മസ്‌കത്ത്: ബര്‍ക വിലായത്തിലെ അല്‍ സലാം മേഖലയില്‍ വീടിന് തീപിടിച്ച് എട്ടുപേര്‍ മരിച്ചു. സ്വദേശി യുവതിയും അഞ്ച് പെണ്‍മക്കളും ഉള്‍പ്പടെ എട്ട് പേരാണ് മരിച്ചത്. വീട്ടിജോലിക്കാരിയും മരിച്ചവരില്‍ പെടുന്നു. വീട്ടുടമസ്ഥനെ പരുക്കുകളോടെ ആശുപത്രിയില്‍ പ്രവേശിപ്പിച്ചു. ചൊവ്വാഴ്ച പുലര്‍ച്ചെ നാലരയോടെയാണ് തീപിടിത്തം ഉണ്ടായത്. തീപിടിത്തത്തിന്റെ കാരണം വ്യക്തമല്ല. 35 കാരിയായ യുവതിയും 28 കാരിയായ സഹോദരിയും ഏഴിനും 15നും ഇടയില്‍ പ്രായമുള്ള പെണ്‍കുട്ടികളുമാണ് മരിച്ചത്. ആഫ്രിക്കന്‍ വംശജയാണ് മരിച്ച വീട്ടുജോലിക്കാരി.
