തിരുവനന്തപുരം: സംസ്ഥാനത്ത് അഞ്ചുപേര്ക്കു കൂടി കോവിഡ്-19 സ്ഥിരീകരിച്ചു. കൊറോണ അവലോകന യോഗത്തിനു ശേഷം മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. ഇതോടെ സംസ്ഥാനത്ത് നിലവില് ചികിത്സയിലുള്ളവരുടെ എണ്ണം 32 ആയി.
പോസിറ്റീവായതില് മൂന്നുപേര് മലപ്പുറം സ്വദേശികളാണ്. പത്തനംതിട്ട, കോട്ടയം എന്നിവിടങ്ങളില് ഓരോരുത്തര്ക്കും രോഗം സ്ഥിരീകരിച്ചിട്ടുണ്ട്. ഇവരില് നാലുപേര് വിദേശത്തുനിന്നു വന്നതാണ്. ഒരാള് ചെന്നൈയില്നിന്ന് വന്നതാണ്. സംസ്ഥാനത്ത് ഇന്ന് ആരും രോഗമുക്തി നേടിയിട്ടില്ല.ഇതുവരെ 524 പേര്ക്കാണ് സംസ്ഥാനത്ത് രോഗം സ്ഥിരീകരിച്ചത്. 32 പേര് നിലവില് ചികിത്സയിലാണ്. 31,616 പേരാണ് നിരീക്ഷണത്തിലുള്ളത്. 31,143 പേര് വീടുകളിലും 473 പേര് വീടുകളിലുമാണ് നിരീക്ഷണത്തിലുള്ളത്. 95 പേരെ ഇന്ന് ആശുപത്രിയില് പ്രവേശിപ്പിച്ചിട്ടുള്ളത്.