ന്യൂഡല്ഹി : കുട്ടികളെ ക്രൂരമായി പീഡിപ്പിക്കുന്നവര്ക്ക് കടുത്ത ശിക്ഷ നല്കാനുള്ള വ്യവസ്ഥകള് ഉള്പ്പെടുത്തി പോക്സോ നിയമഭേദഗതി ബില് ലോക്സഭ പാസാക്കി. കുട്ടികള്ക്കുനേരെ ക്രൂരമായ ലൈംഗികാതിക്രമം നടത്തുന്നവര്ക്ക് വധശിക്ഷ വരെ ലഭിക്കുന്നതാണ് ബില്ലിലെ വ്യവസ്ഥ. രാജ്യസഭ നേരത്തെ പാസാക്കിയ ബില് രാഷ്ട്രപതി അംഗീകരിച്ചാല് നിയമമാകും. കഴിഞ്ഞ ജനുവരി 8ന് ലോക്സഭയില് അവതരിപ്പിച്ച ബില്ലാണ് ഭേദഗതികളില്ലാതെ വീണ്ടും കൊണ്ടുവരുന്നത്. കുട്ടികളെ പീഡിപ്പിക്കുന്നവര്ക്ക് പിഴയോടൊപ്പം ചുരുങ്ങിയത് 20 വര്ഷം തടവ് മുതല് വധശിക്ഷ വരെ ലഭിക്കുന്ന വ്യവസ്ഥകള് ഭേദഗതി ബില്ലിലുണ്ട്. കുട്ടികള് ഉള്പ്പെടുന്ന ലൈംഗിക ചിത്രങ്ങള് പ്രചരിപ്പിക്കുന്നവര്ക്ക് അഞ്ച് …