അബുദാബി :അഗ്‌നിബാധയെ തുടര്‍ന്ന് വില്ലയ്ക്കകത്ത് കുടുങ്ങിയ പിഞ്ചുകുഞ്ഞ് ഉള്‍പ്പെടെ 21 പേരെ അബുദാബി പൊലീസ് രക്ഷപ്പെടുത്തി. പുക ശ്വസിച്ച് അവശരായ 3 പേരെ ആശുപത്രിയിലേക്കു മാറ്റി.മുഷ്‌റിഫ് ഭാഗത്ത് വിവിധ രാജ്യക്കാരായ 9 കുടുംബങ്ങള്‍ താമസിച്ചിരുന്ന വില്ലയിലാണ് തീപിടിത്തമുണ്ടായത്. വില്ലകളിലും മറ്റും മതിയായ സുരക്ഷാ സംവിധാനങ്ങള്‍ ഒരുക്കി അപകടം ഒഴിവാക്കണമെന്ന് സിവില്‍ ഡിഫന്‍സിലെ ഓപറേഷന്‍സ് വിഭാഗം ഡയറക്ടര്‍ ലഫ്. കേണല്‍ സാലിം ഹാഷിം അല്‍ ഹബാഷി പറഞ്ഞു.
