ലൊസാഞ്ചലസ്: യുഎസ് ഗായകന്‍ ക്രിസ് ബ്രൗണ്‍ പീഡിപ്പിച്ചുവെന്ന പരാതിയുമായി യുവതി. മദ്യം നല്‍കിയ ശേഷം ഉല്ലാസനൗകയില്‍ വച്ചാണ് പീഡിപ്പിച്ചത്. 2020 ഡിസംബര്‍ 30നായിരുന്നു സംഭവം. വിളിച്ചുവരുത്തി മദ്യം നല്‍കി മയക്കിയ ശേഷമായിരുന്നു പീഡനമെന്ന് പരാതിയില്‍ പറയുന്നു.
തെറ്റായ കാര്യങ്ങളില്‍ വ്യക്തതയുണ്ടാകുമെന്നു ഗ്രാമി അവാര്‍ഡ് ജേതാവ് കൂടിയായ ക്രിസ് ബ്രൗണ്‍ പ്രതികരിച്ചു. ഏതെങ്കിലും സംഗീത പരിപാടി അവതരിപ്പിക്കപ്പെടുമ്പോള്‍ തന്നെ മറിച്ചിടാന്‍ ശ്രമിക്കുകയാണെന്നും അദ്ദേഹം പറഞ്ഞു.
2009ല്‍ മുന്‍ കാമുകി ഗായിക റിയാനയെ മര്‍ദിച്ചതിന്റെ പേരിലും ക്രിസിനെതിരെ കേസുണ്ടായിരുന്നു. മുന്‍പും ക്രിസ് ബ്രൗണിനെതിരെ ലൈംഗിക പീഡനാരോപണം ഉയര്‍ന്നിട്ടുണ്ട്. 20 ദശലക്ഷം ഡോളറാണ് പരാതിക്കാരി നഷ്ടപരിഹാരമായി ആവശ്യപ്പെടുന്നത്.
