ഹൂസ്റ്റന്: ലൂസിയാനയിലെ ജനങ്ങള് ഇപ്പോഴും ഇരുട്ടില്തന്നെ. ഐഡ ചുഴലിക്കാറ്റ് ഏല്പ്പിച്ച ആഘാതത്തില് നിന്ന് ഇനിയും മോചിതരാവാതെ അവര് ദുരിതക്കയത്തിലാണ്. ഏറ്റവും വലിയ ആവശ്യങ്ങളിലൊന്നായ വൈദ്യുതി ബുധനാഴ്ച പുലര്ച്ചെ ന്യൂ ഓര്ലിയന്സിലെ ചില ഉപഭോക്താക്കള്ക്ക് പുനഃസ്ഥാപിച്ചതായി പ്രഖ്യാപിച്ചു. എന്നാല് ദിവസങ്ങള്ക്ക് ശേഷവും ഐഡ ചുഴലിക്കാറ്റ് ബാധിച്ച മറ്റ് ലൂസിയാന നഗരങ്ങള് ഉയിര്ത്തെഴുന്നേല്ക്കാന് പാടുപെടുന്നു.
എത്ര ഉപഭോക്താക്കള് ഓണ്ലൈനില് തിരിച്ചെത്തിയെന്ന് കമ്പനി വ്യക്തമാക്കിയിട്ടില്ല. ലൂയിസിയാനയിലെ ഏകദേശം ഒരു ദശലക്ഷം ഉപഭോക്താക്കള്ക്ക് ബുധനാഴ്ച മുതല് തന്നെ വൈദ്യുതി ഇല്ലായിരുന്നു. ഐഡ സംസ്ഥാനത്തെ വലിച്ചു കീറി ദിവസങ്ങള്ക്ക് ശേഷം, വെള്ളപ്പൊക്കവും കാറ്റും ട്രാന്സ്മിഷന് ലൈനുകളെ തകര്ത്തിരുന്നു. നഗരത്തിലെ പവര് സ്റ്റേഷനുകള് പുനരാരംഭിക്കുന്നതും ആശുപത്രികള് പോലുള്ള നിര്ണായകമായ അടിസ്ഥാന സൗകര്യങ്ങള് പ്രവര്ത്തനം തുടങ്ങുന്നതിനുമാണ് ഇപ്പോഴത്തെ മുന്ഗണന.
വ്യാപകമായി വൈദ്യുതി എപ്പോള് പുനഃസ്ഥാപിക്കപ്പെടുമെന്നതിനെക്കുറിച്ച് ദിവസങ്ങള് കഴിഞ്ഞുമാത്രമേ പറയാനാവു എന്നതാണ് സ്ഥിതി. വ്യാപകമായ വൈദ്യുതി തകരാറുകള്ക്ക് പുറമേ, തെക്കുകിഴക്കന് ലൂസിയാനയുടെ ഭൂരിഭാഗവും കാറ്റഗറി 4 ചുഴലിക്കാറ്റ് വ്യാപിച്ചിരുന്നു. ഗോള്ഡന് മെഡോ, ഗാലിയാനോ, കട്ട് ഓഫ്, ലാരോസ് തുടങ്ങിയ സ്ഥലങ്ങളില് നാശം വളരെ കൂടുതലാണ്. ശക്തമായ കാറ്റ് വീടുകളുടെ മേല്ക്കൂരകള് തകര്ത്തു. സംസ്ഥാനം ദീര്ഘകാല വീണ്ടെടുക്കലിലാണെന്ന് ലൂസിയാനയുടെ പ്രതിനിധി സ്റ്റീവ് സ്കാലിസ് ചൊവ്വാഴ്ച വാര്ത്താ സമ്മേളനത്തില് പറഞ്ഞു. കത്രീനയേക്കാള് മോശമായ കൊടുങ്കാറ്റായിരുന്നു ഇതെന്നും ഇത് മറ്റ് ദുരന്തങ്ങളിലൂടെ കടന്നുപോയതുപോലെ ഇതിനെയും അതിജീവിക്കുമെന്നും അധികൃതര് പറഞ്ഞു.