കന്നഡയറിയാത്ത മലയാളിപെണ്‍കുട്ടിയും കഷ്ടപ്പെട്ട് മലയാളം പറയുന്ന ഒരു കന്നഡക്കാരന്‍ പയ്യനും ഒരുമിച്ച് താമസിച്ചാലോ? അവര്‍ക്കിടയിലെ പിണക്കങ്ങളും പ്രണയവും പ്രമേയമാക്കി ഒരുക്കിയിരിക്കുന്ന കുഞ്ഞുചിത്രമാണ് കന്നഡ ഗൊത്തില്ല- ഒരു ബംഗളൂരു ലവ് സ്റ്റോറി. ബംഗളൂരുവില്‍ താമസിക്കുന്ന മലയാളിയായ റിനി സലാം ആണ് ചിത്രം സംവിധാനം ചെയ്തിരിക്കുന്നത്.
റിങ്കു റാണധീര്‍, വികാസ് വില്വനാഥന്‍, മെര്‍ലിന്‍ സണ്ണി, ഹിജീസ് ഹബീബ് തുടങ്ങിയവരാണ് അഭിനേതാക്കള്‍. ഷെയ്ഖ് റിസ്വാന്‍ ആണ് നിര്‍മ്മാണം. സുനില്‍ ഛായാഗ്രഹണം നിര്‍വഹിച്ചിരിക്കുന്നു.
