ദുബായ്: മേഖലയിലെ ആദ്യ ഇലക്ട്രിക് ഫയര് എന്ജിന് പുറത്തിറക്കി. നിലവിലുള്ള ഫയര് എന്ജിനുകളേക്കാള് ചെലവു കുറഞ്ഞതും 30% പ്രവര്ത്തനക്ഷമത കൂടിയതുമായ വാഹനമാണിത്. 20 മിനിറ്റ് കൊണ്ടു റീചാര്ജ് ചെയ്യാം.
വേള്ഡ് ട്രേഡ് സെന്ററില് നടന്ന ‘കസ്റ്റം ഷോ എമിറേറ്റ്സ്’ മേളയില് ഉന്നത സിവില് ഡിഫന്സ്-പൊലീസ് ഉദ്യോഗസ്ഥര് പങ്കെടുത്തു. ഒരു തവണ ചാര്ജ് ചെയ്താല് 500 കിലോമീറ്ററോളം ഓടിക്കാനാകുമെന്ന് സിവില് ഡിഫന്സ് ഡയറക്ടര് മേജര് ജനറല് റാഷിദ് താനി അല് മത്രൂഷി പറഞ്ഞു. വാഹനത്തില് 6 ഉദ്യോഗസ്ഥര്ക്കു കയറാം. യന്ത്രഘടകങ്ങളുടെ നിയന്ത്രണത്തിനുള്ള 17 ഇഞ്ച് സ്ക്രീനില് നിന്നുള്ള വിവരങ്ങള് തത്സമയം സിവില് ഡിഫന്സ് ആസ്ഥാനത്തും ലഭ്യമാകും.
വിശദാംശങ്ങള് സൂക്ഷിച്ചുവയ്ക്കാനും കഴിയും. ജലസംഭരണിക്ക് 4,000 ലീറ്റര് ശേഷിയുണ്ട്. വാഹനത്തിനു മണിക്കൂറില് 100 കിലോമീറ്റര് വേഗത്തില് പോകാനാകും.