മസ്‌കത്ത്: നിസ്വാ മലയാളി കമ്മ്യൂണിറ്റിയുടെ നേതൃത്വത്തില്‍ നിസ്വാ അന്‍ദിയാര്‍ ഹോട്ടലില്‍വച്ച് ഓണം ഈദ് ആഘോഷം വെള്ളിയാഴ്ച നടത്തി. സന്തോഷ് പനയ്ക്കലിന്റെ അദ്ധ്യക്ഷതയില്‍ നടന്ന ചടങ്ങ് പ്രസിഡന്റ് എബ്രഹാം പനവേലി ഉദ്ഘാടനം ചെയ്തു. സെക്രട്ടറി സാം വര്‍ഗ്ഗീസ് കുറ്റിയില്‍ സ്വാഗതവും സിറിയക് വര്‍ഗ്ഗീസ്, ഏബ്രഹാം തോമസ്, സിബി വര്‍ഗ്ഗീസ്, ഗോപകുമാര്‍, ജാഫര്‍, അജയ്കുമാര്‍, ഷിനു എന്നിവര്‍ ആശംസപ്രസംഗവും ജിന്‍സ് നന്ദിയും പറഞ്ഞു. വോയ്‌സ് ഓഫ് കേരളയുടെ കഴിഞ്ഞ വര്‍ഷ കലാവിജയികളായ ധന്യലക്ഷ്മിയും മോസസും നടത്തിയ ഗാനമേള ഇന്ത്യന്‍ സ്‌കൂള്‍ നിസ്വാ വിദ്യാര്‍ത്ഥികളും ഒമാനിന്റെ വിവിധ ഭാഗത്തുനിന്നെത്തിയ കലാകാരന്‍മാരുടെ വിവിധ ഇനം കലാപരിപാടികളും ഉണ്ടായിരുന്നു. ആയിരത്തില്‍പരം പേര്‍ക്കുള്ള വിഭവ സമൃദ്ധമായ ഓണസദ്യയും നടന്നു.
