പനി: ഒരു കുടുംബത്തിലെ രണ്ടു കുട്ടികള് മരിച്ചു:അമ്മയും പനി ബാധിച്ച് ചികിത്സയില് കാസര്കോട്: ബദിയടുക്കയില് പനിബാധിച്ച് ഒരു കുടുംബത്തിലെ രണ്ടു കുട്ടികള് മരിച്ചതില് ആരോഗ്യവകുപ്പ് വിശദമായ പരിശോധനകള് തുടങ്ങി. മംഗളൂരുവിലെ സ്വകാര്യ ആശുപത്രിയില് ശേഖരിച്ച സാമ്പിളുകള് വിദഗ്ധ പരിശോധനയ്ക്കായി പൂണെയിലെ വൈറോളജി ലാബിലേയ്ക്ക് അയച്ചു. കുട്ടികളുടെ അമ്മയും പനി ബാധിച്ച് ചികിത്സയിലാണ്. നിലവില് ആശങ്കപ്പെടേണ്ട സാഹചര്യമില്ലെന്ന് ഡിഎംഒ അറിയിച്ചു. ബദിയടുക്ക, കന്യാപ്പടിയിലെ സിദ്ദിഖ്-നിഷ ദമ്പതികളുടെ മക്കളായ നാലുവയസുകാരന് മൊയ്തീന് ഷിനാസ്, എട്ടുമാസം പ്രായമുള്ള സിദ്റത്തുല് മുന്തഹ എന്നിവരാണ് മരിച്ചത്. കഴിഞ്ഞ ഒരാഴ്ചയായി ഇരുവരും മംഗളൂരുവിലെ …