ശബരിമലയില്‍ തിരുപ്പതി മോഡല്‍ ദര്‍ശനത്തിന് പൊലീസ് പദ്ധതി തയ്യാറാക്കുന്നു

16 second read

തിരുവനന്തപുരം: ശബരിമലയില്‍ തിരുപ്പതി മോഡല്‍ ദര്‍ശനത്തിന് പൊലീസ് പദ്ധതി തയ്യാറാക്കുന്നു. ഡിജിറ്റലൈസ്ഡ് പില്‍ഗ്രിം മാനേജ്മെന്റ് സിസ്റ്റമെന്ന പേരില്‍ പൊലീസും ദേവസ്വവും കെ.എസ്.ആര്‍.ടി.സിയും ചേര്‍ന്നാണ് പദ്ധതി സജ്ജമാക്കുന്നത്. ശബരിമല ദര്‍ശനം പൂര്‍ണമായി ഓണ്‍ലൈന്‍ വഴിയാക്കുകയാണ് ലക്ഷ്യം.

ശബരിമല യാത്ര, ദര്‍ശനം, താമസം, വഴിപാടുകള്‍, സംഭാവന എന്നിവയെല്ലാം പൊലീസിന്റെ പുതിയ വെബ്‌സൈ?റ്റു വഴി ബുക്ക് ചെയ്യാം. ഓണ്‍ലൈന്‍ വഴി തീര്‍ത്ഥാടനം ബുക്ക് ചെയ്യുന്ന ഭക്തര്‍ക്ക് നിലയ്ക്കല്‍ പമ്പ, സന്നിധാനം എന്നിവിടങ്ങളില്‍ എത്തിച്ചേരുന്ന സമയം മുന്‍കൂട്ടി അറിയാനാവും. ഓണ്‍ലൈന്‍ വഴി ബുക്ക് ചെയ്ത് കിട്ടുന്ന രസീതുകള്‍ സ്വീകരിക്കാന്‍ നിലയ്ക്കലില്‍ കൂടുതല്‍ കൗണ്ടറുകള്‍ ഉണ്ടാകും. ഇവിടെനിന്ന് വഴിപാടു രസീതും താമസിക്കുന്ന സ്ഥലത്തെ കുറിച്ചുള്ള വിവരങ്ങളും തീര്‍ത്ഥാടകര്‍ക്ക് നല്‍കും.
ഭക്തര്‍ക്ക് ദര്‍ശനത്തിന് ലഭിക്കുന്ന സമയത്തുതന്നെ സന്നിധാനത്തെത്താനുള്ള യാത്രാസൗകര്യം കെ.എസ്.ആര്‍.ടി.സി ഒരുക്കും. ദര്‍ശനത്തിന് പ്രത്യേക ക്യൂവും ഉണ്ടാകും. ഓണ്‍ലൈന്‍ ബുക്ക് ചെയ്തുവരുന്നവര്‍ക്കായിരിക്കും യാത്രയ്ക്കും ദര്‍ശനത്തിനുമെല്ലാം മുന്‍ഗണന. ഓണ്‍ലൈന്‍ ബുക്ക് ചെയ്ത് വരുന്നവര്‍ സന്നിധാനത്ത് തങ്ങുന്നതിന് സമയപരിധി നിശ്ചയിക്കും. കഴിഞ്ഞ വര്‍ഷം വരെ പൊലീസിന്റെ വെര്‍ച്വല്‍ ക്യൂ സംവിധാനമുണ്ടായിരുന്നെങ്കിലും നിരവധി പാളിച്ചകള്‍ ഉണ്ടായിരുന്നു. ഇത് പരിഹരിച്ചാണ് സ്‌റ്റേറ്റ് ക്രൈം റെക്കാഡ്സ് ബ്യൂറോയുടെ നേതൃത്വത്തില്‍ പുതിയ സോഫ്റ്റ് വെയര്‍ ഉണ്ടാക്കിയത്. ശബരിമല ദര്‍ശനം ഭാവിയില്‍ പൂര്‍ണമായി ഓണ്‍ലൈന്‍ വഴിയാക്കാനും ആലോചനയുണ്ട്. ഒക്ടോബര്‍ അവസാനത്തോടെ ഓണ്‍ലൈന്‍ ബുക്കിംഗ് തുടങ്ങാനാകുമെന്നാണ് പ്രതീക്ഷ.

Load More Related Articles

Leave a Reply

Your email address will not be published. Required fields are marked *

Check Also

അടൂരിനെ നടുക്കിയ അപകടം: സ്‌കൂള്‍ അധ്യാപികയെയും കൂട്ടി സ്വകാര്യ ബസ് ഡ്രൈവര്‍ ആത്മഹത്യ ചെയ്തതെന്ന് സൂചന: സ്വിഫ്ട് ഡിസയര്‍ കാര്‍ ഓടിച്ചു കയറ്റിയത് കണ്ടെയ്നര്‍ ലോറിയിലേക്ക്: സംഭവം കെപി റോഡില്‍ പട്ടാഴമുക്കില്‍

അടൂര്‍: കെപി റോഡില്‍ പട്ടാഴിമുക്കില്‍ കാറും കണ്ടെയ്നര്‍ ലോറിയും കൂട്ടിയിടിച്ചുണ്ടായ അപകടം …