ശ്രീനഗര്: ജമ്മുകശ്മീരിലെ കുല്ഗാം ജില്ലയില് ഭീകരാക്രമണത്തില് ബി.ജെ.പി. യുവമോര്ച്ച ജില്ലാ സെക്രട്ടറിയുള്പ്പെടെ മൂന്ന് ബി.ജെ.പി.ക്കാര് കൊല്ലപ്പെട്ടു. ബി.ജെ.പി. യുവമോര്ച്ച ജില്ലാ സെക്രട്ടറി ഫിദ ഹുസൈന് യാറ്റൂ, പാര്ട്ടിപ്രവര്ത്തകരായ ഉമര് റാഷിദ് ബീഗ്, ഉമര് റംസാന് ഹാസം എന്നിവരാണ് കൊല്ലപ്പെട്ടത്. വ്യാഴാഴ്ച രാത്രി 8.30-ഓടെയാണ് സംഭവം. കുല്ഗാമിലെ വൈ.കെ. പോരയിലൂടെ കാറില് സഞ്ചരിക്കുന്നതിനിടെയാണ് ഭീകരാക്രമണമുണ്ടായത്.
