കൊച്ചി: വയലിനിസ്റ്റ് ബാലഭാസ്കറിന്റെ മരണവുമായി ബന്ധപ്പെട്ട് കലാഭവന് സോബി ജോര്ജ് നല്കിയ വിവരങ്ങളെല്ലാം വസ്തുതാ വിരുദ്ധമാണെന്ന് ബോധ്യപ്പെട്ടതായി സിബിഐ. മരണത്തില് ദുരൂഹതയില്ലെന്നു കാണിച്ച് കുറ്റപത്രം സമര്പ്പിച്ചതിനു പിന്നാലെ തെറ്റായ വിവരങ്ങള് നല്കിയതിനാണ് സോബിക്കെതിരെ കേസെടുത്തിരിക്കുന്നത്. വ്യക്തിവിരോധം തീര്ക്കുന്നതിനും ശ്രദ്ധിക്കപ്പെടുന്നതിനുമാണ് സോബി ആരോപണങ്ങളുമായി രംഗത്തെത്തിയിരിക്കുന്നതെന്നാണ് നിഗമനം. മരിച്ച ബാലഭാസ്കറിന്റെ മാതാപിതാക്കള് ഇതു വിശ്വസിച്ചാണ് പരാതിയുമായി മുന്നോട്ടു വന്നിരിക്കുന്നതെന്നും സിബിഐ വിശദീകരിക്കുന്നു. പെട്രോള് പമ്പിനു സമീപം താന് കാര് നിര്ത്തിയിട്ട് വിശ്രമിക്കുമ്പോള് ബാലഭാസ്കറിന്റെ നീല ഇന്നോവ കാറിന്റെ ചില്ലുകള് ഒരു സംഘം അടിച്ചു തകര്ത്തെന്ന് സോബി മൊഴി …