ഇരവിപേരൂര്‍: വീട്ടിലേക്ക് പോകാന്‍ ബസ് കാത്തു നിന്ന പ്ലസ് വണ്‍ വിദ്യാര്‍ഥിനിയെ കടന്നു പിടിച്ച് അപമാനിച്ചുവെന്ന പരാതിയില്‍ ഇരവിപേരൂരിലെ സിപിഎം ഗ്രാമ പഞ്ചായത്തംഗത്തിന്റെ മകന്‍ അറസ്റ്റില്‍.
പഞ്ചായത്ത് 17ാം വാര്‍ഡ് മെമ്പര്‍ കണ്ണങ്കരമോടി ജയശ്രീയുടെ മകന്‍ അശ്വി(18)നെയാണ് തിരുവല്ല പൊലീസ് അറസ്റ്റ് ചെയ്തത്.
ഇരവിപേരൂരിലെ സ്‌കൂളിലാണ് പെണ്‍കുട്ടി പഠിക്കുന്നത്. തിങ്കളാഴ്ച വൈകിട്ട് നാലു മണിയോടെ ആയിരുന്നു കേസിനാസ്പദമായ സംഭവം. സ്‌കൂള്‍ വിട്ട് വീട്ടില്‍ പോകാനായി ബസ് കാത്തു നിന്നിരുന്ന വിദ്യാര്‍ഥിനിയെ അശ്വിന്‍ കടന്നു പിടിക്കുകയായിരുന്നു.
സംഭവം കണ്ട് നാട്ടുകാര്‍ ഓടിക്കൂടിയതോടെ അശ്വിന്‍ ബൈക്കില്‍ രക്ഷപെട്ടു. തുടര്‍ന്ന് പെണ്‍കുട്ടിയുടെ മൊഴി അടിസ്ഥാനമാക്കി നടത്തിയ അന്വേഷണത്തില്‍ ഇന്ന് രാവിലെയോടെ പ്രതിയെ പിടികൂടുകയായിരുന്നു. ഡിവൈഎഫ്ഐ നേതാവിന്റെ സഹോദരിയാണ് പരാതിക്കാരി. തിരുവല്ല കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
