അടൂര്‍: കെ. എസ്. ആര്‍.ടി.സി. ബസ്‌ഡ്രൈവറുടെ മലദ്വാരം തൊഴിച്ച് തകര്‍ത്ത കേസില്‍ മരുമകന്‍ അറസ്റ്റില്‍. അടൂര്‍ കെ.എസ്.ടി.സി. ഡിപ്പോയിലെ ഡ്രൈവര്‍ കടമ്പനാട് വടക്ക് സ്വദേശി ഷാജി(55) ആണ് ഗുരുതരമായ പരുക്കുകളോടെ ചായലോട് സ്വകാര്യ മെഡിക്കല്‍ കോളേജില്‍ ചികിത്സയില്‍ കഴിയുന്നത്. സംഭവവുമായി ബന്ധപ്പെട്ട് മരുമകന്‍ സുനിലിനെ ഏനാത്ത് പോലീസ് കസ്റ്റഡിയിലെടുത്ത് റിമാന്‍ഡ് ചെയ്തു. സംബവത്തെക്കുറിച്ച് പോലീസ് പറയുന്നതിങ്ങനെ; ബസ്‌ഡ്രൈവര്‍ഷൈജിക്ക് പോത്ത് വളര്‍ത്തല്‍ ഉണ്ടായിരുന്നു. രണ്ട് ദിവസം മുന്‍പ് പോത്തിനെ വിറ്റു. പോത്തിനെവിറ്റുകിട്ടിയ പണം മരുമകന്‍ സുനിലിന് വേണമെന്ന് ആവശ്യപ്പെടുകയായിരുന്നു. തുടര്‍ന്ന് ഇരുവരും തമ്മില്‍ വാക്കേറ്റമുണ്ടായി. വാക്കേറ്റത്തിനിടെയില്‍ ക്ഷുഭിതനായ സുനില്‍ ഷാജിയുടെ മലദ്വാരത്തില്‍ തൊഴിക്കുകയായിരുന്നു. തുടര്‍ന്ന് സുനില്‍ ഒളിവില്‍പോയി. ഏനാത്ത് എസ്.ഐ. ഗോപന്റെ നേതൃത്വത്തിലുള്ള പോലീസ് സംഘമാണ് സുനിലിനെ പിടികൂടിയത്.
