ വീരപുത്രന് സ്വന്തം മണ്ണില്‍ ഉജ്വല വരവേല്‍പ്പ്. പാക്ക് യുദ്ധവിമാനം തകര്‍ക്കുന്നതിനിടയില്‍ പിടിയിലായ വ്യോമസേന വിങ് കമാന്‍ഡര്‍ അഭിനന്ദന്‍ വര്‍ധമാന്‍ ഇന്ത്യന്‍ മണ്ണില്‍ തിരികെയെത്തി. വാഗ-അട്ടാരി അതിര്‍ത്തിയില്‍ പാക്കിസ്ഥാനി റേഞ്ചേഴ്‌സാണ് അഭിനന്ദനെ ബിഎസ്എഫിന് കൈമാറിയത്. മുതിര്‍ന്ന വ്യോമസേനാ ഉദ്യോഗസ്ഥര്‍ അദ്ദേഹത്തെ സ്വീകരിച്ചു. രാത്രി 12.20 ഓടെ അഭിനന്ദനെ ഡല്‍ഹിയില്‍ എത്തിച്ചു. അഭിനന്ദനെ വിശദമായ മെഡിക്കല്‍ ചെക്കപ്പിന് വിധേയനാക്കും.
