ഹൂസ്റ്റണ്‍: കോവിഡ് ബാധിച്ച് അമേരിക്കയില്‍ മരണം 26,200 ല്‍ എത്തി. രോഗബാധിതര്‍ ആറു ലക്ഷത്തിനു മുകളിലും. വിവിധ സംസ്ഥാനങ്ങളിലായി വെന്റിലേറ്ററുകളില്‍ കഴിയുന്നത് പതിനായിരത്തിനു മുകളില്‍ പേരാണ്. എന്നാല്‍, ഇതിനു സ്ഥിരീകരണമില്ല. ഗുരുതരാവസ്ഥയിലുള്ളത് 13473 പേരാണെന്ന് ഹോപ്കിന്‍സ് സര്‍വകലാശാല ഡേറ്റകള്‍ സൂചിപ്പിക്കുന്നു. മരണനിരക്ക് അടുത്തയാഴ്ചയോടെ അതിന്റെ ഏറ്റവും വലിയ നിലയിലെത്തുമെന്നാണ് ഡേറ്റാകള്‍ വ്യക്തമാക്കുന്നത്. ന്യൂയോര്‍ക്ക്, ന്യൂജഴ്സി എന്നിവിടങ്ങളില്‍ നിന്നും വ്യത്യസ്തമായി മിച്ചിഗണിലാണ് മരണനിരക്ക് വന്‍ തോതില്‍ ഇപ്പോള്‍ വര്‍ദ്ധിക്കുന്നത്. 27000 പേര്‍ക്ക് ഇവിടെ രോഗം ബാധിച്ചിട്ടുണ്ട്. മരിച്ചത്, 1768 പേരും. ലൂസിയാനയിലും ഇതേ നിലയ്ക്കാണ് സ്ഥിതി. 21518 പേര്‍ക്ക് ഇവിടെ കോവിഡ് ഉണ്ട്. 1013 മരണങ്ങള്‍ സംഭവിച്ചു.
