മനാമ: പ്രധാനമന്ത്രി നരേന്ദ്രമോദി ബഹ്റൈനിലെത്തി. ശനിയാഴ്ച ഉച്ചയ്ക്കുശേഷം യു.എ.ഇ സന്ദര്ശനം പൂര്ത്തിയാക്കിയ ശേഷമാണ് അദ്ദേഹം ബഹ്റൈന് തലസ്ഥാനമായ മനാമയിലെത്തിയത്. ബഹ്റൈന് പ്രധാനമന്ത്രി ഖലീഫ ബിന് സല്മാന് അല് ഖലീഫ രാജകുമാരന് മോദിയെ സ്വീകരിച്ചു.
പ്രധാനമന്ത്രി നരേന്ദ്രമോദിയും ബഹ്റൈന് പ്രധാനമന്ത്രിയും തമ്മില് കൂടിക്കാഴ്ചയും നടത്തി. ഇന്ത്യയും ബഹ്റൈനുമായും ബന്ധപ്പെട്ട വിവിധ വിഷയങ്ങള് കൂടിക്കാഴ്ചയില് സംസാരിച്ചെന്ന് പ്രധാനമന്ത്രി നരേന്ദ്രമോദി ട്വിറ്ററിലൂടെ അറിയിച്ചു. ദേശീയ സുരക്ഷാ ഉപദേഷ്ടാവ് അജിത് ഡോവലും പ്രധാനമന്ത്രിക്കൊപ്പം ഉണ്ടായിരുന്നു. ബഹ്റൈന് സന്ദര്ശിക്കുന്ന ആദ്യ ഇന്ത്യന് പ്രധാനമന്ത്രിയാണ് നരേന്ദ്രമോദി.